السلام عليكم : الموضوع اني اشتريت سياره ٤٦ لكن للاسف صاحبها مقالش انه مغير موتور وكنت قد نقلت ملكيه بالشهر العقاري ومعايا صًورة الافراج الجمركي + الفاتوره الاصل مختومه
المشكله ان اكتشفت الموضوع ده متأخر والتاجر قال لي ان قدامي ١٠ ايام علي الاوراق ماتوصل مرور الدراسه ومنها الي مرور النزهه وعقد نقل الملكيه كان بتاريخ ٣١ديسمبر ٢٠١٣ وبالتالي اعرف ان مدة العقد شهر لنقل الملكيه ومش باقي غير ٥ ايام وينتهي مهلة نقل الملكيه للسياره
هل حد عنده حلول للمشكله دى.
طب فى اقتراح ماتاخد رقم الصادر من مرور الدراسه وتطلع بيه على مرورك ورخص
كده يا باشا حضرتك هتضطر تعمل تجديد عقد تاني في الشهر العقاري ..وده بيتعمل ب 30% من قيمة تسجيل العقد في المره الأولى ...بس سؤال ..هو حضرتك وقعت مشتري في الشهر العقاري ..عموما لو وقعت مشتري يبقى زي ما قلتلك ..هتضطر تعمل تجديد عقد بمصاريف 30% من قيمة تسجيل العقد الأول ....هذا رأيي ..والله أعلم
هل ممكن ترخيص مؤقت ٣ شهور
رحت النهارده للمرور وحكيت للموظف الحكايه وطبعا مشكلة عقد نقل الملكيه اللى باقى عليه ايام قليله بس طمنى واق لى انه بيمشيها عادى وبيقبل العقد حتى لو مر عليه 30 يوم .
بس قال ان الورق علشان يوصل المرور عنده فيها شهر .وشكرا للساده الزملاء الافاضل على سعة صدرهم .
كنت اخبرتكم بموضوع الافراج الجمركى وانتهاء فتره عقد الشهر العقارى الخاص بنقل الملكيه :=
المهم كان فيه زملاء قالووا انى ممكن ادفع 30% من قيمة عقد نقل الملكيه يعنى كغرامه واحب افيدكم باللى حصل:
الراجل محمد نجيب اللى ماسك مرور النزهه احترام عالى قوى وراجل ممتاز وتم الترخيص بحمد الله تعالى وكان الافراج الجمركى انا حركته من مرور الدراسه زى نصيحة الزملاء بالسايت طبعا تدفع تجد ما يسرك وطبعا بيعملوا حاجه حلوه جدا بالمرور اسمها الاستعلام الامنى للتأكد ان السياره مش مسروقه .وتحياتى للجميع.