.. وبعد التليين

**Ahmed Salah** · 10-07-2007 05:04 PM

لما جبت اللانوس جديدة من كام شهر سألت الاخوة الافاضل عن التليين وافادونى ان لازم اخلى بالى ان عداد ال RAM ميعديش 3 يعنى الموتور يلف 3000 لفة مش اكثر ماعدا الغيار الاول فيكفى 2 ودلوقتى العربية ماشاء الله ماشية زى الفل باستثناء ساعات مش بدوس على الدبرياج كويس وانا بنقل ودة بيخلى التروس تعمل صوت وتخبيط ودى غلتطى المهم دلوقتى ممكن ازود عدد لفات الموتور واخلى العداد يبقى 4 مثلا بدل ثلاثة علشان الموتور ميتعودش وفى المستقبل الاقى هى دى طاقته ولا خلينى مريح الموتور وماشى على عداد 3000 لفه علشان احافظ عليه مع العلم انى حاولت اضغط على الموتور وادوس على الغيار لحد 4000 لقيت صوت الموتور عالى. واذا استمريت على 3000 يبقى الخامس هيدينى سرعة 100 كيلو/ساعة طب لو عاوز امشى على 120 مفيش سادس ولا سابع !!

**MMamdouh** · 10-07-2007 05:24 PM

هى عاملة كام الف دلوقتى؟؟

MMamdouh

**mina_ramsis** · 10-07-2007 05:37 PM

3000 rpm مش وحش على اللانوس على 100 كيلو فى الساعة و مايعتبرش كتير على الموتور امشى هادى علشان تحافظ على الموتور بس ما فيش مشكلة اذا كل فترة تضغط على النقلات علشان الموتور ما ينمش منك

**MMamdouh** · 10-07-2007 05:39 PM

انت لو لينت على المشى دة يبقى موتورك مقفول تماما

عموما تقدر تدوس دلوقتى لحد 6500 RPM من غير مشاكل و خللى بالك ان النقلات الاعلى على لفات قليلة بيحمل على الموتور

MMamdouh

**Ahmed Salah** · 10-07-2007 06:28 PM

ممكن تقولى كل غيار العداد يوصل لكام .. ويعنى ايه لينت على 3000 يبقى الموتور مقفول هو معلومة التليين على3000 معلومة خاطئة وازاى اوصل بالعداد 6500 ده الموتور يصرخ ويستنجد بالمرور ارجوك يا استاذ ممدوح تشرحلى لانى اول مرة اركب زيرو .

**ahmed1981** · 10-07-2007 07:40 PM

في علامة حمراء في تدريج ال RPM المطلوب إنك متوصلهاش إلا عند الضرورة
يعني إنت خلاص لينت إمشي بمزاجك الوقتي ودوس براحتك وشغل التكييف بس متعديش التدريج الأحمر كتير إلا عند الحاجة
والتليين اللي إنت عملته أكثر من ممتاز يحافظلك على عمر الموتور

**MMamdouh** · 11-07-2007 09:46 AM

المشاركة الأصلية كتبت بواسطة معاذ الشرباصى

بس تقريبا حتة ان صوت الموتور عالى ده عادى فى الانوس, صح؟

اللانوس و الدايو عامتا صوتة عالى مقارنة باليابانى و الحاجات دى

MMamdouh

**MMamdouh** · 11-07-2007 09:56 AM

المشاركة الأصلية كتبت بواسطة Ahmed Salah

ممكن تقولى كل غيار العداد يوصل لكام .. ويعنى ايه لينت على 3000 يبقى الموتور مقفول هو معلومة التليين على3000 معلومة خاطئة وازاى اوصل بالعداد 6500 ده الموتور يصرخ ويستنجد بالمرور ارجوك يا استاذ ممدوح تشرحلى لانى اول مرة اركب زيرو .

انت ممكن تنقل زى ما انت عايز مش شرط عند لفات معينة بس طبعا دة حيفرق معاك فى استهلاك البنزين و استهلاك العربية بشكل عام... الكتالوج بينصح انك دايما تكون مابين 2000 الى 3000 RPM

لو كبست على الاول لحد 48 لو التانى الى 80 او التالت لحد 125 حتبقى قريب من 6500 لفة للموتور و دى اقصى لفات يقدر الموتور يوصلها و عندها بتاخد اكبر تسارع ممكن فا طبعا انت مش محتاج تعمل كدة الا لو عايز تجرى جامد جدا... صحيح المتور حيبقى صوتة عالى جدا بس دة مش معناة انه بيتعذب

التليين المفروض بيبقى على مدار كل لفات الموتور مش فى عدد لفات معين لان مع كل مستوى من اللفات الاحمال بتتغير و الجزاء بتحتاج تتطبع على بعضها عند كل الاحمال... تخيل انك عايز تبقى راجل رياضى فا بتمارس رياضة المشى فقط... اكيد لما تجرى 100 متر نفسك حيتقطع لانك عمرك ما عملتها قبل كدة... غير لما تكون بتجريلك 40 او 50 متر و تتدرج لحد ماتوصل 100 متر

انا قريت طريقة تللين طقم شمبر امريكانى و كانت الطريقة انك تكبس من 60 الى 90 و تهدى الى 60 تانى عشر مرات متتالية بدوت تسقيط نقلات او كيك داون :shock: طبعا دى كانت معلومة غريبة جدا بالنسبالى بس لما قريت عن التليين فهمت ايه الحكمة من الموضوع دة

MMamdouh

الموضوع: .. وبعد التليين

LinkBack

أدوات الموضوع

عرض

-

-

-

-

Re: يعنى ايه موتور مقفول -

المواضيع المتشابهه

التليين؟؟

التليين بعد طقم الشنبر

التليين

ما هو التليين؟؟

التليين ؟؟

الكلمات الدلالية لهذا الموضوع

المفضلات

المفضلات

ضوابط المشاركة