انا معايا 35 الف ونفسي اركب مرسيدس المهم لقيت عربيات 200 موديل 77 ايه رايكم فيها كا عربية فى الطريق وهل ممكن تبقي اتوماتيك ولا مينفعش ومكيفة ولا لا طب والتسارع عامل اية وقطع الغيار اسعارها ياريت ردودكم مهمة
عرض للطباعة
انا معايا 35 الف ونفسي اركب مرسيدس المهم لقيت عربيات 200 موديل 77 ايه رايكم فيها كا عربية فى الطريق وهل ممكن تبقي اتوماتيك ولا مينفعش ومكيفة ولا لا طب والتسارع عامل اية وقطع الغيار اسعارها ياريت ردودكم مهمة
الحاجات الأنتيكة دي يفيدك فيها الأخ صدام
هو بيفهم فيها كويس و بيحب ركوبتها و بيفضلها على الجديد رغم قلة الأبشنز فيها
انا متفرقش معايا الاوبشن انا بسال العربية كمشي وسرعة الاقي منها اتوماتيك ومكيف ولا موديل قديم وخلاص والاخ صدام رد عليا فى موضوع قبل كده بس فلوس اللى مقصرة شوية
صديقي المواطن
قولا واحدا شكرا لثقتك الغالية وأنت عضو عزيز على قلبي ولكن التنويه يقتضي أن أزيدك علما إني أحب أنواع معينة من السيارات وليس كل عشقي للقديم بدليل أن سياراتي من موديل 1951 وحتى 2011 وكمان الذي قد لا تعلمه أن عربياتي من موديلات الخمسينات والستينات دايما بزودها بأعلى ما تنتجه التكتولوجيا كالبور والتكييف وأنظمة اﻹتزان الحديثة والكراسي الكهربائية والجنوط الحديثة والستائر الكهربائية وعشرات كماليات التكنولوجيا ولو كنت أحترم ال abs كنت ركبته أيضا بسياراتي الكلاسيك ولكني مكتفي بسياراتي الحديثة التي بها هذا النظام الفاشل إلى حد ما والذي له منفعة واحدة وله مضار أكثر من نفعه وأيضا بركب فتايس أوتوماتيك لعربياتي المانوال وبسقط مواتير ضخمة لعربيات صغيرة وبقصر عربيات وبطولها وبعرضها ولو عربية عاملة حادثة ومعجونة برجعها زيرو وكمان بعدل فوانيس وكمان بزرع فوانيس وكمان بعرض رفارف وغيرها
واﻵن نعود للأخ السائل الكريم
المشكلة في المرسيدس المعدل الشكل اللي حضرتك تطلبه أنا بكرهه بسبب إنه أكتر شكل مطلوب في مصر ومدعوك في كل مكان وعليه طلب عالي لغاية دلوأتي وأعرف وحده بيضة زيرو مطلوب فيها 76 ألف فبريكة بره وجوه بوهية شركة وعربية حتى كلاكس الفبريكة فيها
وأنا من يومين عرضت علي 5 سيارات وحده ب 22 ألف و وحده ب 35 ألف و وحده ب 45 ألف و وحده ب 20 ألف و وحده ب 47 ألف
وهناك كذا طريقة عشان تركب عربية زي دي
مثلا نجيب وحده ضايعة ب 20 ألف ونشدها ب 25 ألف نجيب وحده حادثة وناخد ورقها ونجيبلها نصين من بور سعيد وتركب عربية زيرو رسمية وهناك طرق أخرى الصدفة تسوقنا إليها
ولكن حضرتك دورت كتير وطلبت مساعدتي قبل كده وقلتلك أنا بكره المعدل ولكن هو عربية سريعة جدا وثابتة وبتجيب ال 200 بسهولة وثبات وحزيدك من الشعر بيت المعدل عمرها أكثر من 30 سنة ولكن هي أقوى وأثبت من كل العربيات 2014 كورولا وإلانترا وسيراتو وفيرنا ولانوس وأوبترا وغيرها
