مميزات وعيوب استرا 2014

**omaratef** · 22-01-2014 10:22 AM

السلام عليكم ، ان شاء الله بفكر فى شراء أوبل استرا 2014 تنصحوينى بيها ولا لا يعنى ممكن حد يقولى ايه هى عيوب الاسترا 2014 وجزاكم الله خيرا...

**برنس الليالي** · 22-01-2014 11:33 AM

الاسترا 3013 مكنش فيها عيوب جوهرية بالعكس دي كانت ممتازة ثبات عالي جداً (على ثبات موجود في الفئة) ولكن كتجهيزات ترفيهية في حاجات تتفوق عليها زي النيو سيراتو والفلوينس بس ثبات وجودة لأ

**omaratef** · 22-01-2014 12:57 PM

تسلم ياباشا بس معلش الناس مخوفانى جدا من اعاده البيع والحقيقة انا اول مره اركب الاوبل معلش لو تعرف تفدنى العربية بتخسر اد ايه مثلا لو تتباع بعد 4 او 5 سنين معلش تعبتك

**برنس الليالي** · 22-01-2014 02:04 PM

المشاركة الأصلية كتبت بواسطة omaratef

تسلم ياباشا بس معلش الناس مخوفانى جدا من اعاده البيع والحقيقة انا اول مره اركب الاوبل معلش لو تعرف تفدنى العربية بتخسر اد ايه مثلا لو تتباع بعد 4 او 5 سنين معلش تعبتك

على فكرة بعد 4-5 سنين مش بيبقى في فرق جامد في اعادة البيع بين عربية والتانية الكلام دا لو حضرتك غاوي تغيير كل سنتين مثلاً او اقصاها 3 سنين إنما 5 سنين اصلاً تكون اخدت متعتك بالعربية ومش بتفرق المفروض اعادة البيع بس الله اعلم بردو عشان مليش تجربة مع الاوبل نظامها ايه بس هي كماركة محترمة جداً وثبات يفوق الوصف مع الـesp

هي عموماً الفئة دي فيها الاسترا والفلوينس والنيو سيراتو والكورولا بس مش الهايلاين وافضلهم كثبات الاسترا والكورولا وافضلهم اوبشنز ورفاهية الفلوينس والنيو سيراتو مع العلم ان السيراتو محرك اقوى من كل دا واداءه شبابي ومرضي جداً عن الفلوينس والاسترا

يعني كل عربية ليها مميزاتها وسلبياتها عموماً لو مقتنع بالاسترا توكل على الله وبعد 5 سنين يحلها ربنا مع ان بعد 5 سنين اي عربية بتنزل جامد

**omaratef** · 22-01-2014 02:35 PM

المشاركة الأصلية كتبت بواسطة برنس الليالي

على فكرة بعد 4-5 سنين مش بيبقى في فرق جامد في اعادة البيع بين عربية والتانية الكلام دا لو حضرتك غاوي تغيير كل سنتين مثلاً او اقصاها 3 سنين إنما 5 سنين اصلاً تكون اخدت متعتك بالعربية ومش بتفرق المفروض اعادة البيع بس الله اعلم بردو عشان مليش تجربة مع الاوبل نظامها ايه بس هي كماركة محترمة جداً وثبات يفوق الوصف مع الـesp

هي عموماً الفئة دي فيها الاسترا والفلوينس والنيو سيراتو والكورولا بس مش الهايلاين وافضلهم كثبات الاسترا والكورولا وافضلهم اوبشنز ورفاهية الفلوينس والنيو سيراتو مع العلم ان السيراتو محرك اقوى من كل دا واداءه شبابي ومرضي جداً عن الفلوينس والاسترا

يعني كل عربية ليها مميزاتها وسلبياتها عموماً لو مقتنع بالاسترا توكل على الله وبعد 5 سنين يحلها ربنا مع ان بعد 5 سنين اي عربية بتنزل جامد

يا باشا تسلم وربنا يخليك انا اصلا كنت محتار بين السيراتو والاوبل ربنا يسهل ان شاء الله

**a7mad_mo7amad6** · 22-01-2014 02:41 PM

نع احترامي الشديد لكل مالكي السيراتو خاصة والكيا عامة
مفيش وجه مقارته بين عربيه الماني وعربية كوري..
لو ببساطة بصيت على سعر العربيتين في اي بلد بتفهم..هتلاقي فرق كبير طبعا..
لكن عندنا في مصر بناخد بالشكل واحتياج السوق

**J A G U A R** · 22-01-2014 03:47 PM

لو خايف من اعاده البيع او ناوى تغير يبقى سيراتو

**Astra Lovers** · 22-01-2014 04:02 PM

استاذ احمد محمد الله ينور عليك فعلا مفيش وجه مقارنه بين الاسترا والسيراتوا لا فالخامات ولا فالتقفيل ولا فالثبات والتسارع ولا فعزم الموتور ولا حتي فالشكل وعن تجربه الفرق شاااااااااااااااااااااااا ااااااااااااااااااااااااس ع جدا بين الاسترا واي عربيه كوري مش بس سيراتوا ولو ركبت التربو هتبتدي تقارن الماني بالماني من بكوري ولون الاسترا ال h اللي هيه موديل ٢٠٠٨ / ٢٠٠٧ تفرتك السيراتوا فما بالك بال J

**برنس الليالي** · 22-01-2014 06:12 PM

يا اخواننا هو في عربية في مصر سعرها مش مبالغ فيه ؟

رجعنا تاني لموضوع كوري وصيني .... والله انا سبقت وقلت للاستاذ لو عايز جودة وثبات وماركة محترمة جداً توكل على الله وهات اوبل

وبالنسبة للسيراتو هي كوري بس بتزيد عن الاسترا في تجهيزات حلوة اوي وموتور اقوى ماعدا طبعاً الفئة التربو من الاسترا بس دي اغلى طبعاً

الخلاصة اوبشنز وموتور وتسارع وعفشة واعتمادية واعادة بيع واستهلاك بنزين اقل ووسع لصالح النيو سيراتو
جودة وفخامة وثبات على السرعات العالية لصالح الاسترا

يعني موضوع كوري وصني دا المفروض ميتقارنش في حتة الجودة دي وبس .. هي السيراتو كوري آه بس بتوفرلك حاجات مش حتلاقوها في الاسترا

دي الخلاصة .. بالنسبة لصاحب الموضوع لو عايز تشوف تجارب الاعضاء والتجهيزات للنيو سيراتو انا جاهز

**J A G U A R** · 22-01-2014 06:36 PM

استاذ احمد واستاذ اوبل دلوقتى مبقاش فى فرق بين كورى والمانى او كورى يابانى او صينى والمانى حتا شوفت لدرجه ايه .. والسيراتو كعربيه كورى واداء مش اقل من الاسترا الالمانى والتفوق كمان للسيراتو وبردو دى ليها مميزاتها ودى ليها مميزاتها بس حكايه انت بتقارن عربيه كورى بالمانى انتهت خلاص ومبقاش حد بيدور .. يعنى مثلا النوبيرا واللانوس والليجانزا والاكسيل والاكسنت مالها العربيات دى ما هى كورى وشغاله زى الفل ومطلوبه ومن اكتر العربيات المطلوبه ..طب فين بقا الالمانى موديلات نفس العربيات دى مش هتلاقى حد راكبها وقليل كمان لما حد يكون راكبها .. فياريت ننسى حكايه ان مفيش مقارنه بين كورى والمانى علشان كله بقى محصل بعضه خلاص .
تقبل مرورى .