عايز اروح كايرو فيستفال من شارع النصر مدينه نصر

**matrix919** · 23-01-2014 03:54 PM

ممكن حد يوصفلي اروح كايرو فيستفال من شارع النصر مدينه نصر ازاي بالعربيه و اكون شاكر جدا

**mohabelnegm** · 23-01-2014 04:06 PM

من طريق النصر بتخش يمين (الفتحة بتاعة نادى مدينة نصر) و تاخد الطريق ده طوالى مرورا بالتقاطع بتاع أمن الدولة و قسم تانى مدينة نصر و و بتكمل على طول و شوية و بتمسك محور المشير و فى الطريق بتلاقى كوبرى بتطلعة و تفضل مكمل علطول لغاية لما بتقطع الدائرى و تخش على التجمع, بتسيب أول لفة شمال و تاخد تانى لفة و ترجع تانى تسيب دخلة الداون تاون و تخش الدخلة اللى بعدها هيا ديه دخلة كايرو فيستيفال.

**تامر.محمد** · 23-01-2014 04:08 PM

لو بتعرف تطلع على الدائري او التجمع فله مدخل من شارع التسعين و مدخل من الدائري و انت جاي من التجمع رايح اكاديمية الشرطة

لو مش كده , خد الشارع اللي جنب جامعة الازهر من الاتوستراد , امتداد كوبري الفنجري , طوالي لحد كوبري الجيش , هتطلع الكوبري , و طوالي لحد ما تدخل شارع التسعين , تاني يو تيرن و تدخل مدخل كايرو فيستيفال على يمينك بعد ما تلف

شارع امتداد كوبري الفنجري ده اللي بيعدي في الحي السادس من جنب امن الدولة و قسم تاني مدينة نصر , فممكن تروح له من مكان ما تحب في طريق النصر

**mohamed hussei** · 23-01-2014 04:23 PM

ممكن علي فكرة تاخد اول ملف في شارع التسعين وتفوت مدخل الداون تاون وفي طريق موازي للدائري هما عملينة هدخلك دخلة هتبئا ادام كيدزانيا

**تامر.محمد** · 23-01-2014 04:27 PM

المشاركة الأصلية كتبت بواسطة matrix919

طب ممكن حد يوصفلي طالعه الدائري

الطريق اللي وصفناهولك بيخليك تقطع الدائري من محور طنطاوي و تدخل شارع التسعين
لو في اخر محور طنطاوي دخلت يمين بتدخل على دائري المعادي
و لو بعد ما اخدت اليوتيرن في شارع التسعين كملت لحد ما وصلت للدائري و دخلت شمال في الدائري تبقى على الدائري اللي طالع اكاديمية الشرطة و طريق السويس , و فيه دخلة برده لكايرو فيستيفال سيتي