سؤال عن اوتوماتك الاسد الفرنسى

**osamahalem** · 25-09-2008 08:14 PM

الاخوة الاعزاء خبراء الاسد الفرنسى العزيز انا باختصار معروض عليا عربية 504 موديل السبعينات بس بصراحة العربية تحفة ومعمولة بمزاج اوى يعنى تكييف وسنتر وانزار وقزاز كهربا وجنوط سبور بس فيها حاجة واحدة قلقانى وطالب مشورتكم ورأيكم هيكون بأمر الله حاسم فى قرارى المشكلة ان العربية فتيس اوتوماتك وانا معنديش اى خبرة فى الاوتوماتك وحسيت لما ركبتها ان ممكن عصايه الفتيس تتحرك للغيار الخلفى ( المرشدير ) وانا ماشى بيها عن طريق طفل مثلا يرفسها او حد بيهزر ومش فاهم فهل دة ممكن يحصل اولا ولا لاء ولو حصل اية العواقب بالظبط يعنى تبقى غلطة وتعدى على خير ولا ممكن من مرة واحدة الفتيس يبوظ تماما ويتكسر ولا الموضوع ممكن يكون اكبر والعربية تنقلب مثلا لا قدر الله وهل فية وسيلة لتامين الموضوع دة ارجوكم افيدونى ولا تبخلو بالنصيحه

**Nour_Peugeot** · 25-09-2008 08:22 PM

و اكيد الفتيس بتاع 505 او 405 و لو حاسس ان الفتيس خفيف للدرجادي بتروح لميكانيكي بيجو بس

يظبت الحكاية دي و مفهاش اي مشكلة

**osamahalem** · 25-09-2008 08:46 PM

يظبطها ازاى يا استاذ نور ممكن حضرتك تشرحلى وانا اسف لانى بجد معنديش اى خبرة او معلومات عن الاوتوماتك

**Nour_Peugeot** · 26-09-2008 05:27 AM

و الله معرفش بظبت يا باشا علشان انا بحب المانيوال اكتر و كل شغلي مانيوال

بس غالبا بيربط قاعده الاوتمايتك و ممكن يتغير عندك شويت حجات بس مش هتكلف إن شاء الله

و اسف اني مقدرتش افيدك

**islambana** · 27-09-2008 02:32 AM

بص ياباشا العصايه بتاعت الفتيس الاوتوماتيك عمرها ما هتتحرك غير لودوست علي الزرار اللي فيها لو بتتحرك في العربيه عندك كده يبقي هتكشف علي العصايه ولو مانفعتش تتصلح هتغيرها وهي مش غاليه علي العموم
اما بالنسبه لو لا قدر الله حصلت الحكايه دي الفتيس بس هو اللي هيروح في داهيه غير كده لا
وبرضه الحكايه دي لو حصلت في فتيس عاده هتكون نفس النتائج بس بيتهيألي فتيس ال504 العادهمابيجيبش مارشدير غير لما العربيه تقف وغير لما تكون حاطط الفتيس في وضع المور وتجيب مارشدير
واي استفسارات احنا في الخدمه

**osamahalem** · 27-09-2008 04:06 PM

يا اسلام باشا انا عاجز عن الشكر وكدة الواحد يبقى رايح للصنايعى وهو فاهم الموضوع وانت عارف الصنايعيه عندنا لو اتحصلو على زبون غشيم ممكن يدخلوه فى متاهة ملهاش اخر يعنى من الاخر حكاية الضمير دى مش واردة اطلاقا الا من رحم ربى وربنا يوقفلنا جميعا اولاد الحلال

**islambana** · 27-09-2008 08:32 PM

ياباشا ده اقل واجب وفعلا انت المفروض تبقي رايح للصنايعي وانت فاهم عشان مايشتغلكش

**Nour_Peugeot** · 27-09-2008 08:40 PM

و ياريت تقولنا عملت ايه ؟

و تفهمنا قلكايه

الموضوع: سؤال عن اوتوماتك الاسد الفرنسى

LinkBack

أدوات الموضوع

عرض

-

-

-

-

-

المواضيع المتشابهه

هنا...بداية تظبيط 504 الاسد الفرنسى الاسكندرانى

الاسد الفرنسى هو الملك

ياخسارة الاسد الفرنسى

انتباة .............بودى الاسد الفرنسى

الكلمات الدلالية لهذا الموضوع

المفضلات

المفضلات

ضوابط المشاركة