عرض للطباعة
السلام عليكم و رحمه الله و بركاته ...
انا قرفت اوي من حوار طبة المياه الأمامية اللي في الموتور ...
كل فترة مش طويلة اغير طبة مياه في الموتور ولما افكها الاقى الصدأ واكلها مع اني بستعمل مياه
خضراء على طول ... ولسه النهاردة مغير طبة من الاربع طبب ...
ممكن اعرف ايه اصلا لزمة الطبب دي ؟؟ ووظيفتها ايه في الموتور ؟؟
متابع
الطبب ملهاش اى فائدة فى الموتور
الطبب داخلة فى كيفية صناعة الموتور
كيفية صناعة الموتور ..
اى موتور بيتصب فى قالب مفرغ على نفس شكل الموتور
والقالب دة لازم يكون مفرغ من اكتر من مكان ... مينفعش يكون قالب مصمت
والأماكن المفرغة هى اللى بيتحط فيها طبب بعد الماتور ما يتصب
لو عندك مشاكل ان الطبب بتصدى .. دة غالبا عشان الطبة نوعها وحش وسمكها صغير
ممكن تجيب طبة جديدة وتوديها للمخرطة يعملك نفس المقاس بس تكون سمكها تخين تعيش معاك فترة طويلة
العيب مش فى طبب الموتور المشكلة فى نوعية المية الخضراء اللى انت حاططها اكيد مضروبة ودى ممكن تأكل طرمبة المية والموتور كلة مش الطبب بس والحل؟اقتباس:
المشاركة الأصلية كتبت بواسطة abo_lamar
لازم تحط مية نوع كويس ومعروف ويكون تركيزها 33% على الأقل زى توتال ال4 لتر ب70 جنية وتزود منها من نفس نوع المية فى منها لتر ب 18 جنية مش نوع تانى وده طبعا بعد غسيل الموتور بفلش وتصفى المية من الموتور وتحط المية توتال وانسى نقص المية من القربة او الصدء فى الموتور نهائيا وطبعا تبريدها ممتاز وتغير المية دى كل سنتين وبراحتك !!!
ياباشا اعمل طبب فى المخرطة هاتنساها خالص
غيرهم كلهم بالمرة وتكلفتهم كلام فارغ
المفروض لما طبه تبوظ تغير الطقم كامل لان عمرهم من عمر بعض
تحياتي
سبحان الله التلاتة التانيين الحمد لله كويسين ويارب يفضلوا كويس
اعمل الطبب عند الخراط بسماكة كبيره و انساهم
الطبب اسمها فريز بلجز صح ؟ فعلا بتكون بسسب صناعة المتور وكمان عشا لو الميه تجمدت ف البلوك متبوظش المكنة علي ما اظن