وأنا مساعدة مني ﻷنك عاشق للعربية حدلك على طريقة تساعدك تركب معدلة مكيفة وأوتوماتيك وهي إنك تجيب ال 35 ألف وترجعلي بعد 6 شهور تكون حوشت 10 أو 12 ألف وأنا أسلمك معدلة مكيفة وأوتماتيك وعفشة زيرو والنايلون على الكراسي وضمان شهرين ضد أي عطل عدا الكاوتش عليك وأنا حزقها وسط عربياتي ﻷني من يومين شفتهم بيشدوا وحده عالصاج جنب عربياتي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
ملحوظة غالب ظني أنا حخسر في العربية دي بس أنا شايفك ملهوف وحاسس بيك وبفتكر نفسي إني عمري ما طلبت حاجة في المنتدى هنا وحد ساعدني وساعتها أنا عاهدت نفسي لازم ييجي اليوم اللي نكسر بيه القاعدة دي ولما حد يطلب مساعدة يرد واحد ويقول عيني ويكمل معاه المشوار للآخر بجد مش زي ما ناس بتعمل يعشمك ويقللك حاضر وعيني وحسأللك وأجيبلك قرارها وفي اﻵخر سكتن بكتن
ملحوظة أرجوك متطلبش مني أخلصهالك في أقل من 6 شهور عشان صناعة عربية كل حاجة فيها جديد عملية مرهقة ومتعبة ومقرفة جدا جدا وأنا معروف عني ولا بختصر ولا بلزق وهدية مني فوق البيعة حسلمهالك متعدلة فوانيس شكل 2014 لزوم الحداثة
اشكر الاخ صدام على مدي تعاونة معايا وبصراحة تعبتك معايا بس انا كده ترددت وتهت منك بصراحة يعني افتراضا هتصرف كام يعني حسبة العربية وشدها وتظبيطها يكلف كام لو هيعدي المبلغ اللى معايا مش هينفع بصراحة لانى مزنوق بجد او بالعربي فى حجات تانية اهم بس بصفة عامة فانا بصراحة مش عارف لانى احترت
صديقي المواطن
أنا حبيت أخدمك والله شاهد ويوم القيامة مسؤول عن صدق كلامي
ولكن أنا للأسف بحاول أساعدك وإنت مش بتحاول تساعد نفسك قلنالك المرسيدس المعدل أبو 35 ألف مش نظيفة ورجعنا قلنالك أم 45 ألف شايلة نفسها ومانوال ومن كل 30 معدلة حتلاقي وحدة بس أوتوماتيك وفيه عربيات بيتكلموا في 50 ألف وفيه عربيات ب 20 ألف ماشية بس خرابة وفيه ب 25 ألف حضرتك قلت معييش غير 35 ألف قلتلك ماشي حعمللك وحده بسكتي ب 45 أو 47 وحتاخد وقت 6 شهور تجمع فيهم ال 10 آلاف اللي نقصاك عقبال مخلص العربية وحتكون أوتوماتيك أصلي ومكيفة ووعفشة جديدة وفوانيس جديدة وبوهيتها سكنس وجلد وعدادات كلها جديدة وبرضو في اﻵخر لما تخلص حتكون بنظافة أم 60 ألف وحضرتك ترد عليا وتقوللي أنا تهت منك فتخيل شعوري آه لو تعرف أنا بشوف التجار بيعملوا إيه في المرسيدسات وفي الشبحات وبيبوعهالكو إزاي لكن معلش الحمد لله على كل شيء عامة أنا برضو حفضل عارض خدماتي ليك مجانا دور إنت على أي عربية بمعرفتك وأنا أبصلك عليها مجانا وحسبة لله تعالى
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
ملحوظة كل كلامك مزعلنيش اللي زعلني منك إنك شايف فيه حاجات أهم من عربيتك وركوبتك ومنظرك أمام الناس فدماغك صعب تمشي مع دماغي ﻷن أنا شايف إن اﻹنسان أول متجيله 10 جنيه يجيب عربية فخمة ثم بيت فخم ثم بخلص نواقص مراته وعياله ثم يشوف لبسه وشغله وحاله ويطور نفسه لكن حضرتك ليك أولويات تانية فربنا يوفقك
