الموضوع: بعد معاناة طويلة .. اصبحت من أصحاب اللانوس .. ولدي بعض الاستفسارات من أهل الخبرة ؟

أولا ألف مبروك و ربنا يديك خيرها ويكفيك شرها
ثانيا بالنسبه لأسئلتك

المشاركة الأصلية كتبت بواسطة mansy25

أولا : لمبة "check" بتفضل منورة لما آجي أدور كل يوم الصبح ومش بتفصل غير لما العربية تسخن .. فهل ده شئ طبيعي ؟؟؟؟

مش طبيعى طبعا
المفروض انها تنور لما تفتح كونتاكت وتطفى لما تدور العربيه
ولما نحط فى الاعتبار الشكوى الثانيه يبقى غالبا حساس الايدل محتاج تنظيف وبعدها تعمل أيدل ليرن

المشاركة الأصلية كتبت بواسطة mansy25

ثانيا

المشاركة الأصلية كتبت بواسطة mansy25

: العربية معايا بقالها تقريبا أسبوعين وصاحبها كان بيحط بنزين 80 بس أنا فولت أول مرة 92 .. ولاحظت بعد ما فولت إن العربية ملغبطة جدا في المشي بتنتش .. وفي الدوارة وانا واقف عداد الار بي ام مش ثابت بيطلع وينزل وأحيانا تبطل .. الموضوع ده حصل مرتين مع التفويل 92 .. وتستمر اللغبطة تقريبا لحد بعد التفويل بيوم وترجع تتظبط تاني ولا كأن كان فيه حاجة؟؟؟

حاول تمشى لغاية التنك ما يقرب يفضى
وبعدين فول التانك وغير فلتر هوا و بنزين
وبص على البوجيهات إحتمال تكون تعبانه
غيرها ب ngk كودها bpr6es
و ممكن ده يكون بسبب الأيدل وده حيبان لما تعمل سكان

المشاركة الأصلية كتبت بواسطة mansy25

ثالثا : عندي صوت زي "نحرة" كده في العجلة الشمال قدام ولاحظت إن الجنت بيسخن بسيط كده عن الباقيين؟؟؟؟

إكشف على الفرامل و البليه
لو البلى محتاج تغيير غيرها ب nsk يابانى

المشاركة الأصلية كتبت بواسطة mansy25

رابعاً : فيه زيت باكم اتقلب في الشنطة على الصاج .. وواحد قالي ده غلط ولازم تعمله .. أعمل فيه إيه ؟؟؟؟

فضى الشنطه و أى حد بتاع غسيل يغسلهالك بالمسدس والصابون كويس وينشفها كويس جدا