استفسار بخصوص مساعدين الماتريكس

**MEMOAHMED14** · 22-01-2014 01:10 PM

معايا ماتريكس 2007
العربية بشتكى منها فى المطبات .. كل ما اجى اخد مطب وبراحة بحس بهبد فى العربية ومش مطب كمان أى نقرة فى الطريق بحس بالهبد ده .. أنا روحت للعفشجى ربط العفشة وقالى ده عيب مساعدين عايزين يتغيروا بس ممكن يقعدوا معاك 5 شهور كمان ونصحنى بالمساعدين اليابانى احسن من الكورى..
عايز اعرف منكم هل الهبد ده فعلا عيب مساعدين .. ولو هغير اجيب اليابانىkyb احسن من الكورى ولا مينرو .. وفعلا هاحس بالفرق واختفاء الهبد ده بعد ما اغير المساعدين .. أرجو الرد.....

**MOSTAFA.EID** · 22-01-2014 01:29 PM

افضل نوع اليابانىkyb اسآل عن الحاج مصطفي محل المدينه في شارع دمشق

**MEMOAHMED14** · 22-01-2014 03:25 PM

طيب ياباشا لما اغير المساعدين دول بالمساعدين اليابانى هحس بفرق والهبد ده هيروح خصوصا انى عارف ان عفشة الماتريكس مريحة وناعمة مش كل نقرة باحس بيها كده...

**mummy_47** · 22-01-2014 08:02 PM

انا غيرت المساعدين عند م.هاني الى kyb الياباني وابعد عن منرو..... والفرق عندي كان واضح جدا لان كان عندي تخبيط رهيب في المطبات ..وبعد تركيب المساعدين ....الاصوات والخبطات راحت.......

**MEMOAHMED14** · 22-01-2014 08:26 PM

طب ياباشا انت معاك ماتريكس .. يعنى اقصد انى عايز اتأكد انى بمجرد تغيير المساعدين عندى هحس بالفرق الواضح..

**mhkorayem** · 22-01-2014 10:45 PM

المشاركة الأصلية كتبت بواسطة memoahmed14

خصوصا انى عارف ان عفشة الماتريكس مريحة وناعمة مش كل نقرة باحس بيها كده...

عفشه الماتريكس مريحه وناعمه !!!!!
غريب شويه الموضوع ده أنت العربيه بتاعتك خليجي ولا ايه ؟؟؟؟
هتخليني اشك في عربيتي رغم انها مش ناعمه خالص من ساعة ما جبتها زيرو

**تامر راغب** · 23-01-2014 02:44 AM

أنا كمان عندى نفس المشكلة
كل مطب أو حتة طوبة بعدى من عليها
بحس بهبد ورزع فى العربية
ياريت لو حد جرب المساعدين اليابانى دول يقولنا

**MEMOAHMED14** · 23-01-2014 09:08 AM

ياريت خبراء المنتدى وخاصة أصحاب الماتريكس يردوا على الاستفسار بخصوص عفشة الماتريكس وصوت الهبد ده وهل فعلا تغيير المساعدين الى اليابانى هيحل المشكلة ... نرجو الرد السريع والإفادة..

**moe gawad** · 23-01-2014 08:15 PM

مركز حمزه اوتو سيرفيس
المساعدين kyb ممتازه جدا يبانى . افضل من المساعدين الماندو . ولكن تأكد اولاً من الجهه التى تشترى منها المساعدين نظراً لكثرة قطع الغيار المزيفه وانتشارها بالأسواق حالياً .
للاستفسار والمساعده ارجو من سيادتكم الأتصال بى مباشرةً
م / محمد عبد الجواد
ت/ 01210555631