بص يا باشا زى ماقال الاستاذ صدام فعلا ب35000ج دى هتكون عربية تعبانة العربية دى فعلا بتوصل ل70000ج وعلى فكرة حجتها متوفرة ومش غالية قوى يمكن من 3سنين كانت ارخص بكتير كمان بس مازالت رخيصة وركوبة ما بعدها ركوبة ويا ريت تجبها فوق موديل 80 عشان تبق الماكنة السودة ولو ممعكش غير ال35000 هتها واركبها شوية وبعدين ابقا شدها الشدة الى هية ودى عربية انا ندمت ندم عمرى لما بعتها ومعايا دلوقتى e190 1987 كاملة كل حاجة وفابريكة بالكامل بس مش زى المعدلة ابدا
الاستاذ المحترم صدام
بجد و حقيقى انا معجب جدا جدا جدا بكل حاجة انت بتعملها فى سياراتك لانى بعشق السيارات الكلاسيكية
و شايف انها اجمل مليون مرة من اى عربية 2014 زيرو ده طبعا لو حالتها هتبقى زى المصنع او زى ما حضرتك بتعملها على ايديك
انا كان معايا لانوس و الحمد لله بعتها و بامانة انا عايز اجيب 200 و ده لانها انسب حاجة لظروفى ككل من حيث الصالون والعزل و التحمل و قطع الغيار و الاعتمادية و الشكل طبعا و انا مش من النوع اللى بيحب يغير فاتمنى من ربنا انك تساعدنى فى انى الاقى حاجة متميزة لدرجة ان فيه ناس قالولى على بتوع المرسيدس فى فاقوس و انهم بيشدوها من الالف للياء فانا معنديش صبر على انى اجيب واشد و خاصة مع قلة الخبرة و سيادتك انا من النوع اللى ما بيعرفش يفاصل كمان فاكيد هينضحك عليا و حوارات كتير هبقى احكى لحضرتك عليها من اللى شفته مع الانوس اللى انا شايفها 128 بس بشكل اخر و مع احترامى ليها وللعربيات الكورى واليابنى و مش كلهم طبعا بس اغلبهم فى نظرى مش عربيات دول بيقضوا المصلحة وخلاص
اعتبرنى عضو عزيز عليك و ياريت لو تعاملنى بالمبدا بتاع الفلوس و تاخد اتعابك فى مساعدتى ولو انى ما اعتقدش انها تتقدر بفلوس طبعا او انا اقدر اديلك اللى تستحقه بس من باب عدم بخس الناس اشيائهم
طلب اخر لى صديق مههوووس بالعربيات جدااااااااااااا و ذوقه و اسلوبه فى ادق التفاصيل قريب لحضرتك كدا شوية لو تحب مساعدته ليك فى اى حاجة و بدون مقابل انا اعتقد انه هيرحب جدا بذلك لدرجة انه كان ايز يشتغل فى ورشة و مطلع رخصة مهنية من حبه فى السيارات
اسف على الاطالة و اتمنى اسمع رد حضرتك
فيه نقطتين نسيت اقولهم بحس ان حقبة التمانينات افضل سيارات اتعملت على وجه الاطلاق
الحاجة التانية انا متابع ليك و موضوعاتك بجدية لاعجابى بها
الله وكيل وشهادة لله الاخ صدام عمرة ماقصر فى رد او اي حاجة بس الفلوس اللى مقصرة هههه بس الحمد لله انا لقيت بصراحة معدل 35 الف لون اسمر لكن من جوة صالون حكاية على العموم احتمال اخلص فيها ومع الزمن ان شاء الله اروق عليها بس انا خايف من البنزين والضريبة لانها 2000 سي سي ناس كتير حذرتني ومن قطع غيار فياريت تكمل جميلك وترد علينا
معلش هتقل عليكم ايه موتور اسود ومش عارف موتور ايه دي حاجة وهل مع الوقت لو جبتها وكل شوية عملت حاجة انا عارف انها هتصرف اكتر بس هيجيي يوم وتكون عربية هاعمل ايه بقه النصيب
معلش كنت عايز اخد راي الاخ صدام ولو انى تقلت بما فيه الكفاية ايه رايك فى اس اي ال 280 مرسيدس وكام سي سي هيا وقطع غيارها وهيا ولا 200 ؟
أيه ياجماعة هيا الناس زعلت ولا ايه محدش رد علينا
صديقي المواطن
