عرض للطباعة
خبر قريته على احد المواقع قلت انقله ليكم و اعتقد انه كان السبب في تاخير الكثير من الحاجزين هنا و هو ان بيجو سنتهي من تسليم الدفعة المخصصة للجيش خلال ايام و انهم الفترة الي فاتتت كلها كانوا بيجهزوا في هذه الدفعة
ياريت بقى يحسوا على دمهم و يسلمونا لحسن احنا خلاص استوينا
هذا هو رابط الخبر
القاهرة لصناعة السيارات تتفق مع القوات المسلحة على توريد 1100 سيارة «بيجو 301» - جريدة البورصة
الجيس بيستلم المانيول والبيزلاين والمشكلة التسليم حتى عند الهاى لاين
الخبر ده معناه ان ممكن الجيش ياخد المركب اللى جايه كمان لأن مفيش عربيات دلوقتى
يا مسهل انا حاجز بقالي 20 يوم و زهقت و اتخنقت مش عارف هكمل ال 3 شهور ازاي!!
اكلنها والعه
المفروض بقى يخلي عنهم دم عشان كدة حرام هنفضل لحد امتى مواطنين درجة ثالثة
امتى اشوف فيكى عدل يابلد
حاجز من ٢٤/١٠ ولا حس ولا خبر وكل شوية يقولوا معلش اصل الجيش اخد المركب
حسبي الله ونعم الوكيل فى كل ظالم
انا زهقت جدا انا بايع العربية من قبل ما احجز
انا الى فهمته ان طلبية الجيش كده خلصت بالمركب الى دخل في نصف الشهر الجاري يعني بداية من المركب الى جاية هيسلموا كل العملاء حد فهم زي كده و لا
بصراحه انا شايف ان انتم اللى عاملين فى نفسكم كده تهافت الجميع على البيجو غلى سعرها وجعل فترة انتظارها طويلة فى حين ان ستروين سى اليزية هى هى ال 301 وشكل اجمل وسعر ارخص واستلام فورى ...اقتباس:
المشاركة الأصلية كتبت بواسطة heshammosaad
التوكيل مسلمش للجيش غير تقريبا لسه ١٥٠ عربيه والناس حاجزه فى الجيش من نصف شهر ١١ يعنى بيتعامل زى بقيه الناس ويمكن يستنى اكتر من ٣شهور كمان
هو أنت عايز الجيش يكون أستلم 1800 عربيةاقتباس:
المشاركة الأصلية كتبت بواسطة asmag
طبعا أكيد لأ
لكن ال150 (الو الرقم صحيح) اللي أستلمهم دول هما سبب تأخير بعض الناس
يعني في 150 مواطن درجة تالتة إتظلم عشان الجيش يستلم
و الكلام ده من بق المندوب
الجيش عايز يستلم و إحنا مضطرين
الله أعلم الحقيقة فين
لكن في النهاية أنا كان المفروض أستلم آخر 12 و المندوب قالي طلبية الجيش هي السبب إنك تستلم فشحنة 2-2014
و مش أنا لوحدي
كتير إتقالهم نفس الكلام
الجيش حاجز زىيه زى كل الناس وواخد دور زى كل الناس وانا متاكد من الرقم اللى انا ذكرته واقل من كده كمان والمندوب يريح الناس باى حجه ولو الجيش كان ماخر الناس فعلا كان خد ال١٨٠٠عربيه فى اقل مده والعيب مش من الجيش يا حضره العيب مع التوكيل اللى اتعاقد مع الجيش وملزم بعقد معاهاقتباس:
المشاركة الأصلية كتبت بواسطة abohend
أنا بالنسبة لي مش فارقة العيب فميناقتباس:
المشاركة الأصلية كتبت بواسطة asmag
أنا لي النتيجة
و بعدين في شركات أدوية و غيرها كتير إتعاقدت على طلبيات لكن عمر المندوبين مقالوا إنها أثرت في التسليم :bump1:
أكيد طبعا تعاقدات الشركات عددها أقل من الجيش لكن مجمعة أظن تأثر
و رغم كده عمر مندوب مقال إن السبب تعاقدات الشركات
كتير من الأعضاء رغم إنهم حاجزين من فروع مختلفة إتقالهم نفس الكلام
