بجانب عصا الفتيس هناك زرار اسمه unlock الخربوش في هذه المنطقه
عرض للطباعة
بجانب عصا الفتيس هناك زرار اسمه unlock الخربوش في هذه المنطقه
ﺷﻜﺮﺍ ﺍﺳﺘﺎﺫ ﻭﺍﺋﻞ ﻭﺭﺑﻨﺎ ﻳﺒﺍﺭﻛﻠﻚ ﻓﻲ ﺍﻟﺎﻳﺪﻭ ﻭﺍﻧﺸﺎﺀ ﺍﻟﻠﻪ ﻫﺘﺄﻛﺪ ﻣﻦ ﺍﻟﺨﺮﺑﻮﺵ ﻟﻤﺎ ﺍﺳﺘﻠﻢ ﺍﻧﺸﺎﺀ الله
دة تقرير مفصل للعربية الايدو :
اولا : ثبات العربية
محترمة جدا فى ثباتها على السرعات العاليه وانا شخصيا وصلت بيها الى 160 ولو كنت كملت معنهاش مشكلة
العربية مزودة ب التالى
ABS
EBD
ESC او Electronic stability control ودة مش هتلقية فى كل العربيات لانة دة المسئول عن ثبات العربيه من خلال تنسيقة ما بين ABS و EBD وخصوصا فى حالة وجود مطر
ثانيا : عزل العربية
كويس جدا مش عايز ابالغ واقول ممتاز مقارنة بالعربيات اللى انا اتفرجت عليها ومنها الايمجراند والبى واى دى وحتى اللوجن.
ثالثا : الدهان والتقفيل
محترم جدا ويكفى ان العربية تقفيل بلدها والفنيش بتعها محترم
والكراسى جلد مش مصمت يعنى مزودة بفتحات تهوية
التكيف جربتة عملى ولمدة ساعة ونصف فى موجة الحر اللى فاتت كان منها حوالى نصف ساعة فى اشارة وحدة وكان اداة كويس جدا
رابعا : العفشة رياضيه واللى بتتوائم مع الشوارع بتعتنا بالاضافة الى ان العربية تعتبر الاعلى فى فئتها عن الارض وبالتالى لما تركب عيلة مش هتلقيها بتحك فى المطبات ولكنى عندى راى ان شوارعنا الفل عايزة عفشة دبابات وعلى العموم انا حريص ان انا احفظ امكان المطبات والحفر فى طريقى باستمرار
وحتى الان العربية مخزلتنيش فى اى حاجة لا اصوات غريبة ولا تزييق .
والحقيقة انا لما خدت القرار واشترتها كنت اول شهر موسوس على الاخر يعنى كانت ودانى حساسة لاى حاجة ممكن تحصل والحمد الله حتى الان العربية بتزيد ثقتى فيها يوم عن اليوم اللى قبلة
عايز قولك ان العربية مش صينى زى منتا فاكر يعنى
التصميم ايطالى
الموتور بتعهم تطوير مشترك بينهم وبين فورد (وليهم مراكز بحوث فى امريكا ) مزود بخاصية اسمها Blue core ودى بتعنى ثلاث حاجات
اقصى قوة فى اداء الموتور 120 حصان 1600 cc
اقصى هدوء فى صوت الموتور
اقصى محافظة على البيئة
اهم حاجة
الفتيس ستريبتونك 5 سرعات يعنى اتوماتيك تلقيه ومنوال تلقيه والاهم انه (يابانى التصنيع من شركة ايسن الموردة للاغلب الشركات العالمية زى تويوتا مثلا وبرندات تانية كتير .
نظام الفرامل من شركة امريكية مشهورة اسمها TRW
جنوط اسبور مقاس 16
استهلاك البنزين خلال الالف كيلو اللى فى الاول 8- 8.6 ليتر/100 كيلو
بعد كده ثبت جوه القاهرة عند 9.5 ليتر /100 ك
وصل مع التكيف الى 10.6 ليتر /100 ك
ولو فى اى استفسار انا تحت امرك
اخى الغالى مبروك اولا ع السيارة و ربنا يحفظهالك يارب
ثانيا انا كنت عاوز اعرف يعنى الموتور مش بتقنيه ماركه معروفه و لا العفشه كمان و لا حتى الفتيس
انا بس بتكلم علشان قطع الغيار البدليل لاقدر الله
و قطع الغيار الاصليه ليها متوافرة ف السوق المصرى تجارى و اصلى و لا لاء
و ساجها كويس يتحمل
و اخيرا معلش استحملنى لان السيارة عجبانى جدا جدا جدا و انا مش من مصر انا من بورسعيد
هل توجد ف معارض معينه معتمدة من الوكيل ؟ و ايه هيه عناوين و اسماء المعرض لو سمحت
و الضمان عليها كام ؟
منتظر الرد منك ف القريب لو سمحت
(Y)
ﺷﻜﺮﺍ ﻟﻴﻚ ﺟﺪﺍ ﻟﻠﻤﺤﺘﺮﻡ تيتو ﻭﺭﺑﻨﺎ ﻳﺒﺎﺭﻛﻠﻚ فيها
معرض اللي في ابو رواش عنوانه ايه ....؟
هل متوفر الآن ﺷﺎﻧﺠﺎﻥ ايدو فى الفروع و لا لسه ............؟
و السعر الحالى كام ..............؟
هما بيقولوا الدفعه اللى جايه خلال شهرين او تلاته والمتوفره هيا cs 35 ودي عربيه تحفه بالنسبه لمحبي الكروس فان وسعرها 130000 جنيه اما بالنسبه للايدو سعرها الحالى 110000 ومش متوفره حاليا وبيقولوا ان احتمال سعرها يزيد
عملت صيانه الالف اليوم.... ناس محترمه
وسالت لو كان فيه قطع غيار ماركات اخري تركب عليها وكان الرد ان السياره لسه جديده واكيد فيه ممكن حاجات تركب فيها بس زي ماقال الاستاذ تيتو حاجاتها كويسه وواضح انها معمره ربنا يبارك له فيها ومبروك مقدما للحاجزين وكل عام وانتم بخير
الموتور من تصميم الشركة وبتقنية BLUE Core وهو مش متأخد من عربيات قديمة زى العربيات الصينى BYD <FAW و غيرها
بالنسبة للعفشة معنديش فيها اجابة ان كانت متخده من تقنيه عربية ثانية ولا
وبالنسبة للفتيس فده من شركة معروفة عالميا وهيه بالمناسبة شركة يابانى وتعتمد شركة تويوتا عليها فى جميع انواع عربيتها .
قطع الغيار : متوفرة بالتوكيل واعتقد انة لسه منتشرتش على مستوى تجار قطع الغيار
وعلى قكره صاج العربية كويس جدا ومحمل والعربية وزنها مش خفيف وتلاقيها راسيه على الارض
اكيد فى معارض معتمدة بس معتقدش ان فى ليهم موزع فى بورسعيد لكن رأيى ان انت تتصل بيهم لو هيه موجودة فى احد الفروع بالقاهرة تتفرج عليها من قريب وتتفحصها
الضمان 3 سنوات او 100,000 ك
وانا تحت امرك فى اى حاجه