بخصوص تعديل الفوانيس

**0o_Magic_o0** · 25-01-2014 05:03 PM

السلام عليكم و رحمه الله و بركاته

أولا أحب أشكر كل القائمين على المنتدي الرائع ده و كل المشرفين و الاعضاء الى مش بيبخلوا بمعلومه

أنا مهتم بتعديل الفوانيس الفتره دي كهوايه ليس أكثر ولا أقل و لأن تظبيط عربيتك لما يكون شغل ايدك دي حاجه تانيه خااالص

عرفت من الاعضاء هنا طريقه عمل الرينج Angle Eyes و جاري الشغل فيها و قربت اخلصها كمان

بس و حسيت ان الموضوع انتهي على كده .. يا ريت يا جماعه من خلال البوست ده نقدر نفيد بعض بأي معلومات عن التعديل و تكون عربيتنا أشد عربيات فى مصر :D و كل واحد و دماغه فى التعديل

المهم : دي ليد الهالو قلبت عليه الدنيا لحد ما لقيته بيتباع ع Aliexpress

NEW!! 1Set x 60cm Dual Color LED Optical Eyes light ,LED Eyes Soft lamp strip LED Daytime Running Light-in Daytime Running Lights from Automobiles & Motorcycles on Aliexpress.com

و كمان لقيت موضوع للتعديل خاص ب kia optima

LED headlight Mod & Upgraded OEM Positioning Lamps

الجزء الى مجنني و عايز اعرف بيعملوه ازاى هو المربعات البيضا الى بتبقي فى الجنب زى التوبيك الاخير و الصورة دي :

مستني مشاركتكم و تفاعلكم .

**saddam** · 25-01-2014 07:23 PM

صديقي المواطن
الجزء ده شرايط ضوئية إسمها إل سي آي وموضوع بسيط وأنا الفوانيس بالذات محبش حد يعملها بإيده لازم متخصص وكل شهر بيقفل بتاع 200 فانوس ونقعد مع بعض ونحط رسمة فخمة وننفذها غير كده شغل البيت باين واللي إنت حاطط صورة الفانوس ده صاحبي وعملنا شغل كتير قبل كده مع بعض ودلوأتي إتطورت
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**0o_Magic_o0** · 26-01-2014 03:52 AM

المشاركة الأصلية كتبت بواسطة saddam

صديقي المواطن
الجزء ده شرايط ضوئية إسمها إل سي آي وموضوع بسيط وأنا الفوانيس بالذات محبش حد يعملها بإيده لازم متخصص وكل شهر بيقفل بتاع 200 فانوس ونقعد مع بعض ونحط رسمة فخمة وننفذها غير كده شغل البيت باين واللي إنت حاطط صورة الفانوس ده صاحبي وعملنا شغل كتير قبل كده مع بعض ودلوأتي إتطورت
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

شكرا لك عزيزي المواطن :] .. و يا ريت لو تعرفني أقدر اجيب شرايط ال lci منين لأني حتي ع جوجل مش عارف اوصل لحاجه :d و لك مني كل الشكر و التقدير

**MuhamedNabil** · 26-01-2014 11:23 PM

الفى الصورة دى عبارة عن اكريليك شيت اتشكل على مقاس الجزء العايز يركبه فيه و بعد كدة بيرسم عليه و يرش الرسم اسود.
و اللمبة الورا الجزء ده ممكن تسيبها لمبة عادية و ممكن تغيرها ب led.

الكشفات ال lci دى فكرتها هى هى زى فكرة الرينجات بس على شكل تانى , برده لمبتين فى كل ترف.

المعمول فى الصورة هى طريقة تانية اسهل بس بتدى نتيجة كويسة.

**0o_Magic_o0** · 29-01-2014 07:45 AM

المشاركة الأصلية كتبت بواسطة MuhamedNabil

الفى الصورة دى عبارة عن اكريليك شيت اتشكل على مقاس الجزء العايز يركبه فيه و بعد كدة بيرسم عليه و يرش الرسم اسود.
و اللمبة الورا الجزء ده ممكن تسيبها لمبة عادية و ممكن تغيرها ب led.

الكشفات ال lci دى فكرتها هى هى زى فكرة الرينجات بس على شكل تانى , برده لمبتين فى كل ترف.

المعمول فى الصورة هى طريقة تانية اسهل بس بتدى نتيجة كويسة.

و الله مش عارف أقولك ايه :) الف شكر ليك يا باشا أنا فعلا سمعت كلامك و روحت جبت 1/8 لوح اكريليك تقريبا ...

و دلوقتى محتار أحط ليد ولا لمبه عاديه و يا تري اثبت الليد على الفانوس و احاول اضع جزء الاكريليك على مسافه معينه من الليد علشان ميبانش ان تحتها لمض ليدات و تبان كأنها اضائه واحده بكامل الاكريليك ؟!

و اسف ع الاطاله بس ايه الطريقه التانيه الاسهل دي :D فيدني أفادكم الله

و الف مليوووووووون ثانكس :) ...

**roland_yamaha** · 06-02-2014 02:52 PM

ممكن تفاصيل يا باشا عن لوح الاكريلك ده وشكله ايه وبكام

**HeMoZ** · 20-02-2014 06:24 PM

المشاركة الأصلية كتبت بواسطة roland_yamaha

ممكن تفاصيل يا باشا عن لوح الاكريلك ده وشكله ايه وبكام

لوح الاكريليك دا بيبقي حاجه زي البلاستيك كده وفي منه شفاف والوان وكذا سمك ... وبيتشكل بالحرارة وهو اللي بيعملو بيه الوشوش الشفافه وباقي الحاجات دي بتاعة تعديل الفوانيس
اما عن اسعاره ف دا كارت محل رحتله مره وانت ممكن تتصل وتستفسر بنفسك :)

**HeMoZ** · 20-02-2014 06:47 PM

معلش اسف صورة كارت المحل مش راضيه تترفع ف ادي رقمه

0106652203
0233141181

وعنوانه

24 ش الوحده اسفل مطلع الكوبري - خلف الحميات - امبابة

ويارب اكون قدرت افيدك