قولا واحدا صدام المواطن مبيزعلش من أي زميل في المنتدى حتى من المسيئين لي فما بالك بحبايبنا من أمثالكم الكريم ولكن قولا واحدا مشفتش الموضوع غير من شوية وأنا برد على عشرات اﻹتصالات يوميا من كل المحافظات ولسه قافل مع أخ من دمياط محتار في شد 190 مرسيدس و3 سمكرية بصوا عليها وقالوله مش نافعة ومنتظر صورها عشان أرجعهاله زيرو وسط عربياتي وكمان أطلب تعذروني لازم أرد على 80 أو 60 موضوع يوميا وإلا الناس حتزعل مني ومبحبش أزعل حد وكمان مبخشش المواضيع تاني بعد مسيب تعليقي عليها لو لم يلفت نظري أحد الأعضاء إليها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
صديقي المواطن
قولا واحدا لو 280 ألسبعينات فدي عربية عظيمة ولكن لا يوجد قطع غيار شبه نادر جدا وال 280 ثمانينات فدي مكنة 2800 عدد 6 سلندر لغاية 1983 ومنها ل 85 والسبب في عدم رغبتها هو إنه تقريبا نفس شكل أختها اﻷحدث 300 أس إي وكمان أس إي إل و500 ثم 560 فليه ياخد 280 لما يقدر يجيب اﻷرغب 300 أس إي وبها باكيتات أحلى وأحدث الدواخل وهي أعظم ما أنتجت مرسيدس بعد الشبح حتى يومنا هذا ولم يعودوا يصنعون السيارات بمثل هذه الجودة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
صديقي المواطن
مبروك ولا تقلق قطع الغيار للمعدل متوفرة عن المرسيدسات القديمة اﻷخرى والمكنة السودة أحدث من البيضة فتوكل على الله وكل ما تلم 5 آلاف إرمي عليها أو زي مبيقول المثل إيدي فيها على طول بتخلص نواقصها أول بأول
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
صديقي المواطن
متابعتك لي زادتني شرفا ورفعة وأنا سعيد بيك وأتمنى أكون عند حسن ظنك وفعلا الثمانينات هي زمن إطلاق اﻷفكار الجنونية والحديثة والخيالية في عالم السيارات ومئات العربيات الغريبة ظهرت في الفترة دي أيام مكانت تويوتا مثلا بتطلع عربيات توصل لمليون كيلومتر ومتغيرش غير زيت وبنزين وعندي عربيتين من مجمةعتي الخاصة حاليا ثمانينات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
صديقي المواطن
أنا تحت أمرك طبعا وفي خدمتك وفي خدمة كل الشرفاء بالنسبة لفاقوس بقت بلد تجاري وأغلى من مصر وتجار كلام ولو معندكش قرايب هناك يبيعوك نفسك وإنت واقف وأنا لسه راجع من فاقوس السبت الماضي سلمت عربية جديدة هناك وبكده عندي 5 عربيات من مجموعتي هناك وعندي في القاهرة والجيزة وشربين وغيرها
بالنسبة للعربية 200 المعدل فعربية عظيمة جدا بس أنا مبحبهاش ومش عارف حضرتك وجه الخدمة اللي عاوزني أقدمهالك ﻷن الناس عارفة أنا بقدم خدماتي مجانا
ولكن بقول أسعار دي أسعار التكلفة فقط ومش عايزين مكسب ﻷني بزقها وسط عربياتي لكن لو عربياتي خلصت مش حعرف أقدم الخدمة دي لحد والتكاليف التقريبية والشروط قبل التكاليف
الفلوس تدفع كاملة مقدما وأنا أسرق منها براحتي وكمان المدة اللي نتفق عليها من 4 إلى 8 شهور ممنوع تشوف العربية بتاتا
التكاليف التقريبية
لو حضرتك تجيب العربية
الشد فبريكة 25 ألف سمكرة وبوهية وعفشة وسروجي شغل إستثنائي مفيش ضمان
أنا أجيب العربية
