الموضوع: تقرير صيانة الالف byd f3 اتوماتيك

بسم الله الرحمن الرحيم
السلام عليكم ورحمة الله وبركاته ، الاخوة الاعضاء
هذا تقرير صيانة السيارة بي واى دى اوتوماتيك مركز الشرابية :
وصلت المركز يوم السبت 11_يناير الساعة 8:40دقيقة علشان الحق دور في البداية والمهندس عمل امر الشغل وذكر فيه ملاحظاتى المذكورة في الموضوع ده
http://www.nilemotors.net/Nile/398400-byd-f3.html
طبعا مش كلها ولكنى ركزت علي موضوع استهلاك البنزين وتظبيط النور العفشة.
وقابلت اامهندس محمود مدير المركز ورحب بي كالعادة وقرأ الورقة اللي كنت كاتب فيها الملاحظات وقالى خير.
المركز بدأ الشغل متاخر واول عرببة دخلت 9.45 ص وعربيتى دخلت الساعة 10 ص وبعد حوالى ساعة ونصف لقيتها واقفة ومفيش حد شغال فيها كلمت المهندس محمود قالى خلاص الصيانة الدورية تمام بس مستنى صنايعى يشوف فوارق الشنطة،
في الفترة دى اتكلمنا مع بعض ملاك العربية والحمد لله مبسوطين بيها وطلبت من احدهم اركب معاه عربيته ويشغلها علشان اسمع صوت الموتور وبالفعل اكتشفت ان ده الطبيعى بتاع العربية ولو انه مزعج ليا بصراحة واظنه لسوء عزل السيارة.
المهم خرج واحد من جوه بالعربية وقالى اركب ركبت معاه وقالى تمام عملنا ريست لمسطرة الرشاشات زى ما طلبت من م، محمود وكمان ضبط سن البوجيهات وربطو العفشة وصبطو الانوار وطبعا كنت بسال كتير وحاسس انه زهقان منى وبيقولو كله تمام ،،،لا تمام ولا حاجة بس الصراحة هو ذوق ومحترم
خلاص دفعت الفاتورة 180 جنيه ومشيت .. الملاحظات :
1.. الدريكسيون تقيل جدا وكانه مفيش باور ، الحمد لله بقي كويس تانى يوم
2.. العفشة تمام والاصوات راحت بتاع الخبط والتزييق
3.. الانوار زفت ليس لانها سأت عن ذى قبل ولكن كيف لتوكيل لا يستطع ضبط الانوار الى standard لسة النور عالى وبيضرب في عين الناس وكمان في فانوس مش راكب في مكانه كويس قالولى ده طبيعى كده علشان رجلاش النور طبعا انا عارف انه كلام خطأ ولكن عايز امشى ومش فاضي ليهم
4.. الاستهلاك لم احسبه الى الان ولكن احساسي انه ما زال عالي جدا
.......ارجو التفاعل من الاعضاء ويقولنا استهلاك البنزين ايه

وشكرا ...تحياتى

مبروك الصيانة