تشترى المانى ولا كورى ؟

**master-007** · 27-01-2014 08:50 PM

المشاركة الأصلية كتبت بواسطة تامر.محمد

فرق الركوبة و العربية حاليا اقل من زمان , لكنه مازال لصالح الالماني , و مش باتكلم على الالماني التوب
لكن فرق قطع الغيار برده قل و بقوا تقريبا زي بعض او الالماني اكتر شوية

يعني قطع غيار الاوبل و الكيا و الهيونداي في نفس الفئة حاليا تقريبا متقاربين جدا , لو قارننا مثلا الاسترا و الالنترا و السيراتو موديلات السنة دي
و لو قارناهم كعربيات هاتحتار جدا مثلا بين الاسترا و السيراتو

في حالة الفولكس و السكودا هي حاليا ليها مشكلة معانا عشان فتيسها مش مستحمل الزحمة عندنا تقريبا :)))

لو هانتكلم على الفورد فاللي سمعته ان الفوكاس فعلا عالية , بس توكيلها هنا هو اللي مموتها

اما لو اتكلمنا عن الاودي , فكله يسكت خالص :)

في العموم المقارنة النهارده بقت عربية قصاد عربية , مش ماركة قصاد ماركة او بلد قصاد بلد , قطع الغيار قربت من بعضها اوي اوي اوي , امكانيات العربيات ما تزال في الاجمالي لصالح الالماني بعوامل معينة , لكن قرار الشرا نفسه بيدخل فيه طبعا احوال السوق عندنا اللي ليها قواعد لوحدها

ولانى بتكلم عن عربيات كورى والمانى من نفس الفئه او يمعنى اصح ممكن نحطهم فى مقارنه ..فغالبا ده احسن راى سمعته لحد دلوقت ..فعلا فرق قطع الغيار بيموت .. لان اصلا فرق الاسعار بيموت هو كمان لما تلاقى الكورى معدى ال200 الف .. فحنا بنتكلم عن اى حاجه فى المقارنه زى الاداء مثلا ونطلع قطع الغيار بره الموضوع نسبيا .

**omaranes77** · 27-01-2014 10:32 PM

انتوا بتتكلموا في اية يا جدعان بتقارنو الماني بكوري باشا انا لما كنت في السعودية سنة 1989 مش فاكر بوبط كان معايا bmw فية كمبيوتر بيقولي العجلة عايزة تتزود و كان فيها ايرباج مش فاهم يعني بتقرنوا الامان و الراحة والفخامة ب صفر امان ممكن يبقي فية راحة صفر فخامة هوا الموضوع من الاخر تجيب الماني يعني قطع غيار غالية معمرة اويييييبيي ولا تجيب قطع غيار رخيصة مش معمرة ...... تحياتي

**Ahmed.Essam** · 27-01-2014 10:48 PM

هي في الاول وفي الاخر وجهات نظر وكل واحد المفروض يعمل اللي يريحه مش اللي يريح غيره
بس في ناس بتفكر بالطريقة دي

ان واحد شايف مادام هيجيب عربية مش ناوي يبيعها وهيخليها جزء من حياته فهيفكر في الالماني خصوصا لو معاه فلوسها وضامن بعد ربنا انه يقدر على قطع غيارها ( مع ان قطع غيار الكوري والالماني حاليا بقوا زي بعض تقريبا )

وواحد تاني بيشتري ويغير كتير فطبعا يوم ما يشتري زيرو هيجيب الكوري لان بيعه سهل ومش هيخسر فيه كتير

وفي واحد معاه فلوس يجيب بي ام احدث موديل لكنه عارف انه لما يجيبها مش هيتبقى معاه فلوس تانية لاي ظروف فطبعا مش هيجيله قلب يحط كل فلوسه في عربية وهيضطر يجيب كوري او ياباني او اي عربية اقل من البي ام مثلا بس مش معنى كده انه هيجيب عربية وحشة

او مثلا واحد معاه فلوس يجيب بي ام بس عارف انه مش هيقدر على مصاريف صيانتها وقطع غيارها خصوصا ان عربية زي البي ام او المرسيدس لازم مايتلعبش فيها برة التوكيل فيقولك وانا اجيب بي ام واضيق على نفسي ليه في مصاريفي الشخصية لمجرد اني اركب بي ام وابقى شايل هم طول الوقت !!

**drcobra** · 28-01-2014 12:29 AM

افللعربية ركوبة وبس
يعنى ممكن تركب عربية صينى وتعيش معاك وتعمر ومتكلفكش بس مش هتستمتع
وممكن تركب المانى وتبهدلها ومتعمرش معاك بس هتستمتع

**Omar Hammoudy** · 28-01-2014 06:32 PM

أنا شخصيا شايف انو بلدنا تشتري فيها الكوري وانت مرتاح ، بس الأسعار الخرافية إلي بنسمعها عن الكوري دي كلها خرافة إنه عالميا الالماني أغلى و جودة أحسن.

**M I D O** · 28-01-2014 08:57 PM

لو مش هبيع غير بعد 5 سنين علي الاقل و هقدر علي اسعار صيانات الالماني هجيب الماني بدون تفكير

**J A G U A R** · 29-01-2014 12:06 AM

المشاركة الأصلية كتبت بواسطة devil_storm

يا باشا محنا بنقول لو الماني مرسيدس او bm او اودي يبقي كوري ايه اللي انت جاي تقول عليه!!!
باقي الالماني في عربيات كوري بالفعل تفوقت عليه
يعني السيراتو الكوري تفوقت علي الاسترا الالماني علي سبيل المثال لكن اكيد تاخد علي قفاها من ال bm
يبقي مش كل الالماني متساوي
ولا كل اليباني متساوي
ولا كل الكوري متساوي

مظبوط كده انا اصلا مبحترمش فى الالمانى غير البى ام والمرسيدس والاودى غير كده التفوق للكورى .. هو الاسم المانى وخلاص ولا ايه