يا ترى يا هلترى هنغير فكرتنا عن الأسبيرانزا بعد الخبر ده؟

**Hossam_Hassan** · 10-07-2007 04:39 PM

أعلنت السلطات الصينية أن المحكمة قررت إعدام مسئول سابق بالحكومة بعد إدانته في إحدى قضايا الفساد.

وذكرت وكالة الأنباء الصينية "شينخوا" أن جينج زيانو ، المسئول السابق على الإدارة المكلفة بسلامة الغذاء والأدوية في الصين ، قد أعدم بعد إدانته بسرقة 6.5 مليون يوان صيني - 850 ألف دولار أمريكي - على شكل رشاوى ، وبالتواني عن واجباته المهنية ، وذلك خلال محاكمته التي جرت في شهر مايو الماضي.

وكانت الرشاوى متعلقة بأدوية "تخالف المعايير القانونية ، والتي تسببت في عدد من الوفيات في البلاد".

وكان جينج قد طعن في الحكم في وقت سابق ، قائلاً إن الحكم "قاس جداً" ، معللاً ذلك بأنه إعترف بجرائمه وتعاون مع الشرطة التي حققت في قضيته.

وشملت المخاوف من المنتوجات الصينية المسمّمة التي برزت خلال الأشهر الماضية ، معجون الأسنان ، وألعاب الأطفال ، والدم المسموم ، وأطعمة ملوثة مثل لحم الخنزير والمحار ، بالإضافة إلى أطعمة خاصة بالحيوانات.

**Casio2000** · 10-07-2007 08:39 PM

لو في بلدا الحبيب حنحتاج مذبحة جماعية - اعدام واحد واحد كدا مش حنخلص

**ahmed1981** · 10-07-2007 11:51 PM

لو طبقنا عندنا القانون ده
بس فيه حاجه مهمه مين اللي هيطبقه
البلد هتضطر تستورد حبال :!: :!: :!:

**أبو عبدالله** · 11-07-2007 02:04 PM

لأ هناك ملحوظة جميلة هو ان لما الصين بتعمل كده محدش في العالم بيثير ولا المنظمات الأنسانية بتتكلم ولا حد من المسئولين بيطلع يصرح ولا حاجه
ولكن لو احنا جأنا نطبق شرع ربنا اللي كله حكم ومأمورين بتطبيقه ......... هنلاقي العالم كله قام وقعد وقام وقعد والدنيا اتطربقت .............. وحسبي الله ونعم الوكيل

**ابوحميد** · 12-07-2007 04:24 AM

يا ابو عبدالله
احنا حاجة وهما حاجة

**PAYOO** · 12-07-2007 08:40 AM

لعلمك بقى يا حسام أنا كده هاتمسك بالصناعه الصيني

لانهم ناس ماعندهمش في الحق تفاهم ومعنى أنهم يعدموا مسئول فاسد يبقى ده معناه أنهم ناس يستحقوا الثقة

قوللي أنت ونبي مين عندنا اتعدم عشان فاسد ؟؟

**ahmed1981** · 12-07-2007 11:39 AM

مين عندنا اتعدم عشان فاسد ؟؟

يعني إيه فاسد
المركب بتاعة غرق بألف واحد ؟
وإيه يعني كان حد قال لهم يناموا ومينزلوش يزقوا المركب وهي بتغرق
ولا عايزين الحكومة تبعتلهم مركب على حسابها يزقهم
ولا كانت الحكومة قالت لهم متتعلموش السباحة

دا مواطنين ميعجبهمش العجب

**Islam_galal** · 12-07-2007 12:50 PM

هو ايه علاقة السبيرانزا بالموضوع
الصين دي عالم
يعني كادبوري بتنقل السلامونيلا في انجلترا أقوم أقاطع تيل الفرامل من النرويج :lol:

**Aladdin** · 14-07-2007 04:10 AM

موضوع مهم فعلا بس مش عارف ليه افتكرت عادل امام في مسرحية الزعيم و هو بيقول "اح..احنا ولاد *** احنا بندايئ الحكام و نارف عليهم عشيتهم"
ربنا يصلح الأحوال يا رب