اللى بيفهم فى كيا ريو خليجى يدخل يفيدنى.. أرجوكم

**romeo9** · 26-01-2014 02:01 AM

السلام عليكم ورحمه الله وبركاته

أنا لسه شارى كيا ريو هاتشباك خليجى موديل 2013 وعامله 19000 كيلو ودفعت كل اللى معايا فيها علشان أركب عربيه هاى لاين وفيها كل حاجه.
كل ده كويس وزى الفل. المهم بقا عايز أسأل على كام نقطه علشان دى أول عربيه أشتريها فى حياتى.
بعد أذنكم كنت محتاج الشباب الخبره يفيدونى..
1- العربيه بتاكل بنزين فزيع (عفريت بنزين) يعنى مثلا نزلت أمبارح لفيت بيها شويه لقيت مؤشر البنزين نزل جدا يعنى العربيه تقريبا أخدت ربع التانك على حسب المؤشر, ركزت شويه مع قرايه التابلوه زى ماناس كتير بيقولوا لقيت الأرقام أللى جمب l/100km مش بتنزل عن رقم 13.3 وبتوصل ل 16.2 مع أن فيه ناس كانت كاتبين أنه المفروض بيبقى 7 أو 8. أنا مش عارف دى حلها أيه ولا هى كده عاديه ولا أيه مع العلم أنى مش معايا الضمان أللى هو aaa فاكده هادفع كتير ولا عادى وهاتتحل أصلا ولا لأ.
2- المفروض أنى شاريها هاى لاين وفيها جنط 17 وفتحه سقف والطاره مالتى فانكشن وفيها بلوتوث بس المشكله أنى شاكك أنها مافيهاش abs علشان لما بدور العربيه مافيش لمبه مكتوب عليها abs بتنور. فهل ممكن عربيه خليجى فيها الحاجات دى ومافيهاش abs ؟

أنا أسف أنى طولت عليكم بس والله أنا مش عارف أروح فين وأسأل مين وعرفت من صحابى كتير أنكم أهل خبره وبتساعدوا الناس. جزاكم الله خيرا مقدما.

**Ahmed.Essam** · 26-01-2014 02:13 AM

متقلقش ان شاء الله خير

اولا موضوع استهلاك البنزين
العربية تانك البنزين فيها 43 لتر يعني صغير وكده استهلاك البنزين هيبقى عالي من ناحية لان التانك صغير
وفعلا قراية التابلوه بتوصل معايا ل13 l/100km ودي بتبقى تقديرية على حسب سواقتك والطريق زحمة ولا مفتوح بس عمرها ما وصلت معاها ل16 للامانة
ومن ناحية تانية الريو فعلا استهلاكها عالي شوية في البنزين بغض النظر عن حجم التانك ويمكن ده عشان العربية عدد احصنتها 109 او 107 حصان تقريبا وموتور 1400 سي سي فأعتقد ده سبب لزيادة الاستهلاك شوية

ثانيا موضوع لمبة ABS
انا معرفش فيه عربيات خليجي بتنزل من غيره ولا لا هي عربيتي خليجي وموجود فيها ABS ولما بدور العربية اللمبة بتنور بس مادام اللمبة مش منورة عندك شوف وحدة
ABS موجودة عندك ولا لا او خلي حد بيعرف يشوفها يشوفهالك

ومعلش لو معرفش افيدك اوي لان لسه مالك جديد للعربية

**2CODE** · 26-01-2014 02:15 AM

ده استهلاك عالي طبعاً بس ايه طريقة سواقتك ؟؟؟؟ الطبيعي معايا بيكون من 9 الي 10 ده جوه البلد انما على الطريق السريع بيكون 7.3 او 7.1 ده اللي معايا

بس سؤال مهم جداً اشتريتها بكام ؟؟؟؟

**bassemali** · 26-01-2014 03:27 AM

وديها التوكيل إعملها فحص كمبيوتر .. هيتكلف حوالي 300 جنيه تقريبا .. وهما يقولولك العيب فين .. ده أسلم حل لإن كده فعلا إستهلاك البنزين رهيب.

**horas3000** · 26-01-2014 03:36 AM

اعتقد و الله اعلم الريو كان بينزل ليها سوفت وير يعالج موضوع الاستهلاك الزياده ده
كنت قريت عنه هنا في المنتدي
ممكن تدور او تسال التوكيل

**Mohab555** · 26-01-2014 07:15 AM

1- بالنسبه للاستهلاك البنزين .. فى سوفت وير بينزل فى التوكيل ب 150 جنيه بيظبط الدنيا كتير
2- بالنسبه لل abs لو فتحت الكونتكت قبل ما تدور ومالفتش لمبه ال abs منوره يبقى مفيش .

**romeo9** · 26-01-2014 10:29 AM

المشاركة الأصلية كتبت بواسطة 2code

ده استهلاك عالي طبعاً بس ايه طريقة سواقتك ؟؟؟؟ الطبيعي معايا بيكون من 9 الي 10 ده جوه البلد انما على الطريق السريع بيكون 7.3 او 7.1 ده اللي معايا

بس سؤال مهم جداً اشتريتها بكام ؟؟؟؟

أشترتها ب 120,000 بس كده غاليه صح ؟

**romeo9** · 26-01-2014 10:39 AM

المشاركة الأصلية كتبت بواسطة bassemali

وديها التوكيل إعملها فحص كمبيوتر .. هيتكلف حوالي 300 جنيه تقريبا .. وهما يقولولك العيب فين .. ده أسلم حل لإن كده فعلا إستهلاك البنزين رهيب.

الفكره بس أنها خليجى وأنا مش معايا الضمان بتاع ال aaa.

الموضوع: اللى بيفهم فى كيا ريو خليجى يدخل يفيدنى.. أرجوكم

LinkBack

أدوات الموضوع

عرض

-

-

-

-

المواضيع المتشابهه

رأيكم فى أوبترا 2010 خليجى .. بسرعة أرجوكم

اللي بيفهم في لمبات الاتشيك يدخل

ى حد بيفهم فى الكمبيوتر يدخل يفيدنى

اللى رش اكصدامات يدخل يفيدنى

حد يفيدنى أرجوكم العربية ما بتدورش

الكلمات الدلالية لهذا الموضوع

المفضلات

المفضلات

ضوابط المشاركة