http://nileup.com/up/uploads/nilemotors_13977835751.jpg
url=http://nileup.com/up/]http://nileup.com/up/uploads/nilemotors_13977835762.jpg[/url
عرض للطباعة
http://nileup.com/up/uploads/nilemotors_13977835751.jpg
url=http://nileup.com/up/]http://nileup.com/up/uploads/nilemotors_13977835762.jpg[/url
حد استلم الايدو السيدان.... يقول رايه ايه
من خبره حضرتك ايهما افضل الايدو السيدان
ولا بي واي دي سواء الجديده او الحاليه
توكيل الامل قال لي ان المانيوال الجديده نازله نصف مايو
وقال لي ان الاتوماتك لسه مش عارفين نازله امتي ومره اخري قالوا الاتنين نازلين مع بعض
على فكرة اول اعلان نزل من توكيل الايدو نزل فى الاخبار النهارده
صفحة شانجان مصر على الفيس بوك https://www.facebook.com/ChanganEgypt
السلام عليكم
اعتقد ان هذه السيارة هي من افضل ان لم تكن افضل السيارات الصينية -- و ان كان هناك شئ سئ فيها فلن يكون الا التوكيل السئ جدا بكل ما تحمل الكلمة من معني و هذا من واقع تجربتي معهم علي مدار سنة و شهرين - و لا زلت مثل غيري نعاني من التنفيض و عدم القدرة علي حل مشاكل يمكن لاي ميكانيكي مبتدئ حلها
- ربنا يهديهم
احد الاشياء التى تجعلنى متردد من شراء السيارة هو توكيلها وعدم انتشار السيارة يعنى لو العربيه فيها مشكله اروح بيها لمين ....التوكيل من الواضح انه لا يستطيع التعامل مع اتفه الاشياء وهذا الامر لاحظته من شكاوى ملاك السوزوكى فى قسم سيارات السوزوكى فكيف سيتعامل مع هذة السيارة الجديدة التى لا تزال غامضه على المستخدم واصحاب الورش العاديه لا يعرفون عنها شىء والتوكيل ضعيف فنيا يعنى لو حصل اى عطل فنى اقلبها عربيه فول ...ياريت الاخوه الافاضل ملاك السيارة القدامى يوضحون لنا تعامل التوكيل مع المشاكل الخاصه بالسيارة وهل ينجح فى حلها ولا التوكيل ماشى زى نظام غبور وامثاله؟
اخي الفاضل --- قلة الخبرة في المقام الاول -- التنفيض بكل ما تحمل تلك الكلمة من معني في المقام الثاني----
لو عند حضرتك وقت -- اقرأ الحكاية دي.....
اسمع الحكاية دي -- استلمت الالتو مو 2013 من سنة و شهرين تقريبا -- و من اول اسبوع بروح التوكيل عشان عضة في المارشدير --- و روحت كتيييييييير بسببها - - كل مرة يقولولي بتتحل -- وطبعا مش بتتحل..
ده غير اني احيانا روحت 3 مرات متتالية عشان خبطة بتتسمع في العفشة -- و برده فين و فين لما بتتحل - وفيه خبطة في العفشة دلوقتي و مش عارفين يعملوها -- هيه مش باينه اوي يعني بس انا مش بحب يكون عندي اي مشكلة في حاجتي و بدفع فلوس يبقي المفروض الحاجة تتصلح..
-- اخر مرة كنت هناك قلت للمهندس و هوه قاعد جنبي بيشوف عضة الفتيس هاتحصل ازاي-- هوا انا يا فندم بجيلكم من مدينة العبور الي الكيلو 28 عشان اغسل العربية و امشي --
قاللي ازاي --
قولت مفيش حاجة بتتعمل من اللي بقول عليها -- قاللي اطمن... النهارده مش ها ندخلها مغسلة --
هههههههههههههههههههههههه
وانا بشد في شعري -- قولت فعلا و هاتدخل ليه هيه دخلت الورشة!!!!
