عاوز اعرف حاجه وياريت حد يفيدنى
كل مشوف شقه ملاقيش ليها رخصه مبانى ويقولولى كله مبيقاش يعمل رخصه مبانى وعداد الكهرباء بيجى بالفلوس وهيكتبه بأسمى لو اخدت الشقه
الموضوع ده رأيكو ايه لان بصراحه فعلا كل العمارات الجديدة كده فياريت حد يعرفنى؟
عرض للطباعة
عاوز اعرف حاجه وياريت حد يفيدنى
كل مشوف شقه ملاقيش ليها رخصه مبانى ويقولولى كله مبيقاش يعمل رخصه مبانى وعداد الكهرباء بيجى بالفلوس وهيكتبه بأسمى لو اخدت الشقه
الموضوع ده رأيكو ايه لان بصراحه فعلا كل العمارات الجديدة كده فياريت حد يعرفنى؟
طبعا كلام غير صحيح
لازم قبل ما تشتري شقة تشوف الاول رخصة العمارة وتتأكد ان الشقة موجودة في دور غير مخالف
لو مفيش عداد راكب ما تشتريش حتى لو المبنى ليه رخصة
الا لو فيه وصلة فرعية وحديدة يبقى تسال تتاكد
ولو مفيش رخصة اعرف انه مخالف
بعد الثورة ناس كتير بنت مخالف
بس بتواجه مشاكل مرافق وممكن ازالات
فهنا اتاكد انه فيه كهربا واشترى فى دور مش عالى
مخالفين .
حسبي الله ونعم الوكيل
مبنى من غير رخصة = مبنى مخالف
و الله أعلم إن كان مبني صح و أساسه كويس ولا أي كلام
لا طبعا كلام غير صحيح
بص يا اخ حماده ... مفيش حاجة اسمها كل الشقق مفهاش رخص
الكلمة دي ممكن سمسار يقلهالك علشان يبيع او صاحب عمارة مخالف علشان يوهمك ويبيع ... ومش بعيد يقولك انا اول مره اسمع ان صاحب شقه. بيسئل عن رخصة وهتعمل بيها ايه وهتسمع كلام كتيررررررر كتيررر لكن الواقع اي شقه في الدنيا ليها رخصة ومفيش غاز بيدخل اي شقه. من دون صورة من رخصة البناء ومفيش كهربا بتدخل من غير صورة من رخصة البناء ... وتحياتي
بلاش احسن
بدل ماتدفع دم قلبك و بعد كده ماتتهناش بيها و تقرفك فى المستقبل لما تقدم على غاز او اى حاجه
ده غير ان ممكن يجي قرار ازاله - و انا زمان كنت بقول مافيش قرار ازاله بيتنفذ لكن دلوقتتى لاقيت عماره مبنيه على مساحة 800 متر تقريبا و طالعه 7 ادوار و فيها شقق اتباعت و اتشطبت و دلوقتى بيهدو العماره
ولا عزاء للمشترين
لازم تسأل على عقد الارض الآول بأسم مالك العقار ولا لآ وكمان تتأكد انها متسجله فى الشهر العقارى
2 - اللى بيحصل اليومين دول ان الدنيا مولد وصاحبه غايب :36_1_1[1]:
كان زمان لازم تعمل رسم هندسى من مكتب معتمد وتاخدو وتطلع على الحى يعمله مقايسه وشويه ورق كده ويقدر تكلفه كده وتاخد الموافقه على الرسم الهندسى وعشان تاخد الرخصه النهائيه لازم يطابق الواقع بالرسم وده بيكون بالسنتيميتر واى زياده بتبقى بفلوس ويتعمل مصالحه مع الحى وبعد كده ياخد موافقه بدخول المرافق (دى القصه بأختصار) بس كل ده قبل الثوره
بعد الثوره الموضوع بقى حماده بالجانزبيل
كله بقى يبنى ويبيع ويحط الجكومه قدام الامر الواقع
بص عشان الموضوع بصراحه يطول شرحه
كلمه واحده بلاش
اولا انا متشكر جدا للأهتمام
وفعلا انا خايف من الموضوع ده
متشكر جدااااااااااااااااا يا اجدع ناس
اولا خد كلامى مش على انو تشجيع على شراء فى المخالف و لا على القرف الشغال دلوقتى
لاكن صدقنى اسال على عقد الارض لو الارض ملك الراجل فعلان مش وضع يد ولا اى من كلام ده
بس بانى دور زياده او كده اشترى
الحاله الوحيده ان متشترسش لو عرفتانالارض عليها مشاكل مع الدوله او طرفين مننازعين
و فى الحاله دى ابعد اولا علشان متشاؤكش فى جريمه اغتصاب ارض تانى حاجه هيبقى الوش كتير
لاكن فى السنه الحنا فيها دى عماره سليمه و ارض سليمه و مرافق كامله ضرب من الخيال
حتى فى التجمع الخامس و اكتوبر
regrds...
بمناسبة الموضوع
انا عندى شقة بالدور الثالث بعمارة ترخيصها للدور الثانى و فيه عدادات راكبة للدورين الاول و الثانى
الأدوار من الدور الثالث للتاسع لا يوجد بها عدادات كهرباء و العمارة بقالها اكتر من 5 سنين موجودة.
طبعا المقاول مش موجود و حتى لو موجود مش هايعمل اى مقايسات لبقية الادوار.
دلوقتى احنا اصحاب الادوار اللى مش متركبلها عداد كهرباء عايزين نعمل مقايسة و نركب عدادات
هل ينفع ان اى حد من السكان يقدم على المقايسة فى الحى؟
و لو ينفع ما هى الاوراق المطلوبة عشان الموضوع ده يخلص؟
و لو اى حد عنده فكرة عن التكاليف يا ريت يفيدنا.... الدور حوالى 180 متر و عدد الادوار سبعة ادوار تبقى المقايسة ممكن تتكلف كام؟
شكرا على المساعدة ان امكن
و جزاكم الله خيرا