محتاج مساعدتكم فى اختيار سيارة فى حدود من 100 - 140 ألف

السلام عليكم

انا دلوقتى معايا لانسر 2007 ووالدى معاه بريليانس v5 وانا كنت حابب ابيع الانسر واكمل على ثنمها واجيب عربية جديدة

البدائل اللى قدامى على أساس المبلغ اللى أقدر أدفعه وطبعا تكون أوتوماتيك هى كالتالى :

بيجو 301
سيتروين أليزيه
بريليانس كروس
أوبل كورسا
بولو
كيا سوول
هوندا سيتى

طبعا انا يهمنى جدا الأعتمادية وتوافر قطع الغيار خارج وداخل التوكيل واقل نسبة مشاكل فى العربية عشان اى عربية مهما كان ثنمها بيكون فيها مشاكل

وياريت نبعد عن موضوع انى بقارن صينى مع فرنساوى وكورى وفرنساوى والمانى ويابانى عشان انا اصلا شغال فى مجال الأستيراد والمستوردين عندنا هما اللى مخليين سمعة الصين فى الحضيض ( جشع التجار المعروف )

العربية اللى شوفتها على الطبيعة هى الكروس وعاجبانى جدا وموتورها ميتسوبيشى ميفيك بس مؤشر الحرارة فيها بيزيد عن النصف ويرجع تانى لما المروحة تشتغل والتوكيل بيقول ان ده عادى مش مشكلة

تانى حاجة بفكر فيها هى الاليزيه بس قرأت مواضيع من نتشة الفتيس وكام مشكلة على التكييف لما بيشتغل ويبرجل العربية

ياريت تساعدونى ضرورى واللى يرجح عربية يقول اللى ليها واللى عليها

شكرا

متابع باهتمام

لو بتدور على اعتماديه وتوافر قطع غيار يبقى بيجو 301

بيجو او ستروين اختار الشكل الاحلي

بيجو 301

بص من لانسر ل 301 مش نقلة
نصيحة حاول تشوف سيفيك او جيتا يوزد وانتا طالع

كيا سول علشان الاعتماديه توافر قطع الغيار و اسعارها طبعا موش علشان اسعار قطع الغيار من التوكيل لا انا قصدي يعني لو مزنوق هتجيب صيني و تقضيها و سهله الصيانه و التحابيش بتاعت الكوري الباقيه

اقتباس:

---

المشاركة الأصلية كتبت بواسطة punisher

تانى حاجة بفكر فيها هى الاليزيه بس قرأت مواضيع من نتشة الفتيس وكام مشكلة على التكييف لما بيشتغل ويبرجل العربية

ياريت تساعدونى ضرورى واللى يرجح عربية يقول اللى ليها واللى عليها

شكرا

---

توضيح بسيط : المشكلة بتاعة تكييف الاليزيه دى اتحلت من زمـــــــــــــــــــــــ ـــــــــان يا افندم

العربية معايا من شهرين و جربتها بتكييف و من غير و زى الفل الحمد لله

ربنا يوفقك لاختيار الانسب و الاصلح

عن تجربة ستروين سى اليزية افضل وارخص

اقتباس:

---

المشاركة الأصلية كتبت بواسطة mohamed hussei

بيجو او ستروين اختار الشكل الاحلي

---

من وجهة نظرى السى اليزية شكلها احلى وارخص من البيجو 301

وف نهائى لتعدد العضويات مع عضوية محمد اسلام بهدف الترويج لسيارات ستروين
م.ع.3
4/3/2014 11:32pm

بيجو 301 ثم الستيروين

بيجو 301 افضل

البيجو ب 136 .... 10 حجز والاستلام بعد 4 شهور !!!

الاليزيه ... معرفش ايه نظامها بصراحة

كيا سول فعلا فكرت فيها النهارده بس مش عارف كويسه ولا لأ عشان انا مش بحب الكيا

وصاحبى بيقولى وفر الفلوس وخليك فى الكروس وموتور ميتسوبيشى والفرق اللى هدفعه مش كبير

بص برده الأليزيه مستوى اعلى سواء هيا او ال 301

انا بجد احترت وتعبت من التفكير

الكيا لو ينفع تزود وتركب رينو تبقي نقلة فعلا