قطع الغيار الاصليه والمضروبه من التوفيقيه

**atpo56a** · 25-01-2014 12:21 PM

السلام عليكم احبائي اعضاء وزوار المنتدي
فكرت اشتري من التوفيقيه فلتر زيت دايو لانوس
من عند ابراهيم البنا المشهور بقطع غيار لانوس
واشتريت الفلتر العلبه مكتوب عليها جينين جي ام
وبعد كده وانا بااتجول لقيت محل عزيز سليمان كمان ده من اعلام قطع غيار لانوس اشتريت منه كمان فلتر زيت قلت اقارن بينهم لقيت السعر زايد شويه قلت له ليه غالي شويه فرد البائع اصل احنا بنوزع لمنصور شيفروليه وفعلا العلبه نفسها بس عليها استيكر منصور شيفروليه بس لما فتحت الفلترين لقيتهم من الداخل زي بعض
اكيد الكل منكم جرب واشتري من التوفيقيه
يا ريت الكل يقول الراي ومين الاحسن في البضاعه والسعر علشان الواحد لما يروح التوفيقيه يكون عارف حيرووووح لمين يعني عنده فكره عن نوعيه البضاعه وجودتها من تجاربكم الشخصيه وكمان نسيت اقولكم انا سالت علي موبينه لانوس عند ابراهيم البنا وعزيز سليمان لقيت السعر مختلف تماما ايه رايكم في فرق السعر يا تري جوده منتج ولا موزع لمنصور شيفروليه ومين فيهم جودته احسن
رجاء المشاركه لمعرفه المزيد من المعلومات عن
موضوع قطع الغيار وكمان ياريت اللي جرب حد تاني يقول عليه علشان الكل يستفاد

**Mohamedmaree91** · 25-01-2014 02:33 PM

طول عمره عزيز سليمان اغلى من البنا انا بشترى من عنده لما ملقيش حاجه عند البنا لكن البنا حاجته نظيفه

**ضى القمر** · 25-01-2014 03:17 PM

هوه فعلا لازم نعرف الفرق هل فرق السعر لان سليمان غالى عشان هوه موزع لشيفروليه وبكده يبقى البنا افضل ياريت الاعضاء تشارك ونستفيد كلنا

**kingmido25** · 25-01-2014 03:30 PM

فعلا الموضع دا مهم جدا ومش فى الأسعار بس لأ.......... الأهم فى التقليد وقطع الغيار المضروبة ......

يا ريت ياشباب إل يعرف موزع كويس لقطع غيار الأنسر وطريقة معرفة الحاجة أصلية من غير إزاى يا ريت يعرفنا

**Ahmed-SAMIR** · 25-01-2014 04:48 PM

متابع

**Khaled Lanos** · 25-01-2014 05:26 PM

بص ياباشا انا طول عمري مش بشتري غير من البنا والحمد لله مخدتش حاجة منه مضروبة قبل كدا..كمان البنا كل ماروح الاقي طوابير عليه بسم الله ماشاء الله يعني لو حاجته اي كلام الناس دي كلها مش هتتعامل معاه.