المقارنة ما بين اول فئة في السيارتين. ايه رأيكم؟
الاوبل ب 250 تقريبا و السكودا ب 230 تقريبا.
المقارنة ما بين اول فئة في السيارتين. ايه رأيكم؟
الاوبل ب 250 تقريبا و السكودا ب 230 تقريبا.
متخليك بعيد عن الـdsg احسن عشان اعطاله اللي مليا المنتديات
الانسجنيا برستيج عالي جداً ومحرك اقوة
انت لو قعدت في الانسيجنيا وشفت فخامتها من جوه ومن بره
هتحسم الموضوع وانت واقف
الانسجنيا جامدة حتى اول فئة برستيج و اوبشن عالي جدا جدا هتبص عليها و تتنح من جمالها في شاشة في النص 4.2 بوصة و فيها قياس ضعط اطارات و تكيف باللمس و شاشة الوان في العدادات 4 بوصة غير الاساسية بتاعة الكاسيت اللي في الكونصول ادخل على قسم اوبل و شوف الصفحة الاخيرة من الموضوع المثبت عن اسعار و مواصفات اوبل انسجنيا 2014 هتلاقي فيديو للاليجانس من جوة .
انسيجنيا طبعا
غير ان اي عربية فتيسها dsg مش مفضلة خالص في مصر ........الاوكتافيا بالرغم من تقارب سعرها بالانسجنيا فهي فئة اقل بكل المقاييس و مثل ما قال الاعضاء لو شوفت دي ودي هتحسم الامر لوحدك من غير اي استشارات
صديقي المواطن
قولا واحدا
أوبل إنسيجنا وأنا مش عارف ليه عندنا في مصر مديين الأوكتافيا أكبر من حجمها
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال
حضرتك ازاى فكرت تعمل المقارنه دى
صدقني لو حطيت دي جنب دي هتحس بأخلاف الفئات من ناحية الحجم و البرستيج
الفكرة ان الانسيجنيا خايف ملاقيش حد فاهم فيها في مصر و بذات من منصور و برضو خايف الاقي مشاكل من التكنولوجيا الكبيرة اللي فيها و برضوا خايف من الجنط ال 18 بذات ان العربية طريقها هيبقي معظمها في شوارع التجمع الجميلة.
المقارنة صعبة جدا لأن السكودا عربية معروفة و متقخافش منها و موضوع الفتيس ده انا مش خايف منه خالص لأنه انتهي خلاص عن تجربة. منتظر المزيد من المناقشات, شكرا للكل.
مين قال ان السكودا معروفة جدا لو جينا لل a7 بقت معقدة يمكن اكثر من الانسجنيا لكن لو بتتكلم عن الموديلات السابقة من الاوكتافيا الانسجنيا بتشبهم في التكنولوجيا الميكانيكية الى حد ما الفتيس بتاعها اي حد يشتغل فيه بتاخد 92 عادي اما ال a7 بتاخد 95 و موضوع الجنط 18 ده اللي لازم تجربه بس لو السكودا عجباك جبها انا بدلك على الانسجنيا لمجرد النصيحة فقط استخير ربنا و تمعن في كل عربية و لف و دور لو تقدر كل ثلاث ايام تنزل و تتفرج و تتمعن و تتمحص في العربيتين و عن قطع غيارهم و شوف طريقك عامل ازاي زحمة و لا مفتوح عشان الزحمة بتفرتك ال dsg اما في الانسجنيا عادي خالص ز بالتوفيق
الاوكتافيا a7 انا ركبتها وهى من الداخل من حيث الفرش والتابلوه فقيرة مقارنة بالانسيجنيا
من حيث الامكانيات وضخامة السيارة من الداخل وقوة الموتور فالانسيجنيا طبعا تكسب
من حيث الشكل من الخارج فالانسيجنيا تكسب
ميزة الاوكتافيا عن الانسيجنيا هى الشنطة الخلفية وسعر اعادة البيع (بما ان الانسيجنيا مازالت جديدة ومش عارفين هتعمل ايه) بس انت بتركب عربية عشان مزاجك مش عشان مزاج اللى هيشتريها منك كمان كام سنة
طيب ممكن تفكر فال 508
عجبنى جدا الاخ Sophos وخدها من على لسانى فعلا - انت ليه حضرتك مش حاطط ال 508 فى الحسابات
والحقيقة هى المفروض تخش فى المقارنة مع الانسيجنيا مش الاوكتافيا
ال 508 وهم وال الانسيجنيا برضه
الاوكتافيا عادية و بتفقد واحدة واحدة شعبيتها بسعرها المبالغ فيه جدا و ال dsg
استفتى قلبك و استخير ربك و ربنا يوفقك
بيجو لو مخادتش بنزين 95 طرمبة بنزين علي طول و عن تجربة في ال 3008
الانسيجنيا فئه اعلي من الاوكتافيا
ممكن تقارنها بالسوبرب لو لسه بتنزل
لكن اوكتافيا مينفعش حتي لو سعرهم قريب دي فئه و دي فئة تانيه خالص
أنا شايف فعلا ان الانسجنيا متتقارنش مع الاوكتافيا الجديده خالص والمفروض تبقي فعلا مع ٥٠٨
غير كده أنا لسه شايف ان ال dsg موصلش لمرحله اللا مشكله والفتيس مش حاجه صغيره وحضرتك بتقول المشكله اتحلت عن تجربه ياريت توضح لنا اكتر