بخصوص عضة المارشدير تاني -- في مرة البشاوات بيقولولي --
يمكن حضرتك مبتعرفش تجيب الغيار كويس --
قولت يا فندم -- اقول لحضرتك انا بسوق من امته او سوقت كام نوع عربيات؟
قدمت اكثر من شكوي --
من شهر اتصل بي مدير قسم سوزوكي في الكيلو 28 ابو رواش -- قاللي احنا "آسفين يا ريس" -- و تعالي لي شخصيا و هانشوف اي مشكلة --
و باتت العربية يوم عندهم --
و لم يحل اي شئ --
اتصل بي خدمة العملاء بعدها --
قلت لهم مفيش حاجة اتحلت --
قالت سيادتها تعالي حضرتك و نوعدك ان المشكلة لازم تتحل المرة دي -- و لو فيها تغيير الفتيس حتي --
اخذت اجازة من الشغل و روحت --
و مفيش فايدة ---
مفيش حاجة برده اتعملت --
هما اساسا بينكروا ان المشكلة موجودة لانها مش بتحصل دائما--
يتبقي بس اني اذكر الحوار التالي........
اخيرا ممثلة خدمة العملاء اتصلت بي من يومين بتقولي ايه رايك في الخدمة --
قولت الحمد لله مفيش حاجة اتحلت --
قالت ازاي بس هو المهندس قال ايه لحضرتك --
قولت قالي " زيها زي اي سوزوكي التو" ---
قالت يعني ايه --
قولتلها فيما معناها ان ده عيبت تصنيع و لازم ارضي بيه -
قالت-- آه..... بس كده يا فندم ده عيب تصنيع في الموديل كله يعني مالناش اي زنب --
قلت انتم المفروض توكيل محترم -- ازاي مفيش اي اتصال بينكم و بين المورد بخصوص عيب في كل السيارات لفئة معينة و انتم تعترفون به و طبعا لا يحدث هذا الاعتراف امام العميل.
قالت لا -- اي توكيل فيه عنده سيارات فيها عيوب تصنيع..
قولت -- - اي توكيل ممكن يكون عنده بعض السيارات في موديل معين فيه عيوب تصنيع و ليس معظم سيارات الموديل كما هو عندكم---- مثلا الفيرنا مع غبور -- اشتكي البعض و منهم الكثير من قام التوكيل بحل المشاكل.
قالت لا -- الفيرنا كلها عيوب
قلت -- حضرتك لا تعلمين ذلك لان ليس لكي علاقة ب هيونداي -- انت لك علاقة ب سوزوكي او نيسان.
قالت -- لا ما هو انا اعرف ناس معاهم فيرنا و كلها عيوب..
قلت -- و انا تعاملت مع وكيل غبور و اعرف الكثير.
و قلت ايضا -- انتم كتوكيل عندكم مشاكل كثيرة جدا و لا تعترفون بذلك و سيكون ذلك وبالا عليكم --
قالت مشاكل ايه..
قلت مثلا مشكلة عيوب الصناعة - و مشكلة التسعير السئ جدا لبعض السيارات التي تقضون عليها بانفسكم ---- سيلاريو مثلا..
قالت ازاي يعني --
قلت ياريت تقارنوها بمثلها --
قالت هي الافضل
قلت السيارة اي تن مثلا -- اوسع و اكثر انتشارا - موتور اقوي -- ضمان 5 سنين و ليس 3
و توضع في نفس سعر السيلاريو --
لم ترد --
و اخيرا انهيت المكالمة بعد ان وجهت لها الشكر --- حتي انهي واشوف موضوع تاني اتكلم فيه -- لانه قد فاض الكيل..
ما يمنعني من عدم التعامل معهم - هو اني لا اجد ميكانيكي قريب مني محل ثقة
ودائما مشاويري طويلة و ليس لدي وقت للذهاب لميكانيكي --
هدانا الله و اياكم لما فيه الخير
فى الاول والاخر انت اكيييييييد عندك حق فى اللى بتقولوا وربنا يعيينك عليهم
بالنسبالى انا بقالى حوالى خمس شهور اتعملت معاهم مرتين فى الالف وفى ال 5000 ومكنش قى مشاكل وعلى العموم ربنا يستر .
المشاكل فى كل التوكيلات على فكرة يعنى غبور فى العربية الايمى عامل فضايح من صدا فى الابواب الى عضة فى الدبرياش وفى ناس بتغيرة وهما لسة مكمولوش 20000 و ماستر عجل بيضرب عند 1000
انا متابع ليهم لانى كنت ناوى اجبها قبل مشوف الايدو
رأئع الله ينور.