50 ألف وتاخد عربية زيرو وعدادها زيرو وبور وتكييف بدون ضمان ومكن جديد ودواخل جديدة وعفشة جديدة
60 ألف وتاخد عربية زيرو لونين بضمان عدا دبرياج وفتيس 15 ألف أو سنة مكيفة وزيادة عوازل صوت وحرارة
70 ألف تاخد عربية زيرو لونين بضمان شامل سنة أو 15 ألف وبها تعديلات شكلية تخليها أجمل من 2014
ملحوظة ضمان البوية والسمكرة سنتين
لو عايزها ذهب أو ألماز أو جواهر حتزيد 25 ألف ولو عايزها باكيتات ذهب حتزود 6000 ولو عايزها زيي مبعمل عربياتي وبركبها بالظبط حتكلفك 100 ألف وممكن تزيد ولو عزتها فتيس أوتوماتيك حتزيد 7 آلاف إلا لو جت أصلا أوتوماتيك مش من حقنا نزود عليك حاجة
الخدمة الثالثة وهي خدمة مليش دعوة ودي تكلفتها مقطوعة 10 آلاف ودي معناها تجيب حضرتك العربية وتشدها بمزاجك وتصرف زي متصرف وكله بالسجلات حتى آخر ربع جنيه يتكتب بالتواريخ وباﻷسباب ودي تمنع إجتهادي في اﻷلوان والتعديل
وعندك الخدمة الرابعة الخدمة اﻷخوية المجانية وهي إني ألف معاك مجانا كذا يوم في شد عربيتك بعيد عن اﻷسطوات بتوعي وأدلك على الصح مجانا
ملحوظة الخدمات أعلاه معظمها مجانية وتكلفتها قد تكون أعلى من المطلوب ولكن بسلي نفسي وكمان بزقها وسط عربياتي غير كده مش حقدر أمسك حتى تكتك مش عربية كاملة
صور العربية يفضل تتحط قبل وبعد في المنتدى عشان الناس تحكم ونسمع ملاحظاتها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
ملحوظة مادمت خلصت من الرفيقة لانوس العنتبلي فلا زال لسه فيه أمل ننقذك من التلفيات والعمر اللي ضاع من حياتك
مزيد من الشكر للاخ صدام بس معلش هتقل عليك واستحملني لاخر نفس متوسط سعر مرسيدس 200 موديل 78 كام حالتها نظيفة مكيف واتوماتيك وبور وزجاج كهربا وفتحة سقف تعمل فى حدود كام يعني مثلا 40 الف ولا تزيد
صديقي المواطن
حسب قناعات البائع والمشتري ولكن يتراوح سعرها حسب القناعات من 37 وحتى 47 ألف ده النظيف المعقول وهناك حالات جنونية متطرفة بوهية شركة بره وجوه وكلاكس الفبريكة ودواخل جديدة بتاعتها بتعمل 76 ألف وفيه العادي التعبان بقه من 20 ولغاية 29 والكورسليه قبل صدور قرار الجمارك بمنع النصاص بيوم كان ب 20 ألف وقول 4 سمكري وبوهيجي على 20 عربية تعبانة يعني المقصوص مش بتقل عن 44 ألف بأي شكل وطبعا بمواصلاتها وحبشتكاناتها أكتر توصل بس بصراحة يعني تركب مرسيدس 200 ب 45 ألف ولا تركب لانوس كفتة مش بلدي ب 45 والله مش عارف الناس في مصر بتفكر إزاي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
شكرا جدا جدا على ردك وعلى فكرة انا مبحبش تعديلات كتيرة على العربية وانا لقيت فعلا من 35 الف حتي 60-70 كمان بس انا هفضل فى المتوسط وخلاص وربنا كريم ويكرمنا بعربية نظيفة والواحد مع الوقت يعمل اللى محتاجاة
استاذ صدام بجد وحقيقى ربنا يبارك فيك انت موسوعة متنقلة
انا فعلا من دهشتى للعرض و الخدمة اللى حضرتك كاتبها عمال اقراها كل شوية ومش عارف اقول ايه بصراحة
اتاثرت جدا لما حضرتك قولتلى اتخلصت من الرفيقة لانوس العنتبلى و ان لسا فيه امل فى انقاذى يبقى حضرتك فهمت دماغى كويس رغم اننا ما اتكلمناش كتير ربنا يبارك لك
