-
ممكن تسعير العربية دي ؟
السلام عليكم
عاوز حد يقولي ال 46 دي تعمل كام
"اوتوماتيك استوك 1800 سى سى موديل 2000 جنط 18 و كاوتش جداد يايات ( سوست ) m3 .زينون عالى و واطى و فوجات اكصدامات و عتب m3 فبريكا دواخل لون نبيتى مميز جداا اللون بيقلب حسب الاضاءه عليه كيت m3 اربع شكمانات شغالين رينجات فى الفوانيس و الفوانيس اللى فى الخلف ليدات كراسى كهرباء ميمورى و ستاره كهرباء مرايات كهرباء ضم و تحريكها folding و سوند سيستيم كاسيت سى دى usb aux و بلتوث مايك ممكن توصله بالموبايل و تتكلم بزوكا و 2 جى ام و اضافه لل 8 سماعات بتوع العربيه سماعتين بيونير 500 سينسور بارك abs ebd و الاير باج فى البيبان و فى التاره فرش جلد جديد علامات بم ام فى العتب لما تفتح الباب تاكيف تاتش تلاجه""
https://fbcdn-sphotos-d-a.akamaihd.n...88448698_n.jpg
أنا فاكر أن موديل 99 و 2000 كان فيهم مشاكل فى الفتيس.......صح ولا أنا فاكر غلط ؟
-
زى ماحضرتك بتقول
الفتيس القديم كنت اسمع ان فيه مشاكل نتش لو اهمل
بس الجديد اللى هو الاستبترونك حل المشكلة دى
بالنسبة للسعر مقدرش افيدك بس متباع قدامى واحدة 2000 سى سى
على 90 الف بس فيها شغل (علبة دركسيون ومحتاجة تترش)
-
بصراحة ماقدرش اديك سعر بس الي اقدر اقلهولك موفق في الشراء باذن الله وربنا يقدملك الي فية الخير
-
الله اعلم السعر حسب الحالة
بس موديل 99 و 2000 الفتيس الى مش ستيبترونيك بلاش منة
لكن الستيبترونيك زى الفل
-
العربية تعمل 90 الف . خلي بالك في مصر العربية الاستوك اغلى من اللي ملعوب فيها . و هو صارف لمزاجه مش ليك . و شكلها حلو توكل على الله . لو موتورها كويس
-
الستوك مش بتعدي ال 90 الف لو حاله تمام، بالنسبه للكماليات دي مش بيتدقع فيها فلوس الا لو كنت انتا غاويها وكنت ناوي تصرفها يبقي اتوكل علي الله، بس خللي بالك عشان لما تيجي تبيع بردو اللي هيشتري منك هيقدر سعر العربيه علي انها ستوك وهيقولك مليش دعوه باللي انتا صارفه دا لمزاجك
-
وخل بالك ان العربيه بقالها 14 سنه فلو مهمل فيها هتلاقى حجات كتير عاوزه تتزبط و غير كدا الجنط ال 18 محاتج عنايه فااائقه
وبلتوفيق ان شاء الله
-
الراجل ده تقريبا طالب 130 ألف ونصيحتى ليك جيب واحدة 2003 هايلاين بالمبلغ ده احسن
-
شكراً ليكم جميعاً على الردود.....العربية دي واحد صاحبي اللى كان مهتم بيها.
بس أنا شايف من كلامكم أنه يصرف نظر عنها.........هي فعلاً مطلوب فيها 130 ألف جم و انا كنت شايف أنه كتير عليها شويتين.
-
شوف يا أحمد باشا يا عزيزي .. تحب تبتدي منين ..
- رشة برة واللون متغير
- الفوانيس وراء وقدام متغيرة وحتى مش استراد ، يعني فترة واللون هيغير وهيحتاج فوانيس تاني
- الرفارف دي مش ستوك يا إما متغيرة يا إما معمول فيها سمكرة وشغل
- المرايات الفولدينج دي مش الاصلي أو الاستراد دي تايواني أو صيني (باين من الشكل )
- صاحب العربية مش عارف موتور عربيته!، لأن الموتور ال-318i كان 1900CC M43 ، إلي هو نفسه كان في ال-E36 ، لحد ما اتغير إلى 2000CC
- الفتيس الأصلي بتاعها إلي كان مع ال-M43 كان فيه مشاكل بيجيب غوايش وكلاتشات
- مغير الكاست الستوك وطبعاً لاعب في الضفيرة عشان يركبه !
هي بصراحة شكل خارجي حلو ولون مميز جداً ، وكمان جنوط حلوة ، يعني من الاخر منظر ، لكن الاكسسوارات كلها تقليد، وبالتالي ليها عمر .
صاحبك بقى يوزن دة قصاد دة ويشوف هو محتاج إيه . وذي ما الزملاء قالوا السعر دة يجيب 2003 هاي لاين مستريح .
Content Relevant URLs by
vBSEO 3.6.0 PL2