تركيب شاشة مرايه وكاميرا خلفيه دون الخروج من الضمان

نبدأ بسم الله الفكره سهله جدا وقابله إن اي حد من الزملاء يطورها وتبقى احسن من ايللي انا عملتوا
انا اشتريت شاشة المرايه وكاميرا اكسدام
صورة الشاشه
http://nileup.com/up/uploads/nilemotors_13906578071.jpg
http://nileup.com/up/uploads/nilemotors_13906578072.jpg
وتخلي بالك من ان الشاشه ليها مدخل كاميرا
وتخلي الكهربائي يركبهوملك عادي بس ماعدا مصدر الكهرباء مالوش دعوه بيه :argue2: ويوصل الكاميرا مباشر (يعني ممكن تشغلها وانت ماشي مش لازم المارشدير بعد كده نيجي للأهم ((((((الكهربا))))))
بص ياسيدي الشاشه ليها موجب وسالب وكمان الكاميرا ودول المشكله تجيب ادابتور الشاشات زي الصوره دي من عند اي حد بتاع اكسسوارات موبايل
http://nileup.com/up/uploads/nilemotors_13906581471.jpg
اهم حاجه تفتحو وتتأكد انوا مجرد وصله مافيهوش مقاومات وكده يعني بيخرج 12فولت وتقطع طرفه (الجاك) وبعدين السلك الاحمر هوا الموجب توصلوا مع الاحمر بتاع الشاشه والكاميرا والاسمر السالب توصلو بسالب الشاشه والكاميرا وممكن الكهربائي مايمدلكش السالب من ورا بتاع الكاميرا ممكن يوصلوا بأي مسمار في الشنطه (ده مجرد ارضي) وتمشي الوصله دي من جوه الطبلوه بردوا وتخرج الآدوبتور من ورا الكونسول ويركب على الولاعه.....
كدا كأنك ركبت اكسسوارات خارجيه على الولاعه وهيشتغلو مع اول تكه للمارش يعني مش هتنساهم والبطاريه تنام ومش هيبان سلوك ولا حاجه مجرد شكل الوصله في الولاعه وهيا اصلا بحجم الولاعه
وعلى فكره عملت صيانه قريب في التوكيل وقبل ما العربيه تدخل قولت للمهندس الشاشه والكاميرا علي الولاعه قالي تمام وقالي لو عايز تركب حاجه كان ممكن تاخد وصله من البطاريه على طول بس انا حبيت اخليها مع الولاعه عشان تفصل مع العربيه وماأنسهاش
وقريب هقولوكوا على توصيل الكاميرا مع المارش وفوج لايت ليدات بعيد عن مفتاح النور يعني ممكن تشغلوا بالنهار زي العربيات الحديثه هوا بس مش مع النور الصغير وكل ده بدون اللعب في الضفيره واي استفسار تحت امركم تليفوني 01119958076

الف مبرووك

اقتباس:

---

المشاركة الأصلية كتبت بواسطة j a g u a r

الف مبرووك

---

الله يبارك في حضرتك ادعلنا نركب ايللي احنا عايزينوا والتوكيل يسيبنا في حالنا

هو الشاشه المرايه دى فى منها فيه جى بى اس وسعرها كام

الف مبرووك يا باشا و فكرة كويسة
ياريت تقولنا جبتها بكام ومعاه الكاميرا ولا لأ ؟

الف مبرووك يا باشا و فكرة كويسة
ياريت تقولنا بكام و الكاميرا فعلا حلوة ولا لأ و شكلها ازاى فى الاكسدام؟؟؟

الله يبارك فيكم جميعا الشاشه ب 420 ج بس اهم حاجه تتأكد ان فيها مخرج كاميرا وبلوتوث لأن فيه ب350ج شاشه فقط مايركبش عليها كاميرا والكاميرا ب85ج وتركيبهم ب50ج وفيه كاميرا ب110 فيها ليدات لتوضيح الرؤيا بس اكبر في الحجم شويه من بتاعتي واسترخمتها وهيا جميله جدا ومفيده خالص في الركن وشكلها معقول لو جيبت الصغيره زي بتاعتي مش هتبقى باينه اوي وركبناها بردو في عربية والدي وعنده الاكصدام فيه جريده سوداء فمش باينه اصلا وجميله والاسعار دي في المنصوره لو حد هيجيبها من القاهره اكيد ارخص