بما انى رغاى اوى نخش فى الجد بقى و عروض سعادتك
انا شايف ان العرض بتاع الخمسين انسب حاجة لقدراتى المادية و هى كل ما ندخر للسيارة و من حيث المواصفات و الخصائص ولو انى ميال لعرض الستين لكن عندى استفسارات لو تكرمت
فى العروض عامة احنا بنتكلم على ان العربية باذن الله اساسياتها سليمة ؟؟مش انصاص و خلافه لان فيه ناس الموضوع ده بالنسبة ليهم مش مشكلة لكنه مشكلة كبيرة بالنسبة لى اعذر جهلى
بالنسبة لعرض الخمسين هل فيه امكانية انها تكون اتوماتيك او عرض الستين
بالنسبة لعرض الستين حضرتك بتقول زيادة فى العزل للحرارة و الصوت السؤال هل عزل ال200 التقليدى سىء ؟لانى كنت بعانى فى الانوس و لا حضرتك تقصد انك هتزوده بحيث انه يبقى اعلى واحسن
و ربنا يجازيك خيرا على مساعدتك الكريمة
صديقي المواطن
بالنسبة للأنصاص فدي أمانة وأنا لو أحب أعملها حعملها في عربية تخصني مش عربية أخ مواطن صديق حيسألني ويحلفني وينشد مني الصدق بأن العربية دي ملحمة ولا ﻷ وخد بالك أنا النص أرخصلي وأنا بصرف فلوس في السمكرة غريبة جدا وبروح لكذا واحد عقبال مظبط اﻷساسيات
نيجي لموضوع العوازل أنا قولا واحدا بطبعي بحب أصرف خامات بزيادة وبحب الشغل العالي والمزاج وطبعا عزل سنة 80 مش زي عزل 2014"لكن أنا مبظهرش ولا قطعة صاج في العربية بتاتا وأنا بطلع عربيات من تحت إيدي تركبها مش تبيعها ﻷنك لو حتبيع حتخسر لكن لو حتركب حترتاح جدا ﻷنه مكنة وعفشة وشكمان وكهرباء جديدة وفرش جديد
بالنسبة للأوتوناماتيك فالفتيس لوحده شرائه 4500 جنيه وحنقعد نظبط زي الفبريكة وكونسولته وعصايه وعدادات كل ده شغل فحيخش 7 أو 8 آلاف لكن لو جت فبريكة حتى لو فتيس تعبان مش مشكلة أجدده زيرو
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
الاستاذ المبجل
مهيب الركن صدام
ايه آليات تنفيذ الكلام ده باذن الله
بادق التفاصيل لو تكرمت من حيث الفلوس و الاوراق و المكان وكل حاجة
انا اسف انى تقلت عليك بس ده عشمنا فيك و فى كرم اخلاقك
و شكرا ليك
صديقي المواطن
حتشرفوني وأعزمكم على شاي بالياسمين على حسابكم وتجيبون كامل المبلغ ال 60 ألف ثم تبلغوني رغباتكم من تاحية اﻷلوان وطبعا ححاول أقرب لتفكيركم لكن خط العمل اﻷساسي محدش يتدخل فيه ثم تكلموني من بعيد لبعيد للإطنئنان على صحتي من غير طلب صور للسيارة ومن غير السؤال عن السيارة وإنت أول متسمع إن فبه عربية مقلوبة نعدلة عالصحراوي تعرف إن عربيتك خلصت ثم تنسوني 6 أشهر للشد وأسبوعين حتى أجد سيارة مناسبة تعبانة وأبتدي أعيش اللحظة وأشوف حضحي بمين من عربياتي العظيمة عشان أدخلها وسط عربياتي عشان أي صنايعي لو شم خبر إن العربية دي مش بتاعتي مستوى الجودة في العمل ستنزل من خيالية خاصة بدرجة ومقاييس ومعايير صدام المواطن إلى الدرجة الممتازة العادية
في حالة وفاتي خلال فترة الشد فأنا من عائلة إسلامية وستجد أناسا يبحثون عنكم ليوفوكم حقوقكم وأنتم في بيوتكم مختصر مفيد قولا واحدا لو والدتك حتسرق منك فلوس إبقه إعرف إن صدام المواطن حيسرقك بعديها
