الموضوع: أختبار أمان EURO Ncap للأمجراند ec7

مع كل احترامي... العربيات اللي بتنزل بره بتختلف عن اللي بتنزل في مصر، لو بصيت في الفيديو هتلاقي ان في وسائد هواء جانبية، وديه متشاله من النسخة المصرية، ولو فتحنا التفاصيل هتلاقي العربية فيها نظام esc وده كمان مش موجود، وبعدين احنا هنروح بعيد ليه العربية ديه بتنزل بره مصر 1800 سي سي

المشاركة الأصلية كتبت بواسطة m i d o

الشاسية واحد يا باشا في كل العالم

طبعا الشاسية واحد، انما ال esc طبعا من عوامل الامان، بدليل ان لو بصيت علي النقاط بتاعت الامان هتلاقيه واخد 3 نقاط عشان فيه esc ، اختبار الامان هو منظومة واحدة متكاملة مش قوة الشاسيه بس هي اللي بتحددها

المشاركة الأصلية كتبت بواسطة m i d o

في فوارق طفيفة بين النسخة الي في باقي العالم و النسخة المصرية و ال esc ماعتقدش انة يعمل فارق كبير الي يعمل فارق الايرباج الزيادة برة ومش موجودة عندنا

الموضوع مش تقليل من شأن الايمجراند، الموضوع عبارة عن جشع المستوردين المصريين، واستهتارهم بارواح المصريين وطبعا غياب المنظومة اللي تقول ان العربية المفروض يبقي مواصفتها كذا للحفاظ علي الارواح، يعني عشان يزود مبيعاته يروح شايل ايرباج (علي فكرة شيل الايرباج او نظام من انظمة الامان ما بيققللش السعر انما بيزود المكسب) الفكرة عنده ان هو بيبقي عاوز يكسب مبلغ محدد من العربية، فا بيشيل الانظمة عشان يقلل تكلفته ويزود هامش الربح