الموضوع: استفسارات عن سيراتو شكل قديم ساعدونى

المشاركة الأصلية كتبت بواسطة m i d o

مفيش سيراتو شكل قديم جديدة ممكن تلاقي كسر زيرو و الاضاءة الحمراء في كل الفئات و الايموبلايزر في كل الفئات و المرايات كهرباء في كل الفئات و الحجات دي اساسيات يعني في اي عربية و بالنسبة للفرامل انا مبشجعش اي عربية جديدة من غير abs لانة مهم جدا وحرام تدفع مبلغ فوق ال 100 الف في عربية مفيهاش abs وانت هتجيب مستعمل و في المستعمل فارق الاوبشن مش هيعلي سعر العربية زي الزيرو يعني ممكن تلاقي عربية اول فئة ب 100 الف و الهاي لاين ب 110 يبقي الافضل تدور علي فئة فيها abs

انا معايا واحد صحبى معاه 2012 خليجى الفئه اللى قبل الهاى لاين ومفيهاش اضاءه الطبلوه قولت يمكن علشان خليجى
وانا بدور ع حاجه كسر زيرو وصعبان عليا يكون معايا عربيه موديل 99 وفيها abs واشترى عربيه موديل 2013 مفيهاش بس السوال العربيه ممكن تتعدل فى التوكيل ويبقى فيها ولا مستحيل

المشاركة الأصلية كتبت بواسطة dr.m_baz

أنا هجاوب على إللي أعرفه:
الإضاءه الحمرا حول العدادات في فئة sx فما فوق.
ال abs أحسن طبعا ...شوارع مصر كلها تراب و حصى.
المرايات الضم مش في كله ده حسب التجهيزات و الفئه.
الامبليزر المفروض انه موجود في كله من اول 2012 لكن في عربيات كتير مفيهاش اللمبه التي توضح وجوده في التابلوه.

تسلم ع الرد بس ايه الحاجات اللى ممكن تتعدل فى العربيه وتركب فى التوكيل من اللى قولتهم فى الاول؟

المشاركة الأصلية كتبت بواسطة dr.m_baz

موضوع التعديل في التوكيل ده هيكون مكلف جدا ..... ممكن المرايات لكن abs و immobilizer اعتقد هتكون صعبه.

طب اضاءه العدادت ممكن تتعدل
والسؤال التانى اعرف ازاى ان العربيه فيها امبليزر

المشاركة الأصلية كتبت بواسطة عصام غنايم

السيراتو لو هاتيجبها هاتها هاى لاين ما عدا بصمه ( البصمه محتاجه معامله خاصه شويه )

الخليجى فيه فئات كتير اوى يعنى ممكن تلاقى عربيه بفتحة سقف ومن غير عدادات رياضيه ( االى هى الأضائه الحمراء ) ولا كومبيوتر كامل

وفى منها تابلوه 3 الوان وفيه منها 2 لون وكمان لون احد

كماليتها وفئتها كتير اوى اوى

بس خد منى كام نصيحه قبل ما تشترى

ابعد عن الجنط ال 17 مش مناسب لطرقنا خالص وكمان منشف العربيه اوى

هاتها ب abs ومتتنازلش عنه ( كانت معايا من غير abs وبعتها وجبت ب abs وصدقنى الفرق كبير )

ال abs موجود بدأ من الفئه ال3 بس الفئه التانيه مفيهاش

المهم الحاله اكتر من الموديل

ال 2010 محبوب اكتر فى المستعمل عشان فتيسه 4 غيار ( غيار زيته رخيص وليه مقاس زيت على عكس ال 6 غيار بتاع 2011 فيما فوق )

لو عندك اى اسئله او استفسارات اتصل بى 0100689520

وان شاء الله هفيدك بصفتى مالك ليها كذا مره وبفهم شويه فى العربيات

ربنا يخليك ع المعلومات ديه بس انت تعرف معرض بيبيع كسر زيرو اشوف فيه حاجه هاى لاين انا فعلا صعبان عليا ادفع مبلغ كبير واخد عربيه من غير abs ومش كامله
وعاوز اسئل عن حاجه لما اشترى عربيه كسر زيرو وكيل انا بكمل بالعربيه فى الضمان عادى ولا فى مشكله ؟
انا فى قمه الحيره بين الزيرو ورونقه وبين كسر الزيرو والرعب ان العربيه يكون فيها حاجه وبين انى اضحى وادفع اكتر فى النترا تانى فئه فيس لفت واقول اشترى نفسى وتكون زيرو