أجيب أيه بـ 180؟ كورولا، أسترا، فلوينس، سي فور، فوكاس، أمبريزا و لا شارك :)

السلام عليكم،

اجيب ايه من العربيات اللى فوق دول و يا ريت الملاك يفيدونا برضه،،،كل العربيات دي 2014 ما عدا الامبريزا الوكيل منزلش 2014 لغاية دلوقتى (على حد علمى)...

بصراحة انا أول ما فكرت فكرت فى الشارك بس لقيتها تقريبا فاضية (لو قارنتها بالكورولا مثلا) بس بعد كده قولت الامبريزا لقيتها 2013 و شكلها عادى بس من جوة كويسة جدا.

دلوقتى انا رايح اكتر ناحية السي فور...عربية تكنولوجى عالى جدا و موتور كويس 120 حصان...

موضوع أعادة البيع مش فارق معايا خالص بس انا عايز عربية صالونها واسع شوية خاصة ان انا عندي طفلين و فى تالت فى السكة ان شاء الله. http://www.nilemotors.net/Nile/image...s/15_2_143.gif

يا ريت خبرات سعادتكم....

لو مش هماك اعادة البيع يبقي سوبارو
استرا
فلوانس

وارجح السوباروو
لان هي كانت معانا وبعناها واشترينا فانتازيا
عرفت قيمتها
الا البنزين وقطع الغيار

ارشح لك الفلوينس طبقا لاحتياجاتك

عربية صالونها واسع يبقى فلوينس ثم الكورولا

فلوانس او كورولا

عمرك ما هتلاقى كل حاجه فى عربية واحده
لكن كل واده مميزة فى مكان

الsubaru ثبات هائل للسياره و تحكم و عفشه ممتازة heavy duty
الفلوينس صالون و كماليات
الاسترا فخامه و راحه
الكورولا عربيه اعتماديه من الدرجة الاولى يعنى ال bmw تعطل انما ال toyota لا يمكن ابدا
ال focus overall ممتازة بس عندى حساسية من ال ford

ارشح لك استرا فلوانس ثم كوروﻻ

اقتباس:

---

المشاركة الأصلية كتبت بواسطة برنس الليالي

عربية صالونها واسع يبقى فلوينس ثم الكورولا

---

أؤيد بشدة
فلونس أفضل عربية عائلية في السعر ده

وأنا أيضا أرشح الفلوينس بقوة وأعتبرها أفضل سيارة في فئتها على الإطلاق ( في المجمل طبعا ) .

انا ايضا اري الفلونس افضل اختيار
ورنا يوفقك