صيانة العشرون فى مركز عثمان موتورز بشارع فيصل
احبائى واخوانى رجاله اللوجان بعد التحيه والاحترام انا كنت عايز اعمل صيانة 20000 فى التوكيل فسئلت عن مراكز الخدمه فناس نصحونى بمركز عثمان موتورز بشارع فيصل بما انى من سكان الهرم فاكنت متخوف من انى هعمل الصيانه فى مكان خارج التوكيل مع ان المركز تابع للتوكيل ومعتمد بالفاتوره وتمت الصيانه كتالى
اولا : اتصلت بيهم عشان احجز فقلى يا باشا تنور فى اى وقت احنا بنفتح من الساعة عشر صباحا
ثانيا : ذهبت اليهم تانى يوم فرحت وجدت مركز فى شارع جانبى من فيصل وهو عباره عن ثلاث محلات بجانب بعض وقابلت اخ ملتحى راجل قمه فى الزوق والاحترام وسئلنى انا هعمل اه واخد شويه بيانات ليه وللسياره وانا دخلت عندهم 10:05 فقلى الصيانه هتتكلف 850 جنيه ما ان فى التوكيل بعد الضريبه 1050جنيه و طلع جركن الزيت التوتال 10000 وطقم بوجيه الاصلى وفلتر هواء الاصلى وفلتر زيت وتم رفع السياره امامى وتم الكشف على التيل وتغير الزيت وتغير البوجيه اما عينى فى تقريبا 45 دقيقة وجبولى شاى من على القهوه ونفخو الموتور وحتى وهو بيغير الزيت بيحط 3.50كم وراح حطلى فى شنطه العربيه باقى الزيت والوجيهات القديمه والفلتر وبعد كده تم الكشف على الانوار وكشف على الزيوت بس فى كنت صغير جيت لقيته هيزود مياه التبريد بمياه عديه فقلتلو لا انا عندى مياه خضره وده ضيقتنى شويه ولكن الله اعلم فى التوكيل بيعملو اه انته مابتشوفش حاجه اتكلمت معاهم على موضوع تعليق الكالكس قلى يا باشا انته تأمر وخدو منى صورة الرخصة والتليفون وقلى اول ما اجيب الدراع من التوكيل هتصل بيك تيجى تركبه فرحت ادفع الصيانة فوجأت بانه عملى 50جنيه خصم ومعرفش ليه بجد الناس 10/10
[bor=#ff0000]الذبده من الموضوع [/bor]
1- فرق الصيانة من التوكيل 250 جنيه
2- فرق الوقت تقريبا نصف يوم كان بيروح فى التوكيل
3-الفرق الاهم ان كل شئ بتعمل ادام عنيك
4-فرق الزيت النص كيلو الى بيضرب فى التوكيل يعنى كل 7 عربيات بيعمل عربيه من بواقى الزيت
:new:ياريت الموضوع يكون مفيد للجميع
