السلام عليكم
عايز اسافر تلات ايام استجمام انا و المدام و بفكر في العين السخنة
اخر مرة رحتها من سنين كان فندق هوريزن و كان جيد
عايز نصائحكم و افضل الاماكن و الاسعار ؟
عرض للطباعة
السلام عليكم
عايز اسافر تلات ايام استجمام انا و المدام و بفكر في العين السخنة
اخر مرة رحتها من سنين كان فندق هوريزن و كان جيد
عايز نصائحكم و افضل الاماكن و الاسعار ؟
رحت الصيف الماضى واحة مينا اليوم كان 375 جنيه والخدمة محترمة.
انتظرباقى الاراء ..اجازة سعيدة وترجعوا بالسلامة
انا السنة اللي فاتت رحت فندق موفنبيك السخنة
شامل فطار + عشاء اوبن بوفيه
1600 جنيه 3 ايام غرفة مزدوجة
بس صراحة رائع جدا فخامو وهدوؤ واستجمام
خدمات الشاطئ كويسة وحمام السباحة ايضا
الغرف نظيفة جدا والحمامات ممتازة
يعيبه فقط الهدوؤ الشديد بعنب آخرك فيه 3 ايام وكفاية عليه
نصيحتى ليك هات معاك كرتونة مياه خليها في العربية واسحب منها طول مدة اقامتك (زجاجة المياه 18ج بدون الضريبة)
في عرض هنا ممكن تشوفه
العين السخنه – فندق موفنبيك
لو عايز فندق 5 نجوم باسعار معقوله جدا يبقى روح فندق كانكون من مجموعة عامر جروب
ياباشا ماتجزش عن طريف الفندق نفسه
تحجز عن طريق شركة سياحة زي اللينك اللي بعتهولك عليه عرض كويس
او احجز بنفسك من بوكينج
وعلى فكرة لما تحجز من شركة سياحة الحجز بيتأكد فورا علشان تطمن وانت في الشركة قبل ما تسلمهم الفلوس اتصل بالفندق نفسه وهيأكدلك الحجز
وهيقولك كمان ان الحجز مدفوع
انا لما طلعت السنة اللي فاتت طلعت اليوم ب 640ج والحجز من الفندق نقسه كان 1500 ج تقريبا
وكمان مارحتش الشركة هم بعتولي مندوب وخدو رسوم 30ج وكلمتهم والمندوب واقف قدامي واكدولي الحجز
أسعار اجازه نص السنه مولعه