الدواسات بتغرق ماية

**islamnasser10** · 24-01-2014 08:21 AM

رفعت العربية من اسبوع في بنزينة وغسلتها
العامل بعد ماخلص قالي خلي بالك الدواسات غرقانة ماية خصوصا بتاعة السائق
الماية دي دخلت منين

**mo3tazanas** · 24-01-2014 10:56 AM

سربنتينة السخن اللى فى الطابلوة مخرومة وعايزة تتغير

**islamnasser10** · 24-01-2014 03:37 PM

المشاركة الأصلية كتبت بواسطة amz2011

كلامك يبقى مظبوط لو مية الرداتير بتقل او بتنقص
غير كده يبقى فى طبه و اللى بتبقى فى ارضية العربية وقعت نتيجه احتكاك العربية بمطب عالى و داه حصل عندى

مفيش ماية بنتقص
يبقي غالبا طبة لاني بالفعل واكل مطبات كتير جامدة وربنا يسترها علينا من المطبات والحفر
طيب الطبة دي سعرها كام ومين يركبها

**amz2011** · 24-01-2014 04:51 PM

المشاركة الأصلية كتبت بواسطة islamnasser10

مفيش ماية بنتقص
يبقي غالبا طبة لاني بالفعل واكل مطبات كتير جامدة وربنا يسترها علينا من المطبات والحفر
طيب الطبة دي سعرها كام ومين يركبها

بص ياباشا ارفع العربيه و انزل تحتها و بص بعينك واحده واحده على ارضية العربيه هتلاقى خرم جمب الحرف اللى بترفع من العربيه هتجيب طبه على اده من عندى اى حد بتاع قطع غيار او من التوفقيه هتلاقيهم واقفين فى الشارع و الطبه الواحده ب جنيه واحد ركبها و ياسلام لو تلزقها بسيلكون او تلحوسها سيلكون و انت بتركبها

**moe gawad** · 24-01-2014 04:52 PM

بص يا معلم . لو سربنينة السخن هاتكون الميه فى الدواسه بتاعة الكرسى اللى حنب السائق فقط . لكم بخصوص الكرسيين . يجب اتباع عدة خطوات للتأكد .
اولاً مراجعة طبات صدر العربيه الداخلى. و ده هيكون من خلال اى واحد بتاع ابواب.
ثانى امر ممكن مراجعة دخول الأسلاك خاصه بالكهرباء من الموتور.
وده امر هام جداً عشان ممكن يبوظ الكنترول او علبة الفيوزات الداخليه.

**islamnasser10** · 24-01-2014 07:36 PM

المشاركة الأصلية كتبت بواسطة moe gawad

بص يا معلم . لو سربنينة السخن هاتكون الميه فى الدواسه بتاعة الكرسى اللى حنب السائق فقط . لكم بخصوص الكرسيين . يجب اتباع عدة خطوات للتأكد .
اولاً مراجعة طبات صدر العربيه الداخلى. و ده هيكون من خلال اى واحد بتاع ابواب.
ثانى امر ممكن مراجعة دخول الأسلاك خاصه بالكهرباء من الموتور.
وده امر هام جداً عشان ممكن يبوظ الكنترول او علبة الفيوزات الداخليه.

انا مش فارش جلد فلما شيلت الدواسة اللي جنب كرسي السائق كانت الارضية يادوب مبلولة
لكن تحت دواسة كرسي السائق هي اللي غرقانة وحاطط خرق تحت الدواسة علشان تشرب الماية
انا كدة كدة رايح للعفشجي باذن الله قريب هخليه يبص علي الطبب دي واجيبهاله يركبها وهو تحت العربية بالمرة ولما اروح للكهربائي لاي سبب هخليه يبص علي وصلات الكهرباء ويتأكد ان الاسلاك كلها معزولة

**moe gawad** · 25-01-2014 01:30 AM

ممكن بعدها تجيبلى العربيه ابوصلك عليها للتاكد من سلامتهم.
01210555631

**islamnasser10** · 25-01-2014 08:00 AM

تسلم علي اهتمامك بس انا من اسكندريه وصعب اجي القاهرة

الموضوع: الدواسات بتغرق ماية

LinkBack

أدوات الموضوع

عرض

الدواسات بتغرق ماية - انشر الموضوع فى :

-

-

-

-

المواضيع المتشابهه

اســــــــــــــكندريه بتغرق :(

الكارينز بتغرق فى شبر رمل !!!!

إلحق يا قبطان المركب بتغرق؟؟؟؟؟؟!!!!!!

عاوز اركب موتور ماية مفيش ماية بتطلع فى الصيف

الكلمات الدلالية لهذا الموضوع

المفضلات

المفضلات

ضوابط المشاركة