Emgrand EC7 اشتريت و رخصت الحمدلله
الحمد لله تم شراء السيارة الجميلة إميجراند 7 و الترخيص و تفعيل الضمان.
الترخيص 3 سنوات كلف حوالى 1600 جنية بالمثلث وشنطة الإسعافات و الطفاية و التأمين الإجبارى و الكلام دة كلو.
انطباعى الأول و تقييمى بعد التجربة ل 500 كيلو:
1. ثبات 8\10
2. عفشة 8\10
3. فرامل 9\10
4. كماليات 9\10
5. الموتور لسة فى التليين بس الحمد لله حاولت اجرى فا مكسفنيش و ال 160كم/س وصلتلها فى ثوانى.
6. التقفيل فية بعض المشاكل بس كلها بالنسبالى صورية و تتحل بسهولة, بس فى رداءة فى لزق بعض الأشياء.
اما التوكيل و تفعيل الضمان فدة كان اكبر المشاكل:
1. اتصلت و رد عليا شخص غير مدرب بالمرة.
2. تم تفعيل الضمان و لكن لم يذكر اى من بنودة و لا حتى مواعيد الصيانات.
3. سألت بطريقة ظريفة على احسن ميعاد اتصل احجز فية.. قالى يا ريت قبلها ب 20 يوم, فرديت طب عايز احجز ميعاد الأن قالى اول ميعاد متاح فى 26 مارس (فرع ابو رواش), و دة كان اخرة معايا بصراحة فا قلتلوا ادينى مدير اكلموا و خد رقمى و بقالى 8 ساعات مستنى المدير يكلمنى.
قريبآ هنزل الصور إن شاء الله و ربنا يسترها عليها و علينا و يكفينا شر التكاتك و الكارو إلي ماشيين في شوارعنا.