الموضوع: سمحونى فى سوال(حد سمع ان ظالم خد جزاءة فى الدنيا الا فى نهاية الافلام العربى فقط)

صديقي المواطن
أنا عن نفسي شفت عشرات بل مئات إتبهدلوا وخصوصا في آخر حياتهم ولكن برضو في ناس ربك ببخلص حقها أول بأول وأنا عن نفسي شخصيا حصلت معي كذا مرة في أكثر من شخص فلا تقنط ولا تيأس من رحمة الله وكله مقدر مش ربك بيقللك
ويمدهم في طغيانهم يعمهون
ثم المؤمن مبتلى وعشان كده إنت بتلاقي نفسك المصايب ترف على دماغك والخامورجي والحقير والبخيل وأبو البنات وتاجر المخدرات والبلطجي الدنيا ماشية معاهم مشية حلوة لكن صدقني حلاوة روح وكله حيلاقيه قصاده إن عاجلا أو آجلا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ياه شفتها كتير اخرهم واقعه مشهورة اتكتب عنها كتير والله اعلم

Sent from my GT-S5282 using Forum Runner

اولا ربنا يصبرك على اللي انت فيه و يخفف عنك و يرفع عنك الظلم و الابتلاء

ثانيا النماذج عديده على نهايات الظلم و الطغيان و البغي , حتى وان ماشفنهاش بأعيننا فاحنا قريناها في التاريخ عن مصائر اعتى الظالمين في الدنيا قبل الاخره , كمثال بسيط شوف مثلا اللي حصل في شارون فضل في غيبوبه 8 سنين لا هو حي ولا هو ميت والله اعلم كان حاسس بإيه و يشوف ايه في غيبوبته دي
وفي امثلة كتير عن هلاك امم و قرى ظالمه اهلكها الله بظلمها جزاءا لما اقترفه اهلها , وقريبا ان شاء الله كلنا هانشوف ده بعنينا كويس قوي بيطبق على اعتى قوة تحكم الارض حاليا

المولى عز وجل هو الحق وهو العدل , تأكد انك مش هاتلاقي اللي يرجعلك حقك الا سبحانه وتعالى , امتى وفين و ازاي , ده بقى تصريف الحكيم العليم