الموضوع: كفائة تكييف الاوبل فيكترا 97

السلام عليكم

ياشباب . بدور علي عربية اوبل 97 .
وانا بدور لقيت ناس بتقولي ان تكيف العربية وحش . والعربية فيها مشاكل منة . والعربية بتسخن .
وهتلاقي اغلب الي ركبينها فاتحين الشباك في الصيف . لانة اسوأ حاجة في العربية .


السؤال في كفائة التكييف . ممكن يتقارن بانهو عربية ياباني او كوري ؟
وايه اخبارة في الصيف (في الحر الشديد ) .

وارجوا ان يكون الرد بمقارنة بين التكيفات .
يعني محدش يكتبلي (تكيفها تلاجة ) ويسكت

المشاركة الأصلية كتبت بواسطة islambana

بص يا باشا انا ركبت الفيكترا 5 سنين طلعت عينى كل ما اصلح حاجه حاجه تانيه تبوظ والتكيف كل ما اصلحه شهر ويبوض والخراطيم بتضرب كل شويه ومش هتعرف تستخدمه فى الصيف عشان العربيه بتسخن لوحدها من غير تكيف وبعتها وجيبت لانسر كرستاله عربيه محترمه تكيفها تلاجه بس انت تستحمله ما بيسختش العربيه ميتقرنش تكيفها بكل الاوبل ده غير ان ملهاش مصاريف

هو دة الكلام الي سمعتة من كذا واحد .

المشاركة الأصلية كتبت بواسطة sherif moneer

اظبط ترموستات الحراره و سرعات المراوح واشحن فريون نضيف والتكيبف هيخليك تصدع من برودته
المشكله يا باشا ان اللي كره العربيات الاوبل كان بيشتغل ف العربيه عند صنايعيه مش اوبل وميفهموش حاجه فيها
وعموما لو حضرتك بتدور على فخامه وثبات و فرامل و وسع كمان خليك ف الألماني عموما

انا بدور علي (فخامه وثبات و فرامل) مقابل السعر .
ودة موجود في الاوبل
لاكن واضح من كلامك ان في لعب في التكيف .

المشاركة الأصلية كتبت بواسطة hilal

شوف يا سيدي
إذا كان يهمك التكييف جدا ، الياباني يتفوق في نفس الفئة السعرية ، يبقى ابعد عن الاوبل وهات لانسر او تويوتا
أما إذا كنت تبحث عن مميزات أخرى كالثبات والقوة ، يبقى الالماني يكسب

التكيف مهم وبشغلة وقت كبير .
عاجبني ان الاوبل فيها حاجات زي ما sherif moneer قال . بس الخوف كله من التكييف .
بالنسبالي اللانسر مش فارقة عن الاكسيل . لاكن الاوبل فارقة كتير بين الاتنين . كفاية الفرامل وشاشة الاعطال .