وأنا كل كلامي بسيبه عالعام ﻷني دولة وعلم لوحدي ومعنديش حاجة كاسرة عيني ولا يجرؤ أي اسطة من مئات اﻷسطوات في الجمهورية يقول لك إن صدام المواطن ممكن حد يمسك عليه غلطة وكمان مكانش الناس بيعالي 5 من عربياتي بالقسط ولسه من ساعتين واحد مكلمني يبيعلي خنزيرة أدفعله بس مقدم 3 آلاف والباقي 1000 في الشهر قلتله صبرا جميلا جاري إجراء عملية نصب كبيرة عالمنتدى وأجيبلك ال 3 آلاف عشان يبقه عندي 12 عربية ونص بدلا من 11 عربية ونص
ملحوظة إنتو إنتهيته خلاص وبإذن الله حنلبس في كل حيطان الجمهورية
ملحوظة لا مانع لدي من عمل موضوع لكل سيارة يحتوي قبل وبعد حتى يطلع عليه اﻹخوة اﻷعضاء اﻷفاضل بس كده عربياتكم حتتفضح ودي عربياتكم وإنتو أدرى بيها أنا فقط مؤتمن عليها
إن كنا سنبدأ لا بد أن نبدأ قبل يوم 3 من الشهر القادم ﻷن فيه أخ عنده مازدا 2011 بيقول عاوز يعدلها وطلب مهلة ﻷول الشهر وأنا شعال في عربية صديقي المقلوبة النادرة ولازم أسلم اﻷيام القادمة واﻷخ اللي عنده البيجو المقلوبة عايز برضو يعملها ولسه عنده قلق لا إرادي وهو ربنا يشفيه حادثته شديدة عليه وعربية اﻷخت المديرة العامة في التربية والتعليم وتوقف العمل بها ﻷني غيرت السيارة لها بموديل أعلى خدمة مني وخدت أنا عربيتها القديمة غير عربياتي الشخصية أنا 5 منهم في ورش التعديل وأنا عايز مظلمش عربياتكم ولا عربياتي
وهذا ما لزم بيانه ودمتم
ملحوظة زملائي اﻷحباء الذين دايما بيكرهوني وبيقولوا عليا كلامنجي ومدعي ومزيف أحب أقول ليهم أنا مقدرش أعيش من غيركم وقدامكم أهوه بنشتغل الناس عالعام مش عالخاص فجالكم شغل وتنزلوا تشريح بيا عالجاهز أهوه وأنا حمارس هوايتي المفضلة الصبح أصلي الفجر في الجامع والظهر أرد عالشيخ خالد في مواضيع المنتدى شبه الدينية وبالليل أمارس هوايتي المفضلة بالسكر والعربدة واﻹعتداء على المواطنين
الاخ صدام تحية وبعد.
ركبت بيجو 206 2001 ثم مازدا 3 2008 اعلى فئة ومعى حتى الان. لكن تخيل لما بشوف مرسيدس حتى موديل تمانينات عينى بتطلع عليها. المهم عايز اعير المازدا وفكرت اجيب قتبلة مرسيدس w140 او الشبح فى واحدة معروضة على النت مو 94 عاملة 70 الف كم وعايز 175 الف. المشكلة ياسيدى انى ماعنديش وقت خالص. لما بنزل اجازة بركب العربية 24 ساعة ف انا خايف من الاعطال وانى اروح التوكيل او اى مركز صيانة (يعنى خايف ابيع وقتى للجري ورا العربية) وبقول اشتري وقتى واجيب كورولا 2014 بالسعر دا او اعلى حبتين بس عارف انى عمرى ماهقتنع بالكورولا او اللى زيها.
بماذا تنصح واحد غاوي سواقة ونفس الوقت ماعندوش وقت لتصليح العربية. الشبح 94 ولا الكورولا زيرو
لو جبت الشبح. حتحتاج اصرف عليها فد اية بحيث لا تطلب اى شيئ غير الصيانة لمدة 4 سنين.
اخيرا ازاى اعرف حالة الشبح نظيفة ولا لأ؟ والكشف يكون فين؟ والعداد لحد قد اية تبقى العربية كويسة جدا؟ ولو العربية جاية من سفارة دا عادى ولا بلاش؟؟
اخيرا ياريت رقم حضرتك.
