مستشار تحكيم دولى

**dedi** · 26-01-2014 11:09 PM

كذا مرة باشوف البوست دة على النت وعندى 2 اصدقائى عاوزين يشاركوا بة وقلت ماحدش هايقول الخلاصة الا اخوتى فى المنتدى
الاعلان هو مستشار تحكيم دولى و الشهادة دولية و معترف بها من جامعة عين شمس
كـــن مـــســتــشــار تــحــكــيــم دولــي مــعتـمــد مــحـلـيــاَ ودولـيـا
مـــــــن جـــــــامـــــعـــــة عــــــيــــن شــــمــــس والــــــقــــاهــــرة
وThe International Cambridge Collega بــــــــإنــــــــجـــــ ـلــتـــــرا
بــشــهــادات تــصــدق مــن الخارجية المصريه وكارنية عضوية بلــقب
(الــســيد المــسـتشار) في التحكيم يمنحك الحق في عضوية نقابة مستشاري التحكيم الدولي ونادي مستشاري التحكيم...
متابعة القراءة
هو دة العنوان حد عندة فكرة عنة و هل نصب و حد اشترك فية
طبعا بيعطيك شهادة و كارنية و بادج للسيارة

**mohamed_selim** · 26-01-2014 11:22 PM

و بعدين بعد ما تاخد الشهاده و الكارنيه و بادج العربيه هتعمل بيهم ايه؟

**J A G U A R** · 26-01-2014 11:46 PM

متابع

**Abo Yasso** · 27-01-2014 10:37 AM

المشاركة الأصلية كتبت بواسطة mohamed_selim

و بعدين بعد ما تاخد الشهاده و الكارنيه و بادج العربيه هتعمل بيهم ايه؟

انت عارف الشهاده دى عامله زى ايه ؟؟
لما تروح شركه عاوز تشتغل وتقلهم انا معايا رخصه دوليه فى قياده كمبيوتر
فاكر انت الكلام ده كان اسمها كده

**mohamed_selim** · 27-01-2014 11:30 AM

المشاركة الأصلية كتبت بواسطة wael_kamel

انت عارف الشهاده دى عامله زى ايه ؟؟
لما تروح شركه عاوز تشتغل وتقلهم انا معايا رخصه دوليه فى قياده كمبيوتر
فاكر انت الكلام ده كان اسمها كده

يا فندم انا عارف ان ملهاش لازمه بس انا بحاول اتكلم مع صاحب الموضوع واحده واحده ...
و هى بالمناسبه مختلفه عن رخصة الكمبيوتر ... لو المكان معتمد و اخدت فعلا شهادة محكم دا شيئ جميل بس هتشتغل بيها ايه و فين هو ده السؤال ...
التحكيم بيكون فى مراكز معتمده و كل مركز بيكون ليه قائمه من المحكمين اللى هو بيعتم عليهم و طبعا القائمه طويله و مليئه بالاسماء الرنانه و كلهم محامين او بتوع قانون اصلا فبالتالى فرصة اى حد فاكرها حاجه سهله او مجرد الشهاده بتخليك تشتغل قليله قوى ان مكانتش معدومه ... الا لو ليك سكه جوه مركز من المراكز و لو هى دى الحاله مش هيحتاج اصلا يروح ياخد الشهاده من مكان عامل اعلان ... سكته هتظبطله الاعتماد من خلال المركز نفسه :)

**A.Saad** · 27-01-2014 01:22 PM

اسال فى مركز التحكيم التابع لحقوق عين شمس

الاعلان ده شكله كفتة من لحمة فيران

**mido** · 27-01-2014 03:38 PM

هتكسب انك هتشتغل امين الشرطة لما يوقفك فى لجنة :) الا لو كان متعلم شوية مش هتدخل عليه

**sha2e** · 27-01-2014 05:21 PM

من تلات اربع شهور واحد من الساده المستشارين دول ممسوك على الدولي الساحلي بعربية مليانه مخدرات
تقريبا واخد خط ليبيا رايح جاي واي لجنه يصدرلهم الكارنيه " مكانش ايامها الموضوع اتعرف اوي" لحد ما ضابط تقريبا كان عارف حوار التحكيم ده انه أونطه وشك فيه وصمم يفتش العربيه ولاقاها مليانه مخدرات
بعدها الداخليه نشرت الموضوع ونبهت على كل الى شغالين فيها يخدو بالهم من مستشارين التحكيم الدولي دول

-

الموضوع: مستشار تحكيم دولى

LinkBack

أدوات الموضوع

عرض

مستشار تحكيم دولى - انشر الموضوع فى :

-

-

-

-

-

-

-

المواضيع المتشابهه

كيفيه عمل توكيل دولى

حد يعرف مكتب محاماه دولى

ارجو الانتباه و تحكيم العقل

نداء الى م-سمير عياد و مستشار الدايو محمد ممدوح

الكلمات الدلالية لهذا الموضوع

المفضلات

المفضلات

ضوابط المشاركة