لو سمحتم انا جيبت لمبة اشاره ليدات عشان اركبها في الفانوس الامامي لاقيت دواية الاشاره مختلفه شويه فيه مجرتين بيدخل فيهم مسمارين صغيريين ايللي في اللمبه من الجنب بيبقوا قصاد بعض بس انا لاقتها في دواية العربيه جنب بعض يعني اللمبه مش راضيه تدخل اعمل ايه:untitled:

دي صورة الكاميرا في العربيه (معلش العربيه متربه شويه:shyy:)
http://nileup.com/up/uploads/nilemotors_13907474711.jpg

طيب ينفع اركب gm وبازوكا من غير ما اخرج العربية من الضمان

اقتباس:

---

المشاركة الأصلية كتبت بواسطة رامي مصطفى

الله يبارك فيكم جميعا الشاشه ب 420 ج بس اهم حاجه تتأكد ان فيها مخرج كاميرا وبلوتوث لأن فيه ب350ج شاشه فقط مايركبش عليها كاميرا والكاميرا ب85ج وتركيبهم ب50ج وفيه كاميرا ب110 فيها ليدات لتوضيح الرؤيا بس اكبر في الحجم شويه من بتاعتي واسترخمتها وهيا جميله جدا ومفيده خالص في الركن وشكلها معقول لو جيبت الصغيره زي بتاعتي مش هتبقى باينه اوي وركبناها بردو في عربية والدي وعنده الاكصدام فيه جريده سوداء فمش باينه اصلا وجميله والاسعار دي في المنصوره لو حد هيجيبها من القاهره اكيد ارخص

---

انا اشتريتها من اسكندرية mp5 بلوتوث بـ 300 من عزبة سعد في سموحة من محل اسمه الشادي ودا كان ارخص سعر هناك
والكاميرا رؤية ليلية بـ 100
والشاشة ماشاء الله على صورتها وبتشغل جميع الامتدادات

أستاذ رامى
تحية طيبة
مشاركة ممتازه بس ليا سؤال
انا ركبت الكاميرا والشاشة بس على المارشدير (عند الكهربائى)
لما تكون العربية مش دايرة الصورة بتبقى ممتازة لكن اول ما ادور العربية الصورة بتتهز وبتقطع وبتبقى زى الزفت (علما بان الشاشة واصلة دايركت مش مع الكونتاك)
ارجو الإفادة والحل في المشكلة ديه
وشكرا

اقتباس:

---

المشاركة الأصلية كتبت بواسطة tigeryano

أستاذ رامى
تحية طيبة
مشاركة ممتازه بس ليا سؤال
انا ركبت الكاميرا والشاشة بس على المارشدير (عند الكهربائى)
لما تكون العربية مش دايرة الصورة بتبقى ممتازة لكن اول ما ادور العربية الصورة بتتهز وبتقطع وبتبقى زى الزفت (علما بان الشاشة واصلة دايركت مش مع الكونتاك)
ارجو الإفادة والحل في المشكلة ديه
وشكرا

---

لسه والله ماوصلتش لحاجه لو عرفت هكلمك

انا جبت لواحد صاحبي شاشه جديده mp3 من المنصوره ب 290ج جميله لو حد عايزها يستنا يومين لحد هوا ما يجربها عشان اعرف رأيوا واقولوكم واديكم العنوان في المنصوره
وربنا يملا حياتنا شاشات وسعاده هههههههههههههه

اقتباس:

---

المشاركة الأصلية كتبت بواسطة geley_cola

انا اشتريتها من اسكندرية mp5 بلوتوث بـ 300 من عزبة سعد في سموحة من محل اسمه الشادي ودا كان ارخص سعر هناك
والكاميرا رؤية ليلية بـ 100
والشاشة ماشاء الله على صورتها وبتشغل جميع الامتدادات

---

ممكن اعرف ماركة الشاشة و الكاميرا ؟؟؟؟؟؟؟؟؟؟؟؟؟؟؟؟؟؟؟؟

انا لسه شارى الشاشه من اسبوعين من المنصوره برده بـ 250 جنيه
كاميره وبلوتوث جميله

هو حضرتك جايبها اسمها ايه و بلوتوث يعني ممكن اتكلم منها و بتتعرف علي الموبيل

++++1