أخيرا وبعد معاناة... قدرت أرفع شوية صور للشارك بتاعتي!

السلام عليكم جميعا...

زي العنوان ما بيوضح انا من وقت ما اشتركت في المنتدى وكل محاولاتي لرفع اي صورة باءت بالفشل الذريع... المهم النهاردة دخلت على مركز تحميل الصور ونجحت المحاولة اخيرا فقدرت احط شوية صور للعربية يا رب تعجبكم...
معلش كل الصور متاخدة من الموبايل فالجودة ربما متبقاش عالية... كمان للأسف مفيش صور للعربية من جوة بس ان شاء الله اعملها قريب علشان كمان تبقوا تقولولي رأيكم في الفرش الجلد اللي كنت عملته عند واحد "عبقري" في طنطا عندنا...

مستني آراءكم ويا رب الصور تعجبكم!

دي الروابط:
http://nileup.com/up/uploads/nilemotors_13906784831.jpg
http://nileup.com/up/uploads/nilemotors_13906784832.jpg
http://nileup.com/up/uploads/nilemotors_13906784833.jpg
http://nileup.com/up/uploads/nilemotors_13906784834.jpg
http://nileup.com/up/uploads/nilemotors_13906784835.jpg
http://nileup.com/up/uploads/nilemotors_13906784846.jpg
http://nileup.com/up/uploads/nilemotors_13906784847.jpg
http://nileup.com/up/uploads/nilemotors_13906784848.jpg
http://nileup.com/up/uploads/nilemotors_13906784849.jpg
http://nileup.com/up/uploads/nilemotors_139067848510.jpg
http://nileup.com/up/uploads/nilemotors_13906791311.jpg

ماشاء الله ربنا يباركلك فيها ويعطيك خيرها
بس هو مين العبقرى بتاع طنطا ياباشا لانى من طنطا وعايز اعرفه ولو حتى ابعتلى على الخاص

بسم الله ما شاء الله
عربية ممتازة شكلا و موضوعا
ربنا يباركلك فيها
بس لو تتكرم و ترفع شوية صور من المقصورة تبقى وفيت
ألف مبروك

اقتباس:

---

المشاركة الأصلية كتبت بواسطة eng wael

ماشاء الله ربنا يباركلك فيها ويعطيك خيرها
بس هو مين العبقرى بتاع طنطا ياباشا لانى من طنطا وعايز اعرفه ولو حتى ابعتلى على الخاص

---

ربنا يكرمك...
بص الراجل ده في قرية ميت غزال (قرية الشيخ مصطفى اسماعيل رحمه الله)... هتلاقي مدخلها وانت جاي من ناحية القاهرة بالظبط قدام توكيل اوبل-شيفروليه... هتمشي على طريق زراعي بتاع 2كم وأول ما تدخل البلد اسأل عليه كله هيدلك...
اسمه: نجاح أبوالمال
وصدقني شغله احسن من ناس كتييير في طنطا نفسها واسعاره ممتازة... عمل لي الأرضية والشنطة بـ250 وبعديها الكراسي بـ1000... بني آدم ذوق ومتواضع واخلاق وجدي جدا في شغله ربنا يباركله...

مليووون مبروك ربنا يكفيك شرها ويرزقك خيرها
معلش ياباشا هيا سعرها كام الوقتى وليه العربية مش منتشرة زى البومة كدا واخر حاجة هوا اللون دا ايه فيرانى؟

الف مبروك علي العربيه وربنا يكفيك شرها ويديك خيرها وايه رايك في العربيه وحضرتك اكيد جريت علي سرعات بيها لا واضح ان حضرتك من البحر الاحمر وهيا موديل كام وسعرها كام ومش دي اعلي فئه

اقتباس:

---

المشاركة الأصلية كتبت بواسطة ashrafmahmoud93

مليووون مبروك ربنا يكفيك شرها ويرزقك خيرها
معلش ياباشا هيا سعرها كام الوقتى وليه العربية مش منتشرة زى البومة كدا واخر حاجة هوا اللون دا ايه فيرانى؟

---

ربنا يخليك يا باشا...
بص انا مش لسة شاريها، دي معايا من اواخر فبراير اللي فات... كنت جايبها بـ167، واعتقد الـ2014 منها بنفس السعر تقريبا... واللون فيراني...
مش منتشرة زي البومة ليه؟؟ دي من الغاز السوق المصري زي بالظبط ان السوبارو امبريزا مش موجودة تقريبا في الشارع وسعرها ارخص من السيراتو والالنترا...