السلام عليكم و رحمة الله
اولا اخي الفاضل --- ربنا يبارك لك في السيارة الجميلة ايدو -- التي اعجبتني كثيرا و انا من كتب الموضوع من اوله ---- فعلا صعب تكون بالشكل ده سيارة وحشة و --- ربنا يكفيك شرها
ثانيا ---- نقلت ما حدث بالنص -- و للعلم لم انقل كل شئ فهي رحلة معاناة علي مدار اكثر من عام ---- ليعلم الجميع مصائب هذا التوكيل.
وهذا ليس معناه كما قلت ان الاخرون ممتازين -
جزيل الشكر
بالتوفيق
فيه موزعين للايدو? ولا التوكيل بس?
شكرا جزيلا
انا كلمتهم وهي مش موجوده حاليا وكان بيبيعها ب 115 الف تتصور! !!!!
وعنده xt مستعمله ومعروضه ب 130 الف...... يعني سرقه علني
علي العموم حستني التوكيل وشكرا لحضرتك
نزلت في التوكيل وهم 3 عربيات
انا بقول نستني لما يفتح المعرض اللي في ابو رواش الشهر ده علي الاقل يكون قريب والواحد يقدر يشوف العربيه كويس بدل ما يودوها المهندسين وارجع ليها تاني علي اكتوبر
هما زي ماقلتم قبل كده فيه دفعه بيخلصوا عليها في الجمارك خلال ايام
التلاته الموجودين حاليا في التوكيل السيلفر والنبيتي والسوداء
واضح انهم بيوزعوا العربيات والفاضل عندهم بيعرضوه في التوكيل
شفت العربية ال aedo امبارح في الشارع مرخصة وماشية .. بسم الله ما شاء الله تحس أنها عربية ماسكة نفسها .. بس مستنيين الأداء حيكون أيه .
افهم من الكلام دة ان فيه عربيات فى التوكيل حاليا ولا التوكيل معندوش عربيات لان انا لما تصلت من اسبوع قالوا مافيش عربيات ومفيش حجز ومش عارفين الشحنه الجديدة جايه امتى وكلمنا بعد شهرين وحاجه توهان..... ارجو من احد الاعضاء اللذين اتصلوا بالتوكيل توضيح الامر
انا كلمتهم وقالوا كما ذكرت فيه 3 موجودين وفيه شحنه حتوصل في خلال ايام للمعرض
اشكرك استا ذ وائل على التفاعل وسرعه الرد وانا هتصل واعرف ممكن نحجز ولا نروح نشترى ونستلم على طول المهم يردوا على التليفون علشان هما عاملين ودن من طين وودن من عجين
يا جدعان انا شوفت النهاردة الايدو ال XT وانا ماشي في الاوتستراد عند المنصة كدة حاجة تحفة ماشاء الله كنت عايز اجري وراه واقوله انت جايبها منين دانا دايخ عليها بس للاسف كنت مضر اخد اليوترن وربنا يباركله فيها ملهاش حل لو انتشرت هتقضي على كل المنافسين في الفئة السعرية دي بالذات الكيا الريو ربنا يكرم التوكيل بقى وينتعه بالسلامة انا زهقت :praying:
اعتقد العربية الايدو بقت متوفرة في معارض الوكيل حسب كلامهم على الصفحة الي على الفيس بوك ممكن تتصلوا برقم خدمة العملاء وتتاكدوا, انا شخصيا هروح المعرض الي في شارع النزهة عند دار الدفاع الجوي اتفرج عليها يوم السبت
انا حاروح احجز السبت وربنا يسهل
قولنا الاخبار يا جماعه انا فى انتظاركم
انا حجزت اليوم ب 2000 جنيه
كان عندهم اخر 3 عربيات 2 مباعين والنبيتي لسه....) فيه خربوش بسيط في التابلوه جنب الفتيس )
الدفعه الجديده في الطريق
انا حجزت الاسود....... دعواتكم وقال لي من اسبوعين ل شهر ونصف.علشان استلم.... ربنا يسهل
الكلام ده في فرع المهندسين وقالوا لي ان النبيتي حتروح فرع مدينه نصر
ألف مبروك مقدماً .. وتستلم على خير .. بس متنساناش في التقارير بعد كدة
ان شاء الله دعواتكم نستلم علي خير
هو فيه ملاحظه في. العربيه دي صاجها تقيل تحس ده من غطاء المحرك
فاحساسي انها حتكون راسيه علي الارض ولحد 120 حتكون ثابته جدا
وبرضه ملاحظه تانيه ان الزجاج ابيض وليس ملون