المشاركة الأصلية كتبت بواسطة Frozen_Pain
تعددت الاسباب والموت واحد
والله يا جماعة لو بصيتوا هتلاقوا ان 99% من الحوداث بيكون السبب فيها شباب مستهتر
ومش بيصعب عليا غير اهل الشباب ده لاقدر الله لو حصلت لابن اى حد منهم حادث بتبقى الحياة كلها سوداء
يا جماعة والله انا ليا اخويا اتوفى فى حادثة عربية الله يرحمه بس ما كنش هو اللى سايق ده كان والدى الله يرحمه هو اللى سايق عربية نقل قلبتهم فى الترعة
المهم بعدها البيت والحياة مبقاش ليهم طعم واتكسرت الفرحة فى البيت كله والدى اتوفى بعد الحادث ده ب 6 سنين بس كان خلاص كره الحياة وهو شايف ابنه بيموت قدامه
يا جماعة خدوا بالكم من نفسكم ومتستهتروش بحياة الاخرين
وربنا يرحمنا جميعا