اقتباس:

---

المشاركة الأصلية كتبت بواسطة spidars

الف مبروك علي العربيه وربنا يكفيك شرها ويديك خيرها وايه رايك في العربيه وحضرتك اكيد جريت علي سرعات بيها لا واضح ان حضرتك من البحر الاحمر وهيا موديل كام وسعرها كام ومش دي اعلي فئه

---

ربنا يكرمك...

- رأيي ان العربية دي عبقرية ومظلومة... ده ببساطة، ولو بصيت على مشاركاتي هتلاقيني بدافع عنها على طول الخط لأنها عربية اصيلة فعلا وheavy duty وتقدر تعمل بيها اي حاجة بدون قلق...
- بالنسبة للسرعات انا جبت بيها 215 مرة، وجبت الـ205 اكتر من مرة، وطول ما زوجتي مش معايا بمشي على الأقل 180 واقسم بالله انا بقيت لما بمشي بيها 170 بحس انها على 120 مثلا خصوصا ان تحذير السرعة عبارة عن لمبة led بتنور وتطفي بدل الجرس... الثبات مش هقول غير اني شخصيا بأكد انه لا يقل عن الألماني غير في فرق الاحساس بالعزل مع السرعات...
- انا من طنطا بس شغلي في البحر الأحمر...
- الموديل 2013
- سعرها كان 167000 وقت ما اشتريتها في 24 فبراير اللي فات...
- ودي اعلى فئة فعلا...

اقتباس:

---

المشاركة الأصلية كتبت بواسطة ahmed travco

ربنا يكرمك...

- رأيي ان العربية دي عبقرية ومظلومة... ده ببساطة، ولو بصيت على مشاركاتي هتلاقيني بدافع عنها على طول الخط لأنها عربية اصيلة فعلا وheavy duty وتقدر تعمل بيها اي حاجة بدون قلق...
- بالنسبة للسرعات انا جبت بيها 215 مرة، وجبت الـ205 اكتر من مرة، وطول ما زوجتي مش معايا بمشي على الأقل 180 واقسم بالله انا بقيت لما بمشي بيها 170 بحس انها على 120 مثلا خصوصا ان تحذير السرعة عبارة عن لمبة led بتنور وتطفي بدل الجرس... الثبات مش هقول غير اني شخصيا بأكد انه لا يقل عن الألماني غير في فرق الاحساس بالعزل مع السرعات...
- انا من طنطا بس شغلي في البحر الأحمر...
- الموديل 2013
- سعرها كان 167000 وقت ما اشتريتها في 24 فبراير اللي فات...
- ودي اعلى فئة فعلا...

---

حظك حلو ده 2014 علي ما اسمع نفضوها وشالو الصب بالجي ام

ما شاء الله جميله ولونها أجمل ربنا يباركلك فيها ويحفظهالك ... بس هو مقاس الكاوتش 15 ولا 16 اصل شكله صغير ... ؟

اقتباس:

---

المشاركة الأصلية كتبت بواسطة ahmed travco

ربنا يكرمك...
بص الراجل ده في قرية ميت غزال (قرية الشيخ مصطفى اسماعيل رحمه الله)... هتلاقي مدخلها وانت جاي من ناحية القاهرة بالظبط قدام توكيل اوبل-شيفروليه... هتمشي على طريق زراعي بتاع 2كم وأول ما تدخل البلد اسأل عليه كله هيدلك...
اسمه: نجاح أبوالمال
وصدقني شغله احسن من ناس كتييير في طنطا نفسها واسعاره ممتازة... عمل لي الأرضية والشنطة بـ250 وبعديها الكراسي بـ1000... بني آدم ذوق ومتواضع واخلاق وجدي جدا في شغله ربنا يباركله...

