هل يوجد ضرر من سحب سيارة متعطلة ؟؟

**EngAhmedSayed** · 22-01-2014 06:28 PM

لو لمسافة طويلة
خد عندك
طقم الدبرياج
اسطوانة و بلية و ديسك
دة لو منوال
اشبال بقى الاتوماتيك هتيبقى الضرر اكبر من كدة

كابلن داخلية و خارجية
و دة بيرجع بتأثير على العفشة الامامية على المدى البعيد

و حمل على الموتور و ممكن لو واحد افترى و هو بيقطر ممكن يفون الموتور

ربك المستعان

**ehabouf** · 23-01-2014 10:44 AM

المشاركة الأصلية كتبت بواسطة ahmedsrs

لا هما مش عاملينها عشان تشد بيها عربيات هما عاملينها لسبب وجيه ان بره ممكن يركب فيها مقطورة صغيرة لزوم حمل شنط او بسكلتة او مركب بيتنفخ لزوم النزه او اشياء خفيفة وطبعا لازم المقطورة تكون متوافقة مع مواصفات صانع السيارة من حيث الوزن والطول والارتفاع وهل يوجد بها فرامل او اضواء ملاحية وهتلاقى الكلام ده فى كتالوج العربية

طيب لو كدة - عاملين ليه مكان قدام تتقطر منه العربية؟؟

**mizomizomizo** · 23-01-2014 12:36 PM

طيب العربيات النقل مصممة لحمل اوزان وقطر اوزان معينة و رغم ذلك بتسحب مقطورة ضعف وزن العربية بالحمولة
بالنسبة للعربيات الملاكي لو بصيت في لمانيول هتلقي حطط اقصي حمولة يمكن جرها مثل كرفان او مثل وزن السيارة فارغة

ولكن في مصر العربية بنسمع اقويل مثل العفشة هتتخلع
و الماتور هيفوت لو سحب عربية انما تشيل ضعف حملتها عادي
وفتو كتير

**amer_aboamer** · 25-01-2014 02:36 PM

بص يابرنس
فى كل الأحوال ماتقطرشى عربية إلا إذا كان واحد حبيبك قوى وممكن تتقبل أى خساير تيجى من ناحيته وفى الحالة دى هاتعمل الأتى
1-تربط العربيتين من جمب واحد يعنى يمين يمين أو شمال شمال
2-تربط من الأماكن المخصصة للقطر لأن دى أماكن معمولة للغرض ده
3-إربط بحبل مش واير سلك عشان لو الحمل زيادة الحبل يتقطع أمما الواير هايخلع أى حاجة من العربية وإنته ونصيبك أو هوا ونصيبه
4-إمشى على الغيارات القليلة أولانى وتانى بالكتير متزودشى عن كده
5-تابع عداد الحرارة بإستمرار ومتحطش رجلك على الدبرياج كتير
6-والى اللى إنتا قاطره بالإشارات عشان يعرف إتجهاتك وخليه هوايشغل إنتظارولو هوا لاظ أى حاجة يديلك كلاكس
وتوصلو بالسلامة ياعم وإبقى إدعيلى
وشكرا