الموضوع: تابلت وموبايل في نفس الوقت

لو عاوز حاجة تبقي تابلت و موبيل في نفس الوقت عندك جلاكسي تاب 3 7 بوصة بشريحة يعني تعمل منة مكالمات عادي + تفتح نت ثري جي .... و عندك كمان الجلاكسي ميجا شاشتة 6.3 بوصة قريب من التابلت بس دة تليفون اكتر منة تابلت .... لو عاوز حاجة اكبر في عندك بردو جلاكسي تاب3 10 بوصة

اشتريت اللينوفو a3000 من اسبوع من محل موبايلات واجهزة وكده بسعر 1660 وهو كان جاي جاهز يعني يا دوبك حطيت الخط اشتغل تلفون عادي
بس هو مش بخطين
هو اينعم فيه مكان لخطين بس خط فون وخط داتا

والجهاز جميل معايا
بس مش لاقي له جراب خاص له ولما سئلت البائع قال لي خلصان
وجبت واحد يمشي كده لحد ما الاقي الاصلي ( وان كان على رأي البائع مش بيحمي ولا مستاهل )

بس في ملحوظة

واحد صاحبي في نفس اليوم اشتراه من احد فروع رايه ومش اشتغل معاه ك تلفون وعرف انه محتاج ينزل برنامج وزي ما انت قولت كده
فرجعه وجاب هواوي يوث وبيشكر فيه

صاحبي قال لي انه بالبحث لقى ان ال لينوفو ذاكرته الداخليه 16 جيجا ولكن المتاح للمستخدم 13 جيجا و منهم 1 جيجا بس للبرامج وده معتبره عيب
بس انا لسه مش جربت

وبلاقي حتت بتوقفني لاني لسه مستخدم جديد للاندرويد وكل ما انزل حاجه حد من الولاد وهو بيلعب يشيله ويحذفه عن غير قصد

المشاركة الأصلية كتبت بواسطة ahmed air

انا اشتريت تابلت وتليفون اسمه برستيجو روسى مش صينى بس جميل جدااا 1150 ومعاه ضمان سنه وبطاريه ممتازه

النوع ده برضه كان عاجبني وحسيت انه فخم
وحسيت انه بينافس لان له تواجد على موقع gsmarena وجايب ريفيوهات كويسة عنه بس قولت اللي اعرفه احسن
وكنت فاكر ان اللنوفو بيشغل 2 خط تلفون فقولت ده بالنسبة لي احسن
بس لو كنت عرفت معلومه ان الينوفو خط تلفون واحد كنت غيرت رأيي وجبت ده

جاما هتنزل تابلت جديد كور كواد بعد اربعة ايام على الاكثر و به شريحة تشتغل تيلفون مع واحد جيجا رام ddr3 , و ب 2000 جنية تقريبا ..... حصرى