طيب هو السنتر و الازاز الكهربا ممكن اركبهم في الضمان؟
عرض للطباعة
طيب هو السنتر و الازاز الكهربا ممكن اركبهم في الضمان؟
يستحب يا ميدو فى التوكيل ليه ؟ لسببين وهما :
السبب الاول : ان هناك فى التوكيل او الضمان ناس محترمة (انا اقصد محمد نصير توكيل كيا فقط) يعنى مش بيعملو كده الحاجة وخلاص وعندهم ضمير فى الشغل وما بيخلصوش غير لما يتأكدو ان الحاجة شغالة 100%
السبب التانى : عشان محدش يفكر يتلكك ويقولك انت عملت حاجة بره الضمان ويقول العربية كده بقت بره الضمان
فانت تريح دماغك وتتوكل على الله وتروح التوكيل وفى خيار تالت (بس ده راجع ليك )
انك تتصل بالتوكيل وتقول انا عايز اركب سنتر بس مش هقدر اروح الضمان فاممكن يدوك عنوان موزع معتمد او محل صيانة تابع ليهم
وربنا يوفقك...
اخوك يوسف
شكرا يا جماعة.... أصل أنا سألت اليومين اللي فاتو و كانت فعلا غير متوفره
شكرا يا يوسف
شكرا يا د.هيثم
الشكر لله يا د.هيثم
والله الواحد فرحان جدا ان فى اعضاء محترمة زيكم هنا
وانتم اكتر ناس خليتونى اقتنع بالبيكانتو وبأذن الله تعالى هجيب البيكانتو فول اوبشن بس انا مستنى لما الشحنة الجديدة تنزل والله انا مخنوق جدا بسب الموضوع ده وانى مستعجل عليها بسبب المواصلات لان المعهد بتاعى فى شارع الهرم (المعهد العالى للدراسات المتطور بالهرم) والمواصلات زى الزفت ابسط مثال :
اقسم بعزة جلالة الله انا فى يوم وقفت 4 ساعات مستنى المواصلات حتى ان الاقى مواصلة تودينى حته معينة عشان اركب منها واروح مش لاقى...(اليوم ده مش هنساه طول عمرى)
معلش طولت عليكم
اخوكم يوسف
عندك يا نها موزع معتمد زى المصرية للسيارات وليهم فروع كتير وعندك شركة عربيات لو انتى ساكنة فى الجيزة بردو موزع معتمد وليه صلة جامدة بـ كيا موتورز ورينو (كيا ورينو تبع توكيلات محمد نصير وبسم الله مشاء الله داخل على توكيل الفاروميو) انا عندى بصراحة رقم واحد شغال هناك بأمانة محترم جدا جدا جدا ومتواضع جدا وزوق جدا اسمه الاستاذ محمد بدر وهو شغال فى فرع عربيات اللى موجود فى المهندسين امام مسجد الشاذلي كلميه وهو هيرد على كل اسئلتك و هيفهمك تعملى ايه بالظبط سواء هتشترى كاش او تقسيط :
رقم الموبيل: 0109062191
وعندك رقم التوكيل : 25222222
وانا تحت امركم جميعا
اخوكم يوسف
سؤال يمكن خارج الموضوع
انا عيز اركب انذار, هو فيه فى التوكيل؟ و بكام
ضرورى السؤال دة يا جماعة