يا ترى دي تعليمات إدارة التسويق في بيجو إنها تكدب على العملاء و تقول الجيش بيضغط عشان يستلم
و لا كلهم قالوا نفس الكلام بالصدفة!! :mahf(5)::mahf(5):
ربنا يبارك لأي واحد إستلم العربية و ينفعه بيها
لكن متطلبش مني إن حقي يتاخد و أتركن أكتر من 3 شهور و أكون مبسوط و أقول من حقهم يركبوا و أحنا لأ :dontudear::dontudear::dontudear:
عموما هي مش أول مرة نتعامل كمواطنين درجة تالتة
إحنا أتعودنا على كده
و أهو الواحد يتمرن قبل ميروح المرور و يتبهدل فالطوابير و يلاقي الباشا قاعد بيشرب نسكافيه فالكافيتريا و رخصته بتجيله لحد عنده عشان له معرفه أو دفع قرشين لشلة المرتشين اللي ماسكين المرور :angry35::angry35::angry35:
صبرنا يا رب
اصبر وان شاء الله لما تستلم وترخص ان شاء الله هتنسي كل حاجه وتهون عليك كل حاجهاقتباس:
المشاركة الأصلية كتبت بواسطة abohend
لو قريت الخبر اللي فاللينك بتاع الموضوعاقتباس:
المشاركة الأصلية كتبت بواسطة asmag
القاهرة لصناعة السيارات تتفق مع القوات المسلحة على توريد 1100 سيارة «بيجو 301» - جريدة البورصة
هتلاقي مكتوب بالنص
أضافت المصادر لـ «البورصة» أن شركة «CDCM» تعمل حالياً على تجهيز الطلبية لتوريدها خلال أيام.
و الكلام ده يوم 23-01
و الطلبية مكتوب إنها 1100 سيارة
طب قولي بالله عليك إزاي الجيش حاجز زي الناس
و واخد دور زيهم و هيستلم 1100 سيارة مرة واحدة!!!!!!!!!!!!
الجواب: لأن CDCM بتجهز فالطلبية من فترة
و من بعد معملت التعاقد مع الجيش و هي بتسحب مجموعة من كل مركب عشان تجمعله طلبيته
و المندوبين مبدأوش يتكلموا عن موضوع حجز الجيش إلا في شهر 11 (ساعة لما حجزت مكانش في لسه أي كلام عن الموضوع و ده كان في 31-10) و بالتالي حجز الجيش اللي ممكن يكون تم في أول 11 أو ممكن بعد كده كمان أثر بالسلب على بقية الحاجزين (اللي هو بياخد دورهم و منهم ناس كانت حاجزة في شهر 9 و 10 و أنا منهم)
و عشان كده بدأول يقولوا للناس 3 شهور بعد ما كانوا بيقولوا شهر و نص لشهرين
و كان المندوب بيعتذرلي و يقولي و الله مش بأيدينا لكن معظم مراكب شهر 12 هتروح للجيش
و بالفعل ده اللي حصل
و هتلاحظ إن التسليم في 12 كان قليل أوي بسبب الموضوع ده
و في النهاية عشان أنا مش هتكلم في الموضوع ده تاني
أنا مش فارقة معايا مين السبب
المهم النتيجة
تأخير التسليم
تقبل تحياتي
انا بقى كل اللى مقلقنى.. ان السعر يزيد.. و نتحمل احنا التاخير بسبب التوقيع بتاعنا على " يحدد السعر النهائى عند الاستلام"... بسبب طلبية الجيش.. يبقى انتظرنا مده اطول من المتفق عليها.. و بسبب طول المده ممكن السعر يكون زاد فى وقت استلامنا..!!!! الله اعلى و اعلم.. مجرد قلق..
طب يا جماعة نبص للموضوع من ناحية ايجابية ...
لما الجيش ياخد 1100 سيارة .. كدا العربية بتنجح أكتر وقطع الغيار هتبقى فى المستقبل زى الفل إن شاء الله وده هيكون ف مصلحتنا كلنا
مع احترامى للجميع...
انها سياسة البيع فى مصر يا سادة للنظر للامر بعقلانية اكثر...