جزاك الله كل خير
صديقي المواطن
أسجل شديد أسفي وإعتذاري لتأخري في الردود ﻷني في خضم رحلة إصلاح إحدى سياراتي وكعادتي نادرة قطع الغيار وهي السيارة الضخمة جدا شيفرولية دوبل كابينة 97 محرك 5700 سي سي فورتيك فمتكحور معاها عشان أرجعها زيرو
نيجي بقه لتسائلك وردنا عليه ولكن أنا مش عارف ليه حضرنك خدت إقتباس من مشاركة سابقة لا علاقة لها من قريب أو بعيد بتسائلك
وعشان نحط النقاط فوق الحروف فيه شوية بديهيات لازم تعرفها
أولا حضرتك قبل الشبح تعتبر راكب بيسكلتات أو تكاتك على أقصى تقدير مع ثلاثة أرباع إحترامي لمازدا 3 ونصف إحترامي أو أقل لبيجو 206 دي لاتسمى عربيات في تواجد الشبح
ثانيا لو حتاخد شبح متاخدش أقل من 95 تحت أي ظرف عشان خط في الباكيتة وشبكة أشيك وفوانيس أبيض أو كريستال وممكم تلاقي بالصدفة جنط كروم بتاعها أصلي والسعر بتاع ال 94 مبالغ فيه وده بيغني ومش معانه
ثالثا اللي بيفكر يجيب كورولا زيرو ويفضلها على شبح فده مواطن مجرم في حق نفسه وإحنه نسميه في عرف عشاق العربيات مواطن عادي عايز ينتقل من النقطة أ إلى النقطة ب بأي حاجة ومش فارقه معاه إنما العشاق متعته وهو راكب العربية فلازم يجيب حاجة تمزجه وترسمه في الشارع وتجيبله إحساس زائف بالتكبر والحسد ويحس إنه بقه من الرعيل اﻷول وبيبقه راكب الشبح عادة إنسان بيبحث عن الكمال في أدق التفاصيل تلاقيه مثلا يدور على الساعة الشيك والجزمة المختلفة ثم يسأل عن عطور الماركات ويبتدي يدور على وحده عيونها خضرة يتجوزها على مراته كام شهر ولو هو عنده إستعداد يكون شمال فهي بتوفرله اﻹحساس والإمكانيات اللي تخليه يمارس هوايته المفضلة في السكر والعربدة واﻹعتداء عالمواطنين ولو ليك في الشيوخ والجوامع فكل جامع حيتبني في المنطقه حيقلك فلان عدى وبيصلي معانه كلموه كل شهرين تلاته يزكي عن عربيته ويجيب كولدير أو تكييف
وطبعا البي إم الفئة الخامسة 2006 عربية قمة اﻹحترام ولكنها لا تقدملك إحساس اﻹتقان والفخامة والرسمة اﻹجتماعية كالشبح 98 وبالنسبة لمقارنتها بالكورولا حعتبر نفسي مسمعتش الكلام واﻹهانة دي ﻷن الخامات والتكنولوجية الموجودة في شبح 98 أعلى وأكتر وأحسن وأفخم من كورولا لسه متعملتش حتى قول 2018 وكمان الشبح عادي تمشي بيها سرعة 260 ولكن الكورول على 150 وتبتدي أول مراحل القلق
بالنسبة للمصاريف بعد شراء كل سيارة فدي تختلف حسب حالة اللي إشتريتها وبتختلف من واحد للتاني
يعني أنا كمواطن بشرطة ومغرور ومتكبرشايف نفسي ) طبعا أقل واحد فيكم ( فلي كواصفات وطلبات خاصة وممكن أصرف عليها لغاية 45 ألف
ولكن بصفتك مواطن عادي ومتواضع وعايز تعيش فحتحط على جنب من 12 إلى 20 ألف جنيه مصري فقط لا غير
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
استاذ صدام معلش من ضمن كلام اللى بندردش فيه الخنزيرة تعمل كام وهل سوقها ماشي فى اعادة البيع طيب سوال فني لان مفيش خبرة الخنزيرة او الشمامة اللى هيا صاحبة فانوس كبير بالطول ممكن تعدل فوانيسها الى مربع زى 200 كدة ولا مستحيل طيب سعر موتور 200 سي سي بالفتيس اتوماتيك يعمل كام للخنزيرة وشكرا واسف لانى حاسس انى كترت جدااااااااااااااااااااااا فى استفسارات
اخى العزيز صدام ,,,,,, الحقيقة انا كنت بفكر فى 190 و انا معايا حوالى 35000 ايه رايك و ايه الى ممكن نعمله ,, هل ممكن نشترى رقم و نشترى كروسليه انا بعشق العربية دى من ايام ايفو و 2 واتمنى انها تكون اوتوماتك لو مش صعب , مش هطول عليك انا شايف انك موقوف للاسف اتمنى رجوعك بالسلامه , تحياتى اخوك المواطن :)
بصراحه انا مبهور بالموضوع دا وما شاء الله على الاستاذ صدام عامل شغل جامد ربنا يباركله وبما انى من عشاق المرسيدس من نعومه اظافرى اهنيه على كلامه واشكر الاخوة الاعضاء الى شاركو فى الموضوع واشكر العضو الى فتح الموضوع دا عشان اشوف الكلام دا واقرئه واعرفه كمان وشكرا ليكم