الحمد لله ... قدر الله وماشاء فعل ... عملت حادثة بالنيوصنى فى اسكندرية

أنا عربيتى نيوصنى 2013 امبارح وأنا مروح من الشغل موتوسيكل عليه 2 شباب كسر الاشارة وخبطنى من الأمام يمين

الفانوس الأمامى يمين راح والرفرف الامامى يمين خد خبطة جامدة و الاكصدام وقع على الارض والفوجات الاتنين مش عارف اللمبات شغالة ولا لأ

المهم عاوز أعرف اسعار الآتى

فانوس أمامى / اكصدام أمامى / رفرف أمامى / الفوج

طبعا اللى محتاجه فعلا الفانوس الأمامى أعتقد الباقى يتصلح بس مش عارف أروح التوكيل ولا أروح لسمكرى بره

وهل هألاقى الحاجات دى فى اسكندرية

ودى الصور

متهيألى الرفرف ده مش هيرجع زى ما كان بالسوكة والبومبيه بتاعه ودى أكتر حاجة مزعلانى لانه هيتسخن عليه و هيترش فعلى حسب سعر التصليح مقارنة بسعر الشراء جديد والرش فى الحالتين

http://nileup.com/up/uploads/nilemotors_13903776711.jpg



الاكصدام أى حد بتاع فبر هيسخن عليه من جوا بس مش عارف هيترش و لا لأ

http://nileup.com/up/uploads/nilemotors_13903776712.jpg



هنا الفانوس راح تماما

http://nileup.com/up/uploads/nilemotors_13903776713.jpg


http://nileup.com/up/uploads/nilemotors_13903776714.jpg


الحمد لله على كل شئ

مستنى رأيكم

.

ربنا يعوض عليك
بس بصراحه بتوع الموتوسيكلات ( الا من رحم ربى ) بيبقى كانه راكبهم عفريت كأن وراهم الديوان
تلاقى الطريق كله واقف وهوه مش صابر
ما تعتبر نفسك سايق عربيه
روح لسمكرى يستعدل الرفرف وشوف حد يصلح الاكصدام وابقى رش الرفرف والاكصطدام

لا حول و قوه الا بالله , بص يا باشا اولا حاجه وحده اللى تجيبه هو الفانوس لانه مدمر و انا سالتلك في التوكيل عامل 975 جم غير طبعا المصنعيه و الضريبه اما الرفرف و الاكسدام يتصلحوا . (سعر الاكصدام 975 و الفوج الواحد 1125 جم ليه معرفش) ( اسال عليهم في صلاح الدين)
ثانيا: تصلح في التوكيل و له بره، بص يا سيدى روح توكيل الحضره و اعمل موئيسه و بعد كده روح الحرفيين و اسال (الحرفيين لازم تبقى عارف حد هناك احسن منعا للاشتغالات) و للعلم التوكيل بيودى شغله بره و عشان تبقى عارف العربيات النيو صنى رشه محليا ...

اسف على الاطاله و ربنا معاك

ربنا معاك و يصبرك معلش بس انا عايز اقولك علي حاجة انا مره كنت في توكيل متسوبيشي و دخلوا عربيه يصلحوا لواحد تبعهم يعني وكده وكانت صني الشكل الجديد عايزك اقولك علي حاجة انا فعلان صعقت
حضرتك عندك ورا من تحت الاكصدام الوراني مافيش قايم شاسيه ولا اي حاجة مجرد حتة اسفنج اللي هو الفل الابيض المقوي ده بس و بص عليها بنفسك
وربنا يعوضك علي الخبطه ديه

قدر الله وماشاء فعل ونحمد الله أن الموضوع خلص على قد كده ( وأسئلني أنا)
فانوس أمامى / اكصدام أمامى / رفرف أمامى / الفوج
أعمل ميزانية في حدود 4000ج غير المصنعية

معلهشى يا أستاذ عادل قدر الله وماشاء فعل الحمد لله ان حضرتك بخير شوف حضرتك روح لسمكرى محترم وأمين وشوف يقدر يستعدل الرفرف وكمان الأكصدام ممكن يترد عند أى واحد بتاع فيبر بالنسبة للفانوس والفوج كلم أتوإيجيبت ولو موجودين سافر وأشتريهم وانشاء الله كله يبقى تمام

قدر الله وماشاء فعل وربنا يعوض عليك

اقتباس:

---

المشاركة الأصلية كتبت بواسطة saint2011

معلهشى يا أستاذ عادل قدر الله وماشاء فعل الحمد لله ان حضرتك بخير شوف حضرتك روح لسمكرى محترم وأمين وشوف يقدر يستعدل الرفرف وكمان الأكصدام ممكن يترد عند أى واحد بتاع فيبر بالنسبة للفانوس والفوج كلم أتوإيجيبت ولو موجودين سافر وأشتريهم وإن شاء الله كله يبقى تمام

---

هو ده اللى عملته يا أستاذ حاتم لان التوكيل قالى رقم خزعبلى 5 آلاف
فروحت لسمكرى هيستعدل الرفرف ويلحم الاكصدام ان شاء الله وجبت الفانوس من بره بـ 600 ديبو


.

يعني فرق الفانوس الاصلي عن الفانوس الديبو 300 جنيه بصراخه مكنتش مستاهله يا استاذ عادل انك تجيب الديبو كنت جبت الاصلي احسن

الحمد لله علي سلامتك

اقتباس:

---

المشاركة الأصلية كتبت بواسطة dodyam

هو ده اللى عملته يا أستاذ حاتم لان التوكيل قالى رقم خزعبلى 5 آلاف
فروحت لسمكرى هيستعدل الرفرف ويلحم الاكصدام ان شاء الله وجبت الفانوس من بره بـ 600 ديبو


.

---

ده افضل حل وربنا يعوض عليك .. بس الفانوس كان المفرود يبقى الاصلى علشان الديبو هايزهقك

سعر الفانوس الأصلى قبل الضريبة فى التوكيل 1050
وعلى فكرة الفانوس الأصلى صينى أساسا فممكن أفهم الفانوس الديبو هيزهقنى فى ايه

وأنا روحت لسمكرى الحمد لله رد الرفرف على البارد و لحم الاكصدام

معلش يا باشا
ربنا يعوضك خير