---

تسلم ياباشا ع المعلومه

اقتباس:

---

المشاركة الأصلية كتبت بواسطة j a g u a r

ما شاء الله جميله ولونها أجمل ربنا يباركلك فيها ويحفظهالك ... بس هو مقاس الكاوتش 15 ولا 16 اصل شكله صغير ... ؟

---

ربنا يخليك...
هو مقاسه 16 بس يمكن علشان البروفايل 60 مش 55 فباين ان قطر الجنط صغير شوية...
اول ما جبت العربية مكنش عاجبني الجنط بس بصراحة على الطبيعة حلو قوي وبدأت اقتنع بيه جدا...

ربنا يباركلك فيها ويحفظك من شرها

ربنا يباركلك فيها

Sent from my GT-S5282 using Forum Runner

بسم الله ما شاء الله
ربنا يبارك لك فيها

الصور للافاده

http://nileup.com/up/watermark.php?s...784831.jpg&p=c

http://nileup.com/up/watermark.php?s...784832.jpg&p=c

http://nileup.com/up/watermark.php?s...784833.jpg&p=c

http://nileup.com/up/watermark.php?s...784834.jpg&p=c

http://nileup.com/up/watermark.php?s...784835.jpg&p=c

http://nileup.com/up/watermark.php?s...784846.jpg&p=c

http://nileup.com/up/watermark.php?s...784847.jpg&p=c

http://nileup.com/up/watermark.php?s...784848.jpg&p=c

http://nileup.com/up/watermark.php?s...784849.jpg&p=c

http://nileup.com/up/watermark.php?s...848510.jpg&p=c

http://nileup.com/up/watermark.php?s...791311.jpg&p=c

ربنا يحفظهالك يا رب.

الف مبروك عليك

ما شاء الله
قولوا جميعا
اللهم بارك له في سيارته واعطه خيرها واكفه شرها

الف مبروك يا فندم
ممكن شوية صور للفرش الداخلى لانى عايز اعمل فرش والناس كلها بتشكر فى جينز كار بس انا شايفه غالى شوية وانا قلقان من السفر القاهرة اليومين دول وانا قريب من طنطا اساسا فسهلة يعنى لو شغله كويس اعمل عنده

ما شاء اللة ربنا يبارك يا استاذ احمد

ماشاء الله

بسم الله ماشاء الله تبارك الله...ربنا يباركلك فيها

أنا ملاحظ فعلا الاستاذ أحمد مدافع عن فئة الشارك في كل المقارنات اللي انا شوفتها

انا ناوي ان شاء الله احجز الفئة التانية من الطارق هل هناك اي نصائح او ملاحظات ؟

ما شاء الله
ربنا يبارك يا غالي

الف مبروك

احمد باشا والله والله وحشنى جدااا
ويارب يباركلك فى عربيتك الجميله وانتا عارف انا لو مكنتش اشتريت الهوندا حبيبت قلبى كنت جبت الشارك بدون تفكير
اتمنى انى اسمع صوتك
ومستنى منك عزومه غداء فى طنطا
تحياتى ليك

اقتباس:

---

المشاركة الأصلية كتبت بواسطة hano_elbeh

احمد باشا والله والله وحشنى جدااا
ويارب يباركلك فى عربيتك الجميله وانتا عارف انا لو مكنتش اشتريت الهوندا حبيبت قلبى كنت جبت الشارك بدون تفكير
اتمنى انى اسمع صوتك
ومستنى منك عزومه غداء فى طنطا
تحياتى ليك

---

هاني باشا... اخبارك ايه؟؟؟ وايه الغيبة الطويلة دي؟؟؟ لعل المانع خير ان شاء الله...
ربنا يبارك فيك ويباركلك في عربيتك يا رب... ومستني تقولنا اخبارها ايه معاك بالتفصيل...
وطبعا انت تنور طنطا كلها وتشرفني!!

اقتباس:

---

المشاركة الأصلية كتبت بواسطة ahmed travco

هاني باشا... اخبارك ايه؟؟؟ وايه الغيبة الطويلة دي؟؟؟ لعل المانع خير ان شاء الله...
ربنا يبارك فيك ويباركلك في عربيتك يا رب... ومستني تقولنا اخبارها ايه معاك بالتفصيل...
وطبعا انت تنور طنطا كلها وتشرفني!!

---

والله يا احمد بيه انا تمام والحمد لله المانع خير
اما بالنسبه للعربيه مش عايز اقولك ان العربيه محترمه فعلا
وفعلا الهوندا من افخم واريح العربيات اللى ممكن تشوفها وتركبها ده غير متعه السواقه والقوه الموجود فى الموتور
ربنا يبارك فيك ويبعد عنك شرها ويديلك خيرها

ما شاء الله عربية محترمة فعلا، ربنا يباركلك فيها و يحفظهالك يا رب

أنا لاحظت من آخر صورتين:

http://nileup.com/up/uploads/nilemot...9067848510.jpg
http://nileup.com/up/uploads/nilemotors_13906791311.jpg

حضرتك عملت أطراف الأبواب الأربعة بشرائط نيكل كروم و سودت الإكصدام اللإمامي ورا النمر عشان تخليها شبه الإيفولوشن و ما شاء الله النتائج مبهرة. حضرتك عملت الحاجتين دول إزاي و فين و كلفت حضرتك كام؟

متشكر جزيلا

ربنا يديلك خيرها ويكفيك شرها والتقرير المصور ده بجد تحفة واللون الفيرانى ما شاء الله تحفه عليها انا يادوب لسه مرخصها انهارده

اقتباس:

---

المشاركة الأصلية كتبت بواسطة Omar Gamal

ما شاء الله عربية محترمة فعلا، ربنا يباركلك فيها و يحفظهالك يا رب

أنا لاحظت من آخر صورتين:

http://nileup.com/up/uploads/nilemot...9067848510.jpg
http://nileup.com/up/uploads/nilemotors_13906791311.jpg

حضرتك عملت أطراف الأبواب الأربعة بشرائط نيكل كروم و سودت الإكصدام اللإمامي ورا النمر عشان تخليها شبه الإيفولوشن و ما شاء الله النتائج مبهرة. حضرتك عملت الحاجتين دول إزاي و فين و كلفت حضرتك كام؟

متشكر جزيلا

---

ربنا يكرمك يا اخي...
بس الحقيقة هي الصورة الاولى ممكن خدعتك شوية لأن الشمس معكوسة على الابواب بشكل شبه المسطرة النيكل هههههه بس لأ انا مش عامل اي حاجة في الابواب...
الجزء الامامي اللي في نص الاكصدام ايوة انا عملته لزق مط اسود وشكله كويس بس مش مرضي 100% بالنسبة لي لأني مش بيعجبني العجب عموما... وان شاء الله الخطوة الجاية اني هشيل الاكصدام ده كله واجيب بتاع الـGT او الـEvo او الـRalliArt... ولو تعذر (لأني مش لاقي حد عامل كده اسأله ولا اعرف حاجة عن عالم الحرفيين ده خالص) فساعتها بقى هقوم واخد الاكصدام للتوكيل يرشه من شوية الخرابيش -لزوم العين بتاعة اول اسبوع للعربية- وهطلب منهم يرشوا الجزء الوسطاني ده اسود احسن من اللزق... ربنا يسهل
شكرا لمرورك

اقتباس:

---

المشاركة الأصلية كتبت بواسطة tifa2015

ربنا يديلك خيرها ويكفيك شرها والتقرير المصور ده بجد تحفة واللون الفيرانى ما شاء الله تحفه عليها انا يادوب لسه مرخصها انهارده

---

ربنا يخليك يا اخي...
وانا والله العظيم بفرح جدا لما بشوف حد بيشتري العربية دي لأنها ممتازة جدا وسعرها حلو بس مظلومة... وان شاء الله هتعجبك... وعربية حمالة قسية بجد واعتمادية فوق الوصف...