الموضوع: كيف نحسب سعر بيع عربية عليها اقساط (لو حبيعها لقريبى)

السلام عليكم
ده مش سوال عن سعر عربيتى اد مهو سوال عن ازاى نقيم عربية عليها اقساط

انا عندى عربية دايهاتسو شاريد 2007 اوتوماتيك
كانت وقت مشترتها فى اخر ديسمبر 2006 بحوالى 60 الف جنيه
اشترتها تقسيط مع بنك ناصر لغاية دلوقتى دافع فيها مقدم واقساط حوالى 30 الف جنيه
لو واحد قريبى عايز يشتريها منى وحتفضل قسط باسمى
نظام التفاوض عليها يبقى ازاى
يعنى اولا لو العربية حبيعها كاش تبقى فى حدود كام اذا كانت عاملة 30 الف كيلو وفيها خدوش من المعروفة فى بلدنا بيتعملها صيانة دورية فى التوكيل كل 5 الاف كم ولسه مغير بطارية جافة يبقى السعر المفروض كاش فى حدود كام؟
علما بانها خلاص مبقتش موجودة فى السوق والمنافسة ليها بيكانتو سعرها زاد بقت الاتوماتيك فول ابوسشن بحوالى 70 الف

طيب لو حبيعها قسط وهو حيكمل القسط يبقى نخصم كام من ال30 الف اللى انا دفعتهم هل تبقى نسبة وتناسب؟ يعنى لو تمن العربية مثلا بينزل 15% يبقى اخصم 15% من ال 30 الف؟ ولا ازاى

شكرا لكم

شكرا يا استاذ شنودة
بس ليه النصيحة دى
هل الخسارةحتبقى كبيرة فى سعرها ولا قصدك ايه؟