سواء كان الخبر و التعداد صحيحا ام لا فعندما تتعامل اى مؤسسة مع اوردر بيع كبير لطرف واحد ياخذ الاولوية اى كانت هيئته و هذا ليس فى السيارات فقط بل فى كل شىء.
لقد اقترحت من قبل ان يتم جمع جميع ارقم و تواريخ الحجز و يتعامل المنتدى بضغط ما مع الوكيل ربما يمكن ان نكون هيئة ذات اعداد كبيرة يمكن ان تاخذ اولوية ما.
هذه مجرد فكرة و راى و لكن لا لوم على المؤسسة اللتى اشترت اللوم على من باع الذى يجب ان تكون لديه سياسة واحدة.
مع خالص تقديرى لكل اللى اتقال لكن مش مظبوط.
الجيش تعاقد على عدد من العربيات 301 من شركة بيجو (الرقم اللى اعرفه هو 2000 عربية) وللعلم بيجو اللى جريت ورا التعاقد ده لدرجة انها اديتهم عربية 301 مجانا فى الاول لتجربته كيفما شاءوا وفعلا الجيش جربها كويس واختبرها وقرر التعاقد معهم.
الظابط بيحجز العربية من خلال الجيش وبيدفع جزء من المبلغ والباقى بيتقسط من مرتبه.
الظابط بياخد جواب من الجيش وبيروح بيه فرع صلاح سالم يسلمه لمدير المبيعات التجارية
الظابط بيتقاله تابعنا بعد شهرين ونص عشان تعرف ها تستلم امتى.
(طبعا استحالة بيجو مصر تسلم 2000 او 1000 عربية مرة واحدة وهما بيتأخرو فى تسليم الظباط زى المدنيين بالظبط)
التوكيل بيتصل بالظابط لما عربيته تجهز وبيستلمها من فرع ابو رواش بكارنيه الجيش فقط.
التوكيل بيبلغ الجيش عشان يبتدوا يخصموا القسط الشهرى من المرتب.
بيجو لسه مسلمة من حوالى 10 ايام حوالى 100 عربية للظباط.
الكلام ده لو صحيح ( مع عدم الاخذ انى باشكك فى كلام حضرتك لان فى كلام كتير اتقال فى الموضوع ده) يبقى كده توكيل بيجو اثبت برضه انه توكيل محترم و بيعامل الناس كلها سواسية و انا عنى نفسى اتمنى انه يكون كلام صحيح اولا عشان اكون فرحان بعربيتى اللى هاستلمها انشاء الله و كمان اكون فرحان انى مع توكيل محترم ما عندوش خيار و فاقوس.اقتباس:
المشاركة الأصلية كتبت بواسطة damasry
الكلام حقيقى يا فندم وهو ده اللى بيحصل، وفى بعض الحالات القليلة اللى استلمت بعد 3 اسابيعاقتباس:
المشاركة الأصلية كتبت بواسطة trytob
نشكركم يا جماعة على التوضيح لان الموضوع ده فعلا كان ابتدى يخنقنا
معلش يا جماعة كل الكلام ده توقعات. لكن انا شايف ان الجيش بيستلم ف مواعيد خاصة ومبينتظرش زي العامة ومفيش دور منتظم وهناك محسوبية يعني لو واح تبع صاحب الشركة او حتى تبع مدير الفرع يبقى ليه معاملة خاصة بدليل ان في ناس استلمت قبل 3 شهور من الحجز والعيب فينا احنا. اولا لابد من تصعيد الموقف باباتصال على 19207 وتسجيل شكوى تاخير و عمل دوشة ليهم وعدم السكات وبكدا نكون ايجابيين انا عن نفسي عملت كده انهاردة وسجلت شكوى ضد مدير الفرع نفسه ومنتظر رد خلال 48 ساعة مع العلم اني حاجز يوم 11/3 ومش هسكت ومش هسيب حقي ومش هانسحب وهزن ويمكن اعمل محضر شرطة وارفع قاضية على الشركة لاثبات حقي وعدم اعطائهم الفرصة برفع الاسعار ولو مغيرتش حاجة يبقى كفاية اني ايجابي
مستحيل يكون استلم علشان الي عدا من الجمارك 530 عربية تقريبا بيجو من جميع فئاتها ازاي جيش هيستلم 1500 عربية الا لو العربيات مش بتعدي من المنافذ الجمركية