حصرياوبالصورشرح تعديل كامل لأضاءة لانوس عدادات + جميع انوار التابلوة تحفة الوان روعة
بسم الله الرحمن الرحيم
دة اول موضوع ليا هنا فى المنتدى وحبيت اشارك باقى الاعضاء فى حاجة جديدة واهو برضو ارد شوية من اللى انا اتعلمتو هنا - عربيتى لانوس 1 فاضية المهم جبت عدادات بRPM وبالمرة جبت ساعة تابلوة (جابهوملى صديق عزيز لى استيراد ) المهم بعد ماركبت الساعة ومعاناة لان ملهاش فيشة جاهزة عندى فاضريت اعملها بأيدى وبعد كدة عدلت على كنترول الكمبيوتر عشان ال RPM يشتغل وبعد كدة فكيت التابلوة عشان اركب العدادات الجديدة المهم خطرت لى فكرة تغيير الوان العدادت لان بصراحة الالوان الابيض واللون الاصلى برضو حاسس انهوم مش عاجبنى المهم رتبت افكارى وتوكلت على الله نبتدى :
* ملحوظة : انا غيرت للون الاحمر عشان بحبو وبيليق على التابلوة الاسود بتاعى بس ممكن اللى هينفذ الطريقة يغير للون اللى هوا يفضلو هنعرف بعدين موضوع اللون.
1-مبدأيا هنحتاج 4 لمبات ليد بس ياريت من دة لان ليا هدف ان اللمبة يكون شكلها كده عشان ليداتها كلها لقدام فهترمى الاضاءة على العدادات كويس بالاضافة انها اسهل فى تغيير اللون (الاربع لمبات ب 30 جنية او ممكن 25 من التوفيقية )
صورة اللمبات الليد
http://cdn.imghack.se/images/d837938...0b3ac74723.jpg
ودى صورتهم وهما راكبين فى الدوايات العداد - واللى جمبها دى اللمبة الاصلية امو شراب اخضر:36_1_1[1]: :
http://cdn.imghack.se/images/c9783e8...35cef34fb9.jpg
صورة تانية اوضح للمبات اللمبة فيها 3 صفوفXاربعة يساوى 12 ليد لكل لمبة تمن اللمبتين حوالى 15 جنية
http://cdn.imghack.se/images/f9e0e77...86a0d6bd8a.jpg
2-تانى حاجة هنحتاج لزق اسمو لزق تلوين الفوانيس مبيسيحش بسهولة هتلاقوة عند بتاع الاستيكرات بس خلو بالكو تجيبو الشفاف المتر ب 15 جنية احنا هنحتاج اقل من ربع متر لو رضى يبعلك لانو باعلى متر اجبارى.- من التوفيقية برضو.
دى صورة متر اللزق الشفاف
http://cdn.imghack.se/images/f2c6f7c...ee1369403e.jpg
دة الاحمر موجود عند البياع منو الاتى / احمر - ازرق - اخضر - برتقالى - سماوى - ومش فاكر اية تانى
هنبتدى نلزق اللزق بتاعنا على اللمبات من فوق اللمبة الفلات نقص مربع على قدها ونلزقو وبعدين نجيت سوليتيب شفاف عشان نأكد بية على اللزق الملون احتياطى عشان السخونة متوقعهوش.
ودى صورة الليدات بعد لزق الاستيكر عليها (لبس البوصة تبقى عروسة) :
http://cdn.imghack.se/images/7f461c3...70c8ff6533.jpg
هنركب الاربع لمبات فى العداد ونقفل العداد ونسمى ونجرب النتيجة :
http://cdn.imghack.se/images/6457125...cd48f5c829.jpg
* ملحوظة / طبعا طريقة فك لوحة العدادت والتابلوة موجود هنا فى المواضيع المثبتة وانا اتعلمت فك التابلوة منو
نجى بقى للجزء التانى نور التابلوة ولوحة التكييف /
هنخرج وحدة التكييف اللى هيا فيها التلات بكرات وبرضو طريقة فكها موجودة هنا - وهنفك الدوايتين بتوع اللمبتين
لوحة التكييف :
http://cdn.imghack.se/images/f1baa0f...6a637f2f6d.jpg
دة مكان دوايتين اللمبات نفكهوم ونجرخ الدوايتين بلمباتهوم:
http://cdn.imghack.se/images/e01947d...07c1286534.jpg
هنلاقى اللمبتين صوغيرين جدا وبرضو لابسين شرابات خضرا :
http://cdn.imghack.se/images/caab8a1...b0d3cc546b.jpg
نشيل نت عليهوم الجرابات الخضرا هيبقو كدة:
http://cdn.imghack.se/images/e6630b5...048194a391.jpg
نقلعهوم الشرابات الخضرا ونسيبهوم دلوقتى ونروح لوحة التكييف هنلاقى فتحتين نازلين لتحت مكان الدوايتين نجيب اللزق الملون بتاعنا ونقص منو شريطين رفيعين وطوال كدة:
http://cdn.imghack.se/images/7f28488...8f9c940a80.jpg
هنيجى على فتحتين دوايات اللمبتين بعد فكهوم هنلاقى مكانهوم نازل لتحت مفتوح هنحط الشرايط اللى قصيناها ونزقها لتحت خالص بمفك عادة صغير براحة المهم نزقهزم لتحت خالص يعنى يبقو تحت اللمبة زى الصورة كدة بس تنزلو الشرايط لتحت خالص :
http://cdn.imghack.se/images/f1b46e7...07086ba6f6.jpg
وبعدين نركب اللمبات بتاعتنا فوق الشرايط دى عادى بس اتأكدة ان الشريط نزل تحت مكان الدوايات عشان ميعزلش توصيل رجلين الدواية .
ونركب اللوحة تانى ونسمى ونجرب النتيجة:
http://cdn.imghack.se/images/b216d4c...03e927f945.jpg
طبعا التابلوة دلوقتى اختلف معايا تماما عن الاول بعد الساعة والعدادات الكاملة والانوار كان الاول عتمة ويقطع القلب وييارب اكون فى افادة لكل الاعضاء ولو اى حد لية اى استفسار انا فى الخدمة والله الموفق .