-
والله حضرتك الفيرنا اللي بتقارنوها بالبريليانس دي لما بتاخد بيها مطب من المطبات العادية بتاع مصر الاصيلة بتبقي عايزة تقولك اقسمني نصين طبعا الفيرنا متنفعش غير ف طرق نضيفة وبس ملهاش ف شوارع مصر خصوصا لو حملتها وبغض النظر عن التكنولوجيا بقا والجودة انا من راي الفيرنا تاكسي والبريليانس شبابية بس
-
ياعم الفيرنا ... مش عايزة كلام .. صينى ومستورد مش مضمون لا الوكيل مهتم بخدمه مابعد البيع والصين كل سنه بتغير الشكل فى الاخير تلبسها ولا تعرف تبيعها حتى بنصف ثمنها ..خليك فى الكورى ومتجمع هنا وكل حاجتها فى الشوارع وريح دماغك
-
انا واحد من الناس عايز اجيب عربية بس فى رانج ال 100000 جديد مافيش احسن من البريليانس فى الفئة السعرية ديه
-
صديقي العزيز انا معايا frv مانيوال 2009 وكمان شغال محاسب في غبور ف أعتقد انى هقدر أفيدك ولو قليلا
كل صيانات عربيتى في التوكيل ويوم الاحد 23 فبراير حاجز صيانه ال 40 الف في فرع ابو رواش بإذن الله
العربيه اقدر اقولك ان قطع غيارها مش غاليه بالمعنى اللى الناس بتصوره او اللى انت متخيله وخلينى اشرحلك ازاى
لو انت من الناس اللى شايفه الفيرنا انظف عشان بليه الميكانيكي هيصلح اى حاجه فيها ويأخد 20 جنيه او لو الفانوس اتكسر هشتريه ب 50 جنيه من اى محل يبقي قطع غيارها هتبقي غاليه
لكن لو انت من الناس اللى بتحافظ على العربيه زيي وهتعمل صيانات في التوكيل وتركب كل حاجه اصلي يبقي سعرها مش هيكون غالي اوى لا هيكون عادى بالنسبه لأسعار التوكيلات
هي اسعار قطع غيارها ومصنعياتها ارخص من صينى وكوري كتير وبحكم عملي في غبور هما حاجتهم ارخص من غبور بجميع موديلاته
في المجمل هي ارخص من اغلب الكوري ومتقاربه مع الصينى ترخص في حاجات وتغلي في حاجات ( ولو عايز تعرف في صيانه ال 40 الف انا عملت ايه ودفعت كام استنى وهبقي اقولك )
بالنسبه للتوكيل فهو جيد جدا يرتقي الى الممتاز وتقييمه عندى 8.5/10 وهحكيلك على موقفين حصلوا معايا شخصيا بنفسي عشان تديلك صوره عن الوضع
انا جيبت العربيه وقعدت اكتر من 3 سنين مغيرتش البطاريه ولا شحنتها ولا اى حاجه وماشي بالفابريكه المهم فجأه طبعا لقيت العربيه وقفت منى في وسط الطريق اول تصرف جالي اتصلت على نمره الانقاذ والطواري على الطريق بتاعتهم واحد رد عليا خد بيانات العربيه وخد وصفي للمشكله وحدد مكانى فين وقالي هنبعتلك حد شويه ولقيت حد بيتصل بيا طلع الفنى او المهندس اللى هيجي سألنى تانى عن اللى حصل وايه منور وايه مش منور وكده وقالي انا جايلك ووصفتله بالظبط وفعلا لقيته جيه بعربيه ماهيندرا ومعاه ادواته وطلع انى هريت البطاريه اكتر من 3 سنين لحد ما دخلت على الدينامو وغيرهولي وانا واقف وقبل ما يمشي عمل تشيك واتاكد انه تمام مفيش مشاكل تانى ودفعت وخدت فاتوره وسلام بس كنت خرجت من الضمان وفي النهايه هي غلطتى
تانى موقف من فتره قريبه وصلنا رساله على الموبايل انا وقريبي اللى معاه fsv ان في فرع جديد فتح في جسر السويس وبالمناسبه دى في اسبوع مجاني للكشف على الاعطال وتغيير زيت وفلاتر وروحنا مركز القطاميه وعملولنا كل حاجه وكشفوا .. الحلو بقا ان انا قولت للمهندسه انى لسه في ال 30 الف مغير زيت وفلاتر قالتلي طالما لسه مغيرهم خلاص بس وانا ماشي اتفاجأت انها بتدينى شنطه شيك فيها جركن الزيت وعليه الفلتر وقالتلي دول بتوع حضرتك كده كده كانوا هيركبوا بس طالما انت لسه مغير ف خليهم معاك للصيانه الجايه والله العظيم ده حصل والمهندسه اسمها ساره ,, واحب اقولك بحب خبرتى ان ده مبيحصلش في 90 % من توكيلات مصر ومش عايز اقول 100 % واولهم غبور هيقولك احسن وفرت
دول الموقفين ولك الحكم على التوكيل اللى بجد انا بفكر اجيب جريت وول بس لمجرد انها ضمان البافاريه من كتر الاحترام اللى شوفته وبما انى في غبور احب انصحك نصيحه اخويه متشريش حاجه من غبور ( تغور من وش غبور ) هو اه شاطر في التسويق لكن العربيات فيها مصايب ممكن اقولهالكم والخدمه والاسعار نار وده بحكم بقا انى محاسب
دى كانت إفادتى لحضرتك في استفسارك واى استفسار تانى اسأل وانا تحت أمرك
تحياتي : )
-
مقارنه الفيرنا الرديئهبالبريليانس هو إهانة للبريليانس
-
مقارنه الفيرنا الرديئه بالبريليانس هي إهانة للبريليانس
-
يا جماعة طيب حد يعرف معرض اجيب منه الكروس 2014 كسر زيرو ولا انا بحلم ؟
اكتر حاجة هتتعبني موضوع اعادة البيع دي خصوصا اني هجيبها تبع الشركة فاكيد هبيعها قريب علي الاقل بعد سنتين مع اني بعشق العربية بس حد قالي ان العربيه بتنزل 30 الف من سعرها في البيع ولو سنة واحدة ياريييييييييييييييييييييي ت حد يفيدني انا بقالي كتيييير اوي بفكر فيها ومش عارف اوصل لحل
Content Relevant URLs by
vBSEO 3.6.0 PL2