استفسار حول الفتيس الاتوماتك

**osamahalem** · 25-09-2008 03:48 PM

ممكن لو تسمحو حد يفهمنى اية اللى ممكن يحصل لو طفل مثلا حرك عصا الفتيس الى الوضع الخلفى والعربية ماشية يعنى دا يبقى غلط وناخد بالنا وتعدى على خير ولا ممكن الفتيس يتدمر من غلطة واحدة زى كدة لانى بصراحة معروض عليا عربية اوتوماتك وشايف ان دا ممكن يحصل ولو بالغلط من طفل راكب جمبك او حتى منى انا شخصيا بالغلط يعنى اية اللى بيحصل بالظبط للفتيس والعربية لحظة متسكن الفتيس على الخلفى وانت مندفع للامام ودايس بنزين رجاء حد يفهمنى بالتفصيل ولكم جزيل الشكر

**armoty** · 25-09-2008 05:34 PM

مستحيل يحصل في السيارات الحديثة وده لانه
The reverse gear is mechanically blocked by a synchronizer to prevent exactly this kind of thing
source :
http://wiki.answers.com/Q/If_you_are...avoid_accident

**osamahalem** · 25-09-2008 06:27 PM

مشكور يا اخى العزيز بس النظام دة فى العربيات الحديثة بشكل خاص ولا فى الاوتوماتك بشكل عام لان العربية اللى معروضة عليا 504 موديل السبعينات بس حالتها كويسة جدا وفيها كماليات حلوة زى التكييف والسنتر وانزار وقزاز كهربا وجنوط سبور يعنى من الاخر تحفة فنية بس حكاية الاوتوماتك وامكانية انها تقبل المرشدير وهيا مندفعه للامام دى قلقانى ومش عارف دا ممكن يحصل ولو حصل هتبقى النتيجة اية ورد فعل العربية هيبقى ازاى يعنى غلطة والسلام ولا فيها تكسير للفتيس مثلا ولا ممكن لا قدر الله العربية تنقلب فورا وهل فية حلول او امكانية تامين لعدم حدوث هذا ارجو الافادة من المتخصصين لان دة هيكون العامل الحاسم فى شرائى للعربية

**جمال** · 26-09-2008 01:10 AM

معمول حساب الكلام ده فى كل الاوتوماتيك , ولايمكن ان يحدث بالصدفه , ماتقلقش

**osamahalem** · 26-09-2008 01:53 AM

الف شكر يا جماعة لانى بصراحة كنت قلقان وفكرت وانا بجرب العربية احاول اديها المرشدير وانا ماشى بالراحة خالص علشان اطمن انه مش هيقبلها بس خفت حاجة تبوظ ويبقى موقف زباله واللى يضحك بجد انى قلت الكلام دة لصاحب العربية نفسة ضحك وقالى تصدق بالله بقالها معايا تلات سنين ومجاليش قلب اجرب اعمل الحكاية دى خصوصا ان الفتيس ماشى كويس ومحبتش اجرب حاجة وابوظة وكانت نيتى لو ابتدا يخرف وكدة كدة هروح اعملة صيانة اجرب الحكاية دى قدام الورشة بتاعة الصيانة دا كلام صاحب العربية وفضلنا نضحك على الموقف

**amir** · 26-09-2008 05:26 AM

انا معايا صني 2007 اوتوماتك, و حصلت حاجه مشابهه لكلامك بس اللي حصل ان كنت مسافر مع الاصدقاء و ماشي 120 قام اللي قاعد جنبي بيهرج مع اللي قاعدين ورا و هوب نقلي العصايه من الd الي 1 او 2 مش فاكر المهم العربيه قامت زنت علي اخرها و صوت الماتور كان شعاره ميتاليكا حتي الموت بس الار بي ام كان علي حدود الخطوط الحمرا الحمد لله ان الموتور بيفصل في الحالات دي و لولا كده كان زمان الموتور ودع
الحمد لله مفيش مشاكل مع الجير بوكس بس طبعا كان قلبي ساعتها عامل زياره لركبي بس ربنا ستر

**amir** · 26-09-2008 06:11 PM

المشاركة الأصلية كتبت بواسطة Ahmad Allawy

هههههههههه
ههههههههههههههههه
اسلوبك يهلك م الضحك علي فكرة.. :) :)
الحركة دي عادي علي فكرة.. طالما التروس دي او النقلات دي امامي مش مارشدير..
و كده كأنك كنت ماشي علي الخامس و سقط علي التاني مثلا.. بس لو كان فتيس مانيوال كانت التروس اتكسرت..
بس الاوتو الموضوع مختلف.. بيتهيألي بيبقي معمول حساب الحاجات دي..
ةو هتلاقي النقلة دي بتيجي عادي من غير ما تدوس علي الزرار.. صح؟؟
لكن المارشدير.. مش خييجي كده من غيرقصد..

صح كلامك بس النقطه بتاعت لو هيا مانيوال طي ما اهو الموتور انجيكشن و معروف عنه انه بيفصل لما الاؤ بي ام يدخل في المنطقه الحمرا

-

-

-

الموضوع: استفسار حول الفتيس الاتوماتك

LinkBack

أدوات الموضوع

عرض

-

المواضيع المتشابهه

فلتر زيت الفتيس الاتوماتك؟؟؟؟؟؟؟؟؟؟؟؟؟؟؟؟؟؟

الفتيس الاتوماتك

زرار جنب الفتيس الاتوماتك

سوال عن الفتيس الاتوماتك

حاجة غلط في الفتيس الاتوماتك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة