مشكلة بخصوص اصدار كارت البنزين الخاص بي

**nour3alanour** · 05-02-2014 12:09 AM

المشاركة الأصلية كتبت بواسطة Abdm

حاولى تلغى التسجيل الآولانى وتعملى تسجيل جديد بمكان جديد حتى لو تطلب ذلك تغير بعض البيانات المدخلة والغير هامة .. وبالتوفيق ان شاء الله

فكرت في كده وللأسف لا الموقع بيسمح ليك بحاجة زي كده ولا اللي بيرد عليك بينفع يعمل حاجة زي كده او يوافق عليها

منتهي التعنت

النهارده بعت شكوتين مسجلين بعلم الوصول لوزارة المالية ولشركة e-finance وطبعا إجراء مالوش لازمة بس علشان احس اني مسكتش

بلد مقرفة

شكرا لحضرتك علي المساعدة

**nour3alanour** · 07-02-2014 06:28 PM

الحمد لله
حصلت المعجزة وجبت الكارت امبارح !!!!

بعد معاناة حوالي 5 شهور وشكوتين بعتهم لوزارة المالية ولشركة e-finance
وتليفونات بالعشرات للشركة وحرقة دم واعصاب لما اتهريت

بالصدفة البحتة بتصل بعد ما بعت الشكاوي قولت اما اهددهم باني بعت شكوي ولازم يهتموا فوجئت باللي ردت عليا قالتلي الكارت بتاعك وصل البنك!!

طيب ما كنتوا تقولوا كده؟ هو انا غاوية مشاكل؟ طيب ومتصلتوش ليه تبلغوني؟ معلش اصل حصلت مشكلةمع البنك والكروت راحت له ورجعت تاني ورجعنا بعتنهاله وشغلانة كده !

المهم روحت تتاني يوم علطول ولقيت الكارت اخيييييرا واستلمته :)

اتصلت بيهم علشان كود التفعيل قالولي انت من اللي سجلوا في المرحلة الأولي الكارت مفعل وينفع تستخدميه علطول

كمان؟؟ يا فرج الله ده ايه ده كله هههههه
بس يا رب يطلع كلامهم صح مش اي كلام وخلاص واقابل مشكلة وشغلان تانية لما اجي استخدمه بعدين

يلا الحمد لله حبيت ابلغكوا

ونصيحة لكل اللي لسة مسجلوش لما تسجلوا اوعوا تختاروا انكوا تستلموا من أي مكان مهما كان كويس
اختاروا اختيار واحد بس وهو ان الككارت يجيلكوا لحد البيت عن طريق شركة شحن
غير كده بلاش
اتعلموا من اللي حصلنا احنا الغلابة اللي اختارنا اماكن نستلم منها كانت أسوأ تجربة

واتمني للجميع مرور عملية تسجيلهم للكارت واستلامه بسهولة ويسر ان شاء الله