عرض للطباعة
السلام عليكم ورحمه الله وبركاته
كنت عملت موضوع قبل كده وسألت على معدل أستهلاك البنزين فى ريو هاتشباك خليجى 2013 فا كنت عايز أفهم بس علشان لو بيبقى فيه مشكله فى المعدل ده يبقى بلاش منها خالص.
يعنى قصدى أن السوفتوير اللى بيتعمل فى التوكيل ده بيظبط العربيه حقيقى ولا ممكن وممكن علشان أنا دفعت كل الفلوس اللى معايا وهاخد قرض.
المؤشر بيعمل 13.3 وبيوصل ل 16.2 يعنى وانا ماشى بشوف عداد البنزين وهو بيتحرك :Copy of majd(4):
العربيه عامله 19000 كيلو
أرجو الأفاده وجزاكم الله خيرا..
أرجو المساعده..
برجاء الأفاده جزاكم الله
؟؟؟؟؟؟
حضرتك كده جايب مؤشر البنزين على الاستهلاك اللحظي فلازم يقرا معاك كده ..... لازم تجيب القراءة على متوسط الاستهلاك مش الاستهلاك اللحظي (متوسط الاستهلاك القراءة اللي قبل اللي انت بتجيبها على طول ) .... ثانيا واضح جدا من القراءة اللي حضرتك بتقولها انك لازم تخف رجلك شوية على الدواسة .... ثالثا حضرتك عندك ميزة الايكو لو مش شغال شغلها وحاول طول منت سايق متخليش علامة الايكو تروح .... انا متوسط الاستهلاك عندي 8.5 لتر جوا القاهرة في الزحمة و 7 لتر على الطرق السريعة ..... ونصيحة لحضرتك بقه سيبك من موضوع الاستهلاك ده خالص في طريقة تانية حضرتك روح فوول العربية من بنزينة نضيفة و صفر عداد الكيلو و عند 200 كيلو روح فوول تاني وشوف انت حطيت قد ايه واقسم اللي انت حطيته على 100 هتعرف الاستهلاك كام بس لازم تفوول
اقتباس:
المشاركة الأصلية كتبت بواسطة prooo
أولا : كتر ألف خيرك وجزاك الله خيرا أنك رديت عليا وساعدتنى..
ثانيا : أنا تقريبا متأكد أنى كنت جايب القرايه الصح.. ده على حد معلوماتى البسيطه فى العربيات..
لو حضرتك ممكن تقولى مثلا القرايه دى قبلها أيه أو بعدها أيه أو مثلا الصوره اللى محطوطه عليه يبقى كتر ألف خيرك, علشان موضوع أستهلاك البنزين ده هيجننى.
وبجد جزاك الله خيرا.
حضرتك قلب في القرايات واول قراية فيها معدل بنزين هيا دي متوسط الاستهلاك واللي بعديها على طول هيا الاستهلاك اللحظي للبنزين ومعلش والله مش هعرف اوريك صور عشان انا في الشغل في وسط البحر :Zb_sor1[1]:وهنزل لسه بعد اسبوعين و جرب الموضوع التاني اللي قولتلك عليه هتعرف الاستهلاك قد ايه بالظبط ..... وخللي بالك مؤشر التانك لما بيبقى عند النص بيبقى 17 لتر مش 20 لتر عشان متتلغبطش روح فوول بس واحسبها مانيوال كده وسيبك من مؤشر العربية ..... واي استفسار تاني انا في الخدمةاقتباس:
المشاركة الأصلية كتبت بواسطة romeo9
مبدأيا بس علشان اريحك ... العربيه نص التانك 17 لتر مش 20 لتر علشان بس متفتكرش انها بتاكل بنزين ...مبدأيا مفيش ابدا استهلاك بيتحسب فى الزحمه .. هتظلم العربيه معاك بسبب بلدنا الحلوه
الحل ايه بقه :
تسيب العربيه لحد ما اللمبه تنور و بعدين تفول من بنزينه نضيفه و تطلع تمشى على طريق مفتوح و تشوف المعدل بتاع الاستهلاك هيبقى كام ... العربيه الطبيعى بتاعها مع الجرى على الطرق السريعه من 7 ل 8 لتر كل 100كم و فى الزحمه بترفع ل 10ل11 لتر كل 100 كم .. وصفر العداد بتاع الترب و شوف العربيه هتمشى كام كيلو لحد نص التانك ... و قولنا و ان شاء الله خير
مع مراعاه انك ماشى 19000 الف يعنى اكيد عاوز تغير فلتر هواء و بوجيهات و زيت وكل ده بيفرق فى الاستهلاك طبعا ..