لانوس 2000 ومشكله فى الدوران

**عمرولبيب** · 23-01-2014 11:38 PM

بسم الله الرحمن الرحيم
اولا احب ان ابدى اعجابى الشديد بالموقع والقائمين عليه واعضاءه الكرام وحسن تعاملهم مع المبتدئين مثلنا
ثانيا انا معايا لانوس وان موديل 2000 لسه شاريها من يومين
والنهارده عملت ليها تشيك كامل وغيرت زيت وفلاتر وظبطت الدنيا بس لسه شويه شغل فى العفشه

المشكله الاولى
العربيه عاليه من ورا ومتركبلها علايات 505 المطلوب اشيلهم علشان ارجع العربيه لعلوها الاساسى
فهل باركب جلب او علايات اخرى ام باشيلهم فقط ؟؟

المشكله التانيه
لما بأشغل العربيه وهى بارده باسمع صوت صفير وبعدين بيرح بعد حوالى ثانيه او ثانيتين وعرفت انه من سير بس مش قادر احدد سير ايه بالظبط ... ياريت تحديد السير ومكانه واخلى الصفير دا يروح ازاى ؟؟

ومره اخرى أبدى شكرى الشديد للاعضاء الفعالين على مجهودهم الرائع بمساعدة المبتدئين

**moe gawad** · 24-01-2014 01:00 AM

تحيه طيبه وبعد.
فى البدايه اتشرف بتعريف نفسى . انا مهندس محمد عبد الجواد. مهندس ميكانيكا سيارات.
صاحب مركز صيانه للسيارات الكوريه واليبانيه واتشرف بتقديم مساعدتى لا استفسار تريده مباشرة بالاتصالى بى شخصيا
01210555631
اما ما هو بخصوص عاليه. فالموضوع الاول يتوقف على اللى ركب العلايات شال كاوتش الفواصل الخاص بالمساعد ولا سايبه
لو شايله لازم تشترى 2 منه والا كل مطب هاتسمع صوت دبه جامده اوى ورا. وخصوصا لو حد راكب فى الخلف. نصيحتى اكشف الاول عند متخصص قبل ما تقرر

اما الموضوع الثانى فنظرا لخبرتى يكون الصوت من سير الدينامو . وبعدين ده موضوع سهل انشاء الله. عاوز حد بس يشدلك السيور كويس.
بس هو الاول الصوت ده ظهر بعد ماعملت الصيانه بس

**عمرولبيب** · 24-01-2014 11:38 AM

شكرا لحضرتك واتشرفت بمعرفه حضرتك ياابشمهندس
بالنسبه للعلايات هاروح اشوف عند العفشجى
بالنسبه للصوت لا هو من اول ماشتريت العربيه موجود بعد وقبل الصيانه

**moe gawad** · 24-01-2014 11:46 AM

طيب الصوت ده حاجه خطيره جدا. ارجو ان لا نهملها.
انت فى الصيانه غيرت الكاتينه و البليه. ولا كانت سيور خارجيه بس

**عمرولبيب** · 25-01-2014 11:32 AM

الصوت كأنه صوت زرات رمل بتخبط فى جسن العربيه من الخلف يمين السائق
الصيانه كانت زيوت وكشفت على السيور الميكانيكى قال كلها تمام والتصفير دا السير عايز يتشد