بعد معاناة طويلة .. اصبحت من أصحاب اللانوس .. ولدي بعض الاستفسارات من أهل الخبرة ؟

**mansy25** · 23-01-2014 03:21 PM

السلام عليكم ورحمة الله وبركاته

بعد معاناة طويلة انضممت أخيراً إلى قائمة ملاك اللانوس

عربيتي لانوس 2 موديل 2008 .. ولله الحمد بعد الكشف والتأني أجمع الكثيرون على أنها عربية جيدة جداً ومستريحلها قوي الصراحة .

المهم يا أهل الخبرة عندي بعض الاستفسارات أتمنى أجد إجاباتها عندكم

أولا : لمبة "check" بتفضل منورة لما آجي أدور كل يوم الصبح ومش بتفصل غير لما العربية تسخن .. فهل ده شئ طبيعي ؟؟؟؟

ثانيا : العربية معايا بقالها تقريبا أسبوعين وصاحبها كان بيحط بنزين 80 بس أنا فولت أول مرة 92 .. ولاحظت بعد ما فولت إن العربية ملغبطة جدا في المشي بتنتش .. وفي الدوارة وانا واقف عداد الار بي ام مش ثابت بيطلع وينزل وأحيانا تبطل .. الموضوع ده حصل مرتين مع التفويل 92 .. وتستمر اللغبطة تقريبا لحد بعد التفويل بيوم وترجع تتظبط تاني ولا كأن كان فيه حاجة؟؟؟

ثالثا : عندي صوت زي "نحرة" كده في العجلة الشمال قدام ولاحظت إن الجنت بيسخن بسيط كده عن الباقيين؟؟؟؟

رابعاً : فيه زيت باكم اتقلب في الشنطة على الصاج .. وواحد قالي ده غلط ولازم تعمله .. أعمل فيه إيه ؟؟؟؟

خامسا : شكرا مقدماً لكل من سيساهم في التوضيح .. ولو حد عنده نصايح عامة ميبخلش علينا بيها :)

**hytham_112** · 23-01-2014 03:34 PM

انا حرد على ثانيا وثالثا بس ......
موضوع اللغبطة ده ممكن تعمل ايدل ليرن للعربية وبعده تشوف اخبارها ايه.....
موضوع النحرة ده اكيد الصاجة اللى عند تيل الفرامل وده سهل اوى بمفك عادة طويل تتاخرها عشان ما تحكش فى الطنابير

الباقى بقا السادة الافاضل يردو.......

**elnakshabandy** · 23-01-2014 04:53 PM

الزيت الباكم لازم ينظف مكانه ويتنشف كويس علشان ميكلش الصاج
اعمل ايدل ليرن وياريت حط العربيه على اسكانر
ياريت تغير زيت وتغير بوجيهات وسلك البوجيهات

مبروك على العربيه

**S O P H O S** · 23-01-2014 05:04 PM

الف مبروك

**J A G U A R** · 23-01-2014 05:10 PM

بالنسبه لثانيا غير بوجيهات وفلاتر والعربيه هاتتظبط

**ضى القمر** · 23-01-2014 05:18 PM

مبروك عليك ربنا يديك خيرها ويكفيك شرها

**hateeem** · 23-01-2014 11:10 PM

اولا الف مبروك على العربية

ثانيا لمبة الـ check دى الطبيعى انها بتنور وقت ما تيجى تدور وتطفى بعد كدا

**starlanos** · 23-01-2014 11:29 PM

الف مبروك
بخصوص المبة حط العربية علي سكانر
اعمل صيانة
تغير زيوت
تغير فلاتر
تغير بوجيهات
تغير سيور

**moe gawad** · 24-01-2014 01:22 AM

مبرووك العربيه. وربنا يحفظهالك ويكفيك شرها.
ممكن انا اجاوبك .
اولا. ما هو بخصوص لمبة check engine و الرجه اللى فى العربيه فاعتقد انى سببهم واحد. وهو ان فيه مشكله فى حساس الايديال او حساس البوابه. فيجب اولا عمل الصيانه الدوريه للسياره. ووضعها على جهاز كشف الاعطال مع تنظيف البوابه و الرشاشات بماده مخصوصه
ثانيا بخصوص النحره . ديه بتيجى مع دوسة الفرامل ولا طول ما انت ماشى . عشان اجاوبك اجابه محدده ما تتهوش منى
ثالثا ما هو بخصوص السخونيه يا اما بلية عجل او ماستر فرامل والاجابه هنا هاتكون من خلال ردك على سؤالى فى ثانيا او كشفى على السياره
وعموما انا كشفى مجانى لكافة اعضاء المنتدى

م.محمد عبد الجواد
مدير وصاحب مركز حمزه اوتو سيرفيس
01210555631
19 ش الاربعين . خلف حديقة بدر جسر السويس
مواعيد العمل طوال الاسبوع ماعدا الاحد من الساعه العاشره و حتى العاشرة