بص انا هقولك على الحاجات اللى اعرف سعرها
الرد هيكون باللون الاخضر
السلام عليكم ورحمة الله وبركاته
انا معايا النترا 2010
عايز اظبطها شويه
عايز اشترى كذا حاجه فى نفس الوقت وكلها استيراد بحيث انها تكون اصلى وفى نفس الوقت نوفر شويه
1- عايز كشافين فوج لايت بالضفيره والمفتاح اللى بيركب فى التابلوه تحت شمال (مش عايز اغير الدراع) وياريت لو فيه بالزينون
انا عامل الموضوع دة بس عملته بطريقة طويلة شوية
انا اشتريت الفوجين والمفتاح والضفيرة صينى ب 250 جنية سنة 2012 بص طبعاً
الفوجات علشان صينى اسفرت بعدها بسنة تقريباً وبقا شكلها سئ جداً نزلت اشتريت جوز اصلى ب 400 جنية مع العلم ان تمنهم 500 استيراد ودة اخر سعر قدرت اوصله
2- عايز مرايه ضم شمال (عندى اليمين) + وحدة ازرار اللى فيها الزرار بتاع ضم المرايات
المرايات الضم هتحتاج تلعب فى الضفيرة بالنسبة للمفتاح انا لسة شاريه استيراد من يومين
هتسمع اسعار من 600 جنيه لحد 450 جنية
متدفعش اكتر من 350 جنية فى انضف حاجة فيهم دة اخر سعر عرفت اوصله
لو تقدر تفاصل اكتر ياريت
3- عايز الاتوستوب اللى بيبقى راكب على الزجاج الخلفى - والسؤال هل بيركب على طول ولا ليه تعديل
مفكرتش فيه قبل كدة الصراحة بس لو لافيت هتلاقيه وتوصيله هيبقى سهل هتاخدله كهرباء من لمبة الاستوب اللى فى الفانوس وخلاص على كدة
4- عايز طاره مالتى بالكبلات بتاعتها لغاية الكاسيت واللى فيها جزء فضى
شوفت كذا طاره هناك بس حالتهم كانت تعبانة واعتقد صعب تلاقى الضفيرة بتاعتها الا بقا لو واحد بيحافظ على الحاجة بتاعته
لان غالباً التجار بتوع الاستيراد بيعاملوا الحاجة معاملة غير ادمية
5-عايز ال dvd التاتش اللى كان بينزل فى النترا 2011 خليجى بالكاميرا
الدى فى دى التاتش دة موجود عند السجان اللى فى شارع دمشق جديد ب 2400 جنية واللى بى جى بى اس عامل 2800 جنيه صينى بس صينى نضيف انصحك بيه مع كذا حد من صحابى ومبسوط بيه جداً
6- وانا عارف انها صعبه جدا - عايز طقم العدادات اللى فى نصه شاشه ديجيتال
دى بقا اللى فعلاً هتبقى صعبة حبتين لانى دورت عليها فى الحرفيين مرة وملاقتهاش
بس ممكن تلاقيها عند التجار بتوع بورسعيد
فى رأيكم الحاجات ديه تقريبا كل واحده فيها بكااااااااااااااااااااااا ام وايه احسن وافضل وارخص مكان اشتريها منه (بعيد عن سوسو ابن التيييييييييييييييييت اللى فى المريوطيه)
انا رديت عليك باللى اقدر عليه وان شاء الله ربنا يباركلك فيها يا باشا
المفضلات