الموضوع: استلمت السيراتو أمس - سؤال هام - ارجو الأفادة

الف مبرووووووووووووووك
و ربنا يديك خيرها و يكفيك شرها
و ان شاء الله كل حاجة تبقي تمام
و الاخوه الافاضل ملاك العربية ممكن يفدوك ان شاء الله

الف مبرووك عليك السيراتو ربنا يباركلك فيها و يبعد عنك شرها

هو بالنسبة للباور هو ملاحظتى عليه من اول ما جبت العربية انه اتقل شوية من النيو اكسنت لانى سقت نيو اكسنت قبل كدة و كان اتقل برده من السيتي اللى كانت معايا بس دة عشان العربيات دى الباور بتاعها electronic لكن السيراتو هيدروليك عادى بس الباور فعلا اتحسن معايا مع الوقت و مبقتش بشتكى منه بس برده احسن بكتييييييييييير من عربيات زى الرينو كليو و اللانوس و النوبيرا

بالنسبة للفتيس انا معنديش خلفية لان عربيتي اوتوماتيك

المشاركة الأصلية كتبت بواسطة ethan82

الله يبارك فيكم جميعاً وشكرا لكم.

استاذه نها هوا بالنسبة للنيو اكسنت 2008 مش كهربا وهيدرولك بس بارضو خفيف جدا.
اعتقد في السيراتو إن شاء الله مع الوقت هيلين ويكون احسن زي مقولتي . وهكون انا اتعودت عليها.

وطمنوني اخبار السيراتو معاكم ايه ؟؟ اختيار موفق ؟؟

والله الى اعرفه ان النيو اكسنت الباور بتاعها اليكترونيك حتى كان فى موضوع بيكلمو عن عيوب الباور فى النيواكسنت و دة اللينك عيب فنى قاتل فى النيو اكسنت

المهم الباور فعلا بيتحسن كتييييير فى السيراتو و هتحس الفرق بجد يعني انا عاملة دلوقتى 4 الاف كم و فعلا مبقتش بشتكى من الباور

بالنسبة للسيراتو الحمد لله كان اختيار موفق و بجد الحمد لله :)

ربنا يباركلك فيها

المشاركة الأصلية كتبت بواسطة Scent7104

هو فعلا الدايو كله باور هيدروليك مفيش اليكترونيك حتى الدايو القديم زي الريسر ز الاسبيرو. بس دول بقى الباور بتاعهم هو اللي بيضاهي الياباني و لعبة بالنسبة للسيراتو.

ازاى يا استاذ سينت ؟ انا كان معايا لانوس 2000 و سقتها خمس سنين و الباور بتاعها كان وحش جدا .

هو حضرتك كنت بتقول انك سقت سيراتو عاملة 30 الف كم , هى دى السيراتو ال 2008 ولا موديل قديم ؟ لان ممكن يكون الباور اختلف من موديل للتاني

يعني اللانوس 2 2003 لما سقتها كان فى فعلا تحسن عن بتاعتنا القديمة فممكن يكون بيحسنو من اداء الباور فى الموديل عن الموديل اللى قبله