علامة الـ Abs في تابلوه الفيكترا .. صورة

**superkenwood** · 26-09-2008 01:12 AM

عندي مشكلة .. علامة الـ ABS منورة في التابلوه .. ساعات مش بتنور وساعات بتنور !! قلت أكيد في مشكلة في الفرامل .. رحت توكيل منصور اللي في الهرم وكشف عليها بالكمبيوتر وعملها refreash .. برده فضلت منوره !!
وبعدين قالي المهندس ان الفرامل الـ ABS شغالة 100% عندي والنور ده بس تهنيجه موجوده في 90% من الفيكترا .. وقالي ماتقلقش خالص ..

اريد تعليق الخبراء من فضلكم ..

**Ahmad Allawy** · 26-09-2008 01:19 AM

لأ طبعا الراجل ده بيهذي..
ممكن جدا ان الايه بي اس يكون شغال تمام 100% بس اللمبة منورة لسبب تاني خالص.. هيكون واحد من 2..
يا اما التيل متآكل شوية و عايز يتغير.. يا اما بقي المفاجأة و دي كانت حاصلة مع سومو حبيبنا هنا ف المنتدي..
كان الكاوتش اللي ورا عنده نوعين مختلفين و نقشتين مختلفتين.. ده بيختلف في مقاومة الكاوتش للحركة علي الارض.. بيخلي سرعه عجلة مختلفة عن التانية.. و الحساسات بتحس بكده..
و الكلام اللي الراجل قاله ده تهريج علني.. و ده مش مهندس.. ده مهرج.. ممكن تجيبلي اسمه.. عشان نشتكيه.. عيب قوي ان واحد ف التوكيل يروج كلام لا اساس ليه من الصحة..

يعني ايه 90% من الفيكترا..
اصلها لو كانت كده كنت لقيت ناس كتير هنا مشتكية منها.. لكن اللي حاصل عكس كده خالص..
مفيش ولا واحد هنا معانا حصل معاه كده.. غير سومو.. و لما كشفنا علي التيل كان كويس.. والكاوتش طلع المشكلة.. و لما غيره بجوز زي بعض.. طفت و بقي كل شيء تمام..

**superkenwood** · 26-09-2008 01:48 AM

مشكور صديقي Ahmad Allawy على ردك .. الكاوتش بتاع العربية كله نوع واحد ماركة بريل ألماني ونقشة واحدة .. بس فعلا تيل الفرامل الأمامي عندي تعبان جدا الفترة الأخيرة .. حأغيرة ان شاء الله كمان كام يوم .. بس المهندس اللي قالي كده كان من حوالي 6 شهور أكيد ساعتها التيل كان كويس !!
المهم حأغيرة وأقولكم النتيجة ... ادعولي

**abdelaziz-waleed** · 26-09-2008 07:35 AM

انا عندي نفس الموضوع ده ولسة مش عارف ايه سببه. بس ال ABS شغال كويس جدا. انا بصراحة مش اضيله حاليا بس ناوي اروح اشوف ايه الموضوع ده.
ليا واحد صاحبي كان عنده الموضوع ده في عربية فولكس بورا وراح لمركز صيان في بوسعيد ونظفله فيوز ال ABS ومن ساعتها اللمبة ما نورتش تاني

**Ahmad Allawy** · 26-09-2008 05:46 PM

خير خير.. بس المهم تطمنونا ان شاء الله..

**ENG\AHMED** · 26-09-2008 06:47 PM

دة مهندس اهبل بيقولك كدة علشان يريح دماغة ويخلص
لمبة ال abs كانت منورة ساعة لما كان بيكشف علية؟؟ ومنورة على طول ولا ساعات ساعات ؟؟شوف تيل الفرامل قدام وورا وحالة الكاوتش

يعنى اية نضف فيوز ال abs ياعبد العزيز ؟؟ لو الفيوز كان بيعلق يبقى ال abs مش هيشتغل

**M.Mokhtar** · 26-09-2008 10:32 PM

لو ساعات وساعات يبقى فى وصله من الاربع عجلات بتلمس
او الحساس شايف حاجة مش مظبوطه زى التيل مثلا بيخليه يحس ان فى حاجة غلط
حاول تظبط التيل عندك واتأكد ان فيش ال Abs متوصله كويس

**Ahmed Hassan** · 26-09-2008 10:41 PM

يعنى اية نضف فيوز ال abs ياعبد العزيز ؟؟ لو الفيوز كان بيعلق يبقى ال abs مش هيشتغل

اعتقد قصده حساسات الـ abs.... عموما انا صاحب المركز ده صديقي.. و لو حد محتاج حاجه منه انا تحت امركم.

النسبه لصاحب السؤال... انت مركب زينون في عربيتك؟

**abdelaziz-waleed** · 26-09-2008 11:36 PM

المشاركة الأصلية كتبت بواسطة NoNaMe

يعنى اية نضف فيوز ال abs ياعبد العزيز ؟؟ لو الفيوز كان بيعلق يبقى ال abs مش هيشتغل

والله مانا يا سعادة الباشا

دا صاحبي هو اللي قاللي. انا ما شوفتش حاجة. لو شوفت هاقول على طول

المشاركة الأصلية كتبت بواسطة Ahmed Hassan

اعتقد قصده حساسات الـ abs.... عموما انا صاحب المركز ده صديقي.. و لو حد محتاج حاجه منه انا تحت امركم.

ربنا يخليك يابو حميد. انا صاحبي ساكن في الاسماعيلية علشان كدة بورسعيد تعتبر اقرب حاجة ليه. انا هاقوله واخليه يتصل بحضرتك. ومشكور مقدما ياباشا على كرم اخلاقك

**abdelaziz-waleed** · 26-09-2008 11:37 PM

المشاركة الأصلية كتبت بواسطة mimysheckles

لو ساعات وساعات يبقى فى وصله من الاربع عجلات بتلمس
او الحساس شايف حاجة مش مظبوطه زى التيل مثلا بيخليه يحس ان فى حاجة غلط
حاول تظبط التيل عندك واتأكد ان فيش ال Abs متوصله كويس

انا بلفعل كنت غيرت التيل والطناير ولكن المشكلة ا زالت قائمة. ولكن لم اقم بتغيير زيت الفرامل او الباكم.

الموضوع: علامة الـ Abs في تابلوه الفيكترا .. صورة

LinkBack

أدوات الموضوع

عرض

-

-

-

-

-

-

-

المواضيع المتشابهه

تعديل بسيط في اضاءه تابلوه الفيكترا b

لمبة منورة في تابلوه الفيكترا سي

ما معنى ظهور علامة مفتاح فى تابلوه بيجو 307

صورة وسؤال .. مفاتيح في تابلوه الفيكترا

مشكلة نور سقف الفيكترا .. صورة

الكلمات الدلالية لهذا الموضوع

المفضلات

المفضلات

